Quelltext vun der Säit Nordstad weisen

[[Fichier:Map Nordstad.jpg|thumb|300px|D'[http://www.nordstad.lu Nordstad] mat hiren ursprénglech 6 Kärgemengen]]
Mam Begrëff '''Nordstad''' ass keng Stad, mä de ganze Ballungsraum [[Ettelbréck]]-[[Dikrech]] gemengt, deen aus de Gemenge [[Gemeng Bettenduerf|Bettenduerf]], [[Gemeng Dikrech|Dikrech]], [[Gemeng Ettelbréck|Ettelbréck]], [[Gemeng Ierpeldeng op der Sauer|Ierpeldeng]], [[Gemeng Schieren|Schieren]] a [[Gemeng Colmer-Bierg|Colmer-Bierg]] besteet.

De Konzept vun enger „Nordstad“ als drëtten Entwécklungspol vu [[Lëtzebuerg (Land)|Lëtzebuerg]] (nieft der Stad [[Lëtzebuerg (Stad)|Lëtzebuerg]] an der Regioun [[Esch-Uelzecht]]) geet op den Ekonomist [[Adrien Ries]] zeréck, dee schonn 1973 op déi wichteg Roll vun enger dezentraler Wirtschaftsentwécklung higewisen huet.

Zanter 2018 gëtt op eng  méiglech Fusioun vun ufanks 5, zanter Hierscht 2024 just nach 4 vun deene Gemengen (Colmer-Bierg, an dono Bettenduerf hu sech zeréckgezunn) higeschafft. 

== Geschicht ==
Den 2. Juni 1973 huet den Adrien Ries op enger akadeemescher Sëtzung vum Dikrecher Geschäftsverband d'Visioun vun enger „Nordstad“ skizzéiert. Doropshin gouf eng „Denkfabrik Nordstad“ an d'Liewe geruff, fir Konzepter dozou auszeschaffen. Et huet awer bis de 24. Abrëll 2006 gedauert, bis op politeschem Plang eng „Nordstad Konventioun“ ënnerschriwwe gouf, an där d'Gemenge Bettenduerf, Colmer-Bierg, Dikrech, Ierpeldeng op der Sauer, Ettelbréck a Schieren sech engagéiert hunn, bei neie Projeten iwwer d'Gemengegrenzen ewech zesummenzeschaffen.<ref name=50järige>Nico Muller: [https://www.wort.lu/luxemburg/eine-ueber-50-jahre-alte-vision-soll-endlich-realitaet-werden/9988376.html "Eine über 50 Jahre alte Vision soll endlich Realität werden."] wort.lu [w+], 27.03.2024.</ref>

Bal eelef Joer drop, am Mäerz 2017 gouf tëscht deene Gemengen e ''Syndicat à vocations multiples'', fir eng legal Basis fir eng koordinéiert an integréiert Entwécklung ze schafen. Am September 2018 kruten d'Schäfferéit vun Ierpeldeng/Sauer, Ettelbréck a Schieren d'Mandat, d'Méiglechkeete vun enger Fusioun ze sondéieren, Bettenduerf an Dikrech koume kuerz drop derbäi. Just Colmer-Bierg huet fonnt, eng Zesummenaarbecht, wann néideg, géing och ouni Fusioun, an huet mat grousser Majoritéit decidéiert, bei dëse Sondéierungen net matzemaachen.<ref name=50järige/>

2020 gouf e Biergerrot op d'Been gesat an e Biergerforum organiséiert, fir d'Bevëlkerung besser anzebannen an z'informéieren. Am Dezember 2021 huet d'Regierung ugekënnegt, 60 Milliounen Euro an d'Finanzéierung vun engem neie [[Corps grand-ducal d'incendie et de secours|CGDIS]]-Gebai fir d'Fusioun 'bäizeleeën'.<ref name=50järige/> 

Am Virfeld vun de [[Gemengewalen (Lëtzebuerg)|Gemengewalen]] 2023 ass et roueg ëm en Datum fir eng méiglech Fusioun ginn. Eréischt e Strapp no de Walen, de 25. Mäerz 2024 hunn d'Schäfferéit vun deene fënnef Gemengen eestëmmeg decidéiert, konsequent mat de Virbereedunge virunzefueren, mam Zil, bis 2027 d'Prozedure fir eng méiglech Fusioun an d'Weeër leeden ze kënnen.<ref name=50järige/> De 25. September 2024 huet de Bettenduerfer Gemengerot dunn awer an engem geheime Vott mat enger Majoritéit vu siwen zu véier decidéiert, sech awer aus de Fusiounsverhandlungen zeréckzezéien. Den Hannergrond schéngt ze sinn, well d'Regierung der Gemeng zu deem Ament de Statut vun engem [[Centre de développement et d'attraction]] (CDA) net zougestanen huet, anescht wéi dat vun 2025 u fir d'Nopeschgemengen Dikrech, Ierpeldeng an Ettelbréck de Fall ass<ref>{{Citation|url=https://www.wort.lu/luxemburg/bettendorf-klinkt-sich-aus-dem-fusionsprozess-in-der-nordstad-aus/20941874.html|titel=Bettendorf klinkt sich aus dem Fusionsprozess in der Nordstad aus|bezochtdatum=27.09.2024|datum=27.09.2024|werk=Luxemburger Wort|Sprooch=de}}</ref>. Déi aner véier Gemenge wëllen awer weider um Projet festhalen.<ref>Marc Hoscheid: [https://www.rtl.lu/news/national/a/2235769.html "Nom Aus vu Bettenduerf: Déi aner véier Nordstadgemengen halen un der Fusioun fest."] rtl.lu, 27.09.2024.</ref>

== Kuckt och ==
* [[Nordstad-Lycée]]
* [[Sentier Adrien-Ries]], e 45&nbsp;km laange [[Wanderwee]] ronderëm d'Nordstad-Gemengen.

== Um Spaweck ==
* [http://www.nordstad.lu Comité politique Nordstad] {{de}}
* [http://www.nordstad.org Denkfabrik Nordstad] 
* [https://web.archive.org/web/20160304201305/http://www.nordstad.org/denkfabrik/dossiers/ried_ries.htm "D'Nordstad", Ried vum Adrien Ries zu Dikrech, den 2. Juni 1973] {{lb}}
* [https://web.archive.org/web/20051014210946/http://www.ivl.public.lu/index.html Säit vum IVL] {{fr}} {{de}}
* [http://www.tageblatt.lu/nachrichten/story/Schoen-geredet-oder-endlich-greifbar--19014810 "'Nordstad': Schön geredet oder endlich greifbar?"] tageblatt.lu, 13. Oktober 2012 09:07; Akt: 13.10.2012.
* [https://www.land.lu/page/article/452/340452/FRE/index.html "Sollen wir heiraten?"] land.lu, 26.05.2023 [Diskussioun virun de Gemengewalen 2023].
{{Referenzen an Notten}}
[[Kategorie:Géigenden zu Lëtzebuerg]]
[[Kategorie:Gemeng Ettelbréck]]
[[Kategorie:Gemeng Bettenduerf]]
[[Kategorie:Gemeng Dikrech]]
[[Kategorie:Gemeng Ierpeldeng op der Sauer]]
[[Kategorie:Gemeng Schieren]]
[[Kategorie:Gemeng Colmer-Bierg]]
[[Kategorie:Urbanistesch Projeten zu Lëtzebuerg]]