Quelltext vun der Säit Plejaden (Astronomie) weisen

{{Infobox Messier
| Numm = Messier 45 <br> Plejaden
| Bild = [[Fichier:Pleiades large.jpg|thumb|center|D'Plejaden ([[Reflexiounsniwwel]])]]
| Stärebild = {{Taurus}}
| Rektaszensioun = 3h 47.4m
| Deklinatioun = +54°20′53.1″ + 24° 07′
| Klassifikatioun = II,3,r (Trumpler),<br> c (Shapley)
| Visuell Magnitude = 1,6 mag
| Visuell Magnitude B = 
| Wénkelduerchmiesser = 110,0'
| Stären = 500
| Hellste Stär		= [[Alkione (Stär)|Alkione]], 2,86 mag
| Flächenhellegkeet mag/arcmin = 
| Gehéiert zu =
| Distanz Liichtjoer = 380 Lj. / 130 PC
| Integréierte Spektraltyp = 
| Routverrécklung = {{10E|18|−6}}
| Radialvitess = 5,41
| Absolut Hellegkeet = 
| Absolutten Duerchmiesser = 170.000 Lj
| Mass =
| Alter			= 100 Mio.
| Entdecker = prehistoresch
| Entdeckungsdatum = prehistoresch
| C			= 0344+239
| H			= 0346+24
| M = 45
| Mel			= 22
| OCI			= 421
}}
D''''Plejaden''' (Siwestären), och ''Atlantiden'' oder ''Atlantiaden'' genannt, sinn en [[oppene Stärekoup]], dee [[mat bloussem A]] gutt ze gesinn ass. Den däitschen Numm vun de Plejaden ass ''Siebengestirn'', ''Siwe Schwësteren'' a ''Kluck''. Am [[Messier-Katalog]] hu se d'Bezeechnung '''M45'''. Si gehéieren zu eiser Galaxie, der [[Mëllechstrooss]].

Well d'Plejade scho laang virun der Erfindung vum [[Teleskop]] als Stäregrupp bekannt waren, ginn traditionell och dacks nëmmen déi hellst Haaptstären als Plejade bezeechent. A munneche Kulturen an historeschen Duerstellunge ginn nëmme sechs Stären zu de Plejade gerechent. De Grond dofir ass de [[verännerleche Stär]] [[Pleione (Stär)|Pleione]]. Seng [[Visuell Magnitude]] variéiert lues, awer onreegelméisseg tëscht där vum [[Taygeta (Stär)|Taygeta]] an [[Celaeno (Stär)|Celaeno]], soudatt de Pleione heiansdo eréischt da ka gesi ginn, wann de Celaeno och schonn erkannt gëtt.
Mat bloussem A sinn dofir, jee no Siichtbedingungen, sechs bis néng Stären ze gesinn.

D'Plejade si vu Mëtt September bis Enn Abrëll um nërdleche Stärenhimmel ze gesinn.

De Stärekoup läit ronn 430 [[Liichtjoer]] vun der Äerd ewech am [[Stärebild]] [[Taurus (Stärebild)|Stéier]], ëmfaasst op d'mannst 1.200 Stären an ass ronn 125 Millioune Joer al<!-- Zuel vun 2002 -->.

Am [[New General Catalogue|NGC-Katalog]] sinn d'Plejaden net opgelëscht, dobäi gëtt et am Beräich vun de Plejade vill [[Reflexiounsniwwel]]e mat eegenen NGC-Nummeren. Dozou gehéieren de ''Maja-Niwwel'' [[NGC 1432]] an de ''Merope-Niwwel'' [[NGC 1435]].
Nëmme 36 [[Bousekonn]]en oder 0,06 [[Liichtjoer]] vum [[Merope (Stär)|Merope]] ewech ass de ''Barnard-Merope Niwwel'', e besonnesch helle Knuet am NGC&nbsp;1435 mat der eegener Katalogbezeechnung [[IC 349]].

Déi zwéin hellst Stären an de Plejade kruten hiren Numm vu Gestalten aus der [[griichesch Mythologie|griichescher Mythologie]], dem [[Titanen|Titan]] [[Atlas (Mythologie)|Atlas]] senger Fra [[Pleione (Mythologie)|Plejone]], souwéi hire 7 Diechter [[Alkione (Plejade)|Alkyone]], [[Asterope (Mythologie)|Asterope]], [[Celaeno]], [[Elektra]], [[Maia (Mythologie)|Maja]], [[Merope]] an [[Taygete]]. D'[[Plejaden (Mythologie)|Plejaden]], déi zu den [[Nymph]]en zielen, hunn den [[Dionysos]] an den [[Zeus]] opgezillt.

Der Mythologie no goufe se vum [[Orion (Mythologie)|Orion]] verfollegt. Den Zeus huet si als Stärebild op den Himmel versat, awer och do goufe si vum Orion verfollegt, deem säi Stärebild ronn 30° südwestlech vun de Plejade steet.

De japaneschen Numm vun de Plejaden ass [[Subaru]]. D'[[Markenzeechen]] vum Autohiersteller mam selwechtem Numm weist dofir sechs Stären op änleche Positiounen.

All 18,6 Joer kënnen d'Plejaden zäitweis vum [[Äerdmound|Mound]] bedeckt ginn. Eng nei Serie huet 2005 ugefaangen an hält 2009 op. Zu Lëtzebuerg ware Plejadebedeckungen tëscht 2005 an 2009 ze gesinn:

27. Januar 2007 (18:15 Auer MEZ), 24. Februar 2007 (00:45 Auer MEZ), 7. August 2007 (01:30 Auer MESZ), 28. Oktober 2007 (01:00 Auer MESZ), 21. Dezember 2007 (22:45 Auer MEZ), 12. Mäerz 2008 (19:15 Auer MEZ), 23. August 2008 (vun Hallefnuecht mat Moundopgang), 20. September 2008 (05:00 Auer MESZ), 13. November 2008 (19:15 Auer MEZ), 7. Januar 2009 (18:30 Auer MEZ), 18. Juli 2009 (03:15 Auer MESZ), 7. Oktober 2009 (23:45 Auer MESZ, ganz no dobäi) an den 29. Dezember 2009 (03:15 Auer MEZ).

Duerno muss bis zum Joer 2024 gewaart ginn, bis de Mound nees Kurs op d'Plejadestären hëlt. 
== Déi hellst Stären an de Plejaden ==

{| border="1" cellspacing="0" cellpadding="5" 
|- bgcolor="#ffdf"
! Numm
! Bezeechnung
! [[Visuell Magnitude]]
! [[Spektralklass|Spektraltyp]]
|-
| [[Alkione (Stär)|Alkyone]] || η Tauri || 2,86 ||B7IIIe
|-
| [[Atlas (Stär)|Atlas]] || 27 Tauri || 3,62 ||B8III
|-
| [[Electra (Stär)|Electra]] || 17 Tauri || 3,70 ||B6IIIe
|-
| [[Maia (Stär)|Maja]] || 20 Tauri || 3,86||B7III
|-
| [[Merope (Stär)|Merope]] || 23 Tauri || 4,17 ||B6IVev
|-
| [[Taygeta (Stär)|Taygeta]] || 19 Tauri || 4,29 ||B6V
|-
| [[Pleione (Stär)|Pleione]] || 28 Tauri<br>BU Tauri || 5,09 (var.) || B8IVep
|-
| &nbsp;|| [[HD 23985]] || 5,23 || &nbsp;
|-
| [[Celaeno (Stär)|Celaeno]] || 16 Tauri|| 5,44 ||B7IV
|-
| [[Asterope (Stär)|Asterope]] || 21 Tauri<br> 22 Tauri || 5,64 <br> 6,41 ||B8Ve <br>B9V
|-
| &nbsp; || [[18 Tauri]] || 5,65 ||B8V
|}

== Kuckt och ==
{{Kuckt och NGC-Messier}}

== Um Spaweck ==
{{Commonscat|Pleiades (star cluster)|Plejaden}}
* {{en}} [http://www.seds.org/messier/m/m045.html M45 bei SEDS]
* {{de}} [http://sonnen-system.de/objekte/plejaden.html d'Plejaden op sonnen-system.de] mat Biller
* {{en}} [https://web.archive.org/web/20070606210812/http://www.authenticmaya.com/maya_astronomy.htm Astronomie vun de Maya]

{{Navigatioun Messier|45}}
{{Navigatioun NGC|1435}}

[[Kategorie:Oppe Stärekéip]]
[[Kategorie:Plejaden| ]]
[[Kategorie:Stärebild Taurus]]
[[Kategorie:Astronomesch Objeten, déi zanter der Antiquitéit bekannt sinn]]