Quelltext vun der Säit Rendez-vous (Raumfaart) weisen

[[Fichier:Gemini and Agena D.jpg|thumb|Den Agena-Undockadapter vun de Gemini-Flich]]
[[Fichier:Gumdrop Meets Spider - GPN-2000-001100.jpg|thumb|Apollo-Kommandokapsel an ugekoppelt Moundfär (Apollo 9)]]
[[Fichier:Shuttle Endeavour angedockt an der ISS.jpg|thumb|[[Space Shuttle]] [[Endeavour (Raumfär)|Endeavour]] ugedockt um [[Pressurized Mating Adapter]] (PMA-2) vun der [[International Raumstatioun|ISS]] ([[STS-111]])]]

E '''Rendez-vous''' ass dat geziilt Zesummekomme vun zwéi Fluchkierper am [[Weltraum]]. Zwar kann domat och gemengt sinn, datt eng [[Raumsond]] hiren Zilplanéit erreecht, meeschtens bezitt sech den Ausdrock awer op d'Zesummekomme vun zwee [[Raumschëff]]er oder vun engem Raumschëff un eng [[Raumstatioun]]. Nëmmen eent vun de béide Raumgefierer gëtt aktiv gesteiert a beweegt sech duerch gëeegent, genee doséiert [[Bunnmanöver]]en op dat anert, passiivt Raumgefier zou.

Dobäi gëllt et ze beuechten, datt eng Acceleratioun vun engem Raumschëff dozou féiert, datt et sech an eng méi héich, an domat méi lues [[Ëmlafbunn]] beweegt. Soll e Raumgefier erreecht ginn dat virdru flitt, muss d'Vitess entgéint der Intuitioun reduzéiert ginn. Dobäi fält dat aktiivt Raumschëff am Verlaf vun der nächster hallwer Bunnperiod méi no zu der [[Äerd]] a kënnt méi séier virun (méi kuerz [[Ëmlafzäit]]). Am richtegen Ament muss dann nees acceleréiert ginn, fir datt béid Raumschëffer déi selwecht Ëmlafbunn hunn. Eréischt bei méi klengem Ofstand ginn d'Beweegunge wäit genuch entkoppelt, fir mat intuitive manuelle Manövere fléien ze kënnen.

D'Zil vun engem Rendez-vous ass dacks en [[Ukopplung (Raumfaart)|Ukoppelen (''Docken'')]]. Dobäi musse béid Raumgefierer kompatibel Undockmechanissemen hunn. Fir den Transfer vu [[Raumfuerer]] oder Material mussen d'Raumgefierer entspriechend Liichten hunn. Meeschtens geschitt den Austausch iwwer [[Schleis]]en, nëmmen a rare Fäll am fräie Raum.

== Geschichtlechen Iwwerbléck iwwer Rendez-vousen an Dockingen ==
{{update}}
* [[12. August]] [[1962]]: [[Wostok 3]] a [[Wostok 4]] koumen bis op 6,5&nbsp;km erunn, bedingt duerch prezise Berechnunge scho beim [[Rakéitestart|Start]] an net wéinst enger Steierung (Manövréierung) vun de Raumschëffer.
* [[16. Juni]] [[1963]]: [[Wostok 5]] a [[Wostok 6]] widderhuelen dee Manöver.
* [[15. Dezember]] [[1965]]: éischte Rendez-vous vun zwee gesteiert a bemannt Raumschëffer, [[Gemini 6]] a [[Gemini 7]]. Den Ofstand war zäitweis nëmmen 30&nbsp;cm.
* [[16. Mäerz]] [[1966]]: éischt Kopplung an der [[Bemannt Raumfaart|bemannter Raumfaart]]: [[Gemini 8]] dockt un en onbemannten Zilsatellit un.
* [[19. Juli]] [[1966]]: [[Gemini 10]] huet un en onbemannten Zilsatellit ugedockt an deem säin Dreifwierk benotzt, fir an eng aner Ëmlafbunn ze kommen, wou e Rendez-vous mat engem weidere Satellit war.
* [[30. Oktober]] [[1967]]: éischt Kopplung vun zwee onbemannte [[Sojus (Raumschëff)|Sojus-Raumschëffer]] mat de Bezeechnunge [[Kosmos 186 an 188]].
* [[26. Oktober]] [[1968]]: Rendez-vous vu [[Sojus 3]] mat onbemannter [[Sojus 2]], awer eng Kopplung geet an d'Box.
* [[16. Januar]] [[1969]]: Kopplung vu [[Sojus 4]] a [[Sojus 5]]. Zwéi Kosmonaute klammen aus hirem Raumschëff eraus an an dat anert eran. Dat war den éischten Transfer vu Raumfuerer tëscht Raumschëffer.
* {{3. Mäerz}} [[1969]]: [[Apollo 9]] mécht en éischten Docking vun engem [[Apollo-Raumschëff]] mat der [[Moundlandefär]]. Zwéin Deeg méi spéit ass dat éischt Auswiessele vu Raumfuerer vum Raumschëff an en anert duerch en Tunnel. 
* [[23. Mee]] [[1969]]: éischte Rendez-vous an Docking an der Moundëmlafbunn duerch [[Apollo 10]]: d'Landefär ''Snoopy'' trëfft sech mam Mammeschëff ''Charlie Brown''; weider änlech Manövere bei de weidere Missiounen
* [[13. Oktober]] [[1969]]: éischte Rendez-vous vun dräi Raumschëffer mat [[Sojus 6]], [[Sojus 7]] a [[Sojus 8]]. E geplangten Docking gëtt näischt.
* [[23. Abrëll]] [[1971]]: [[Sojus 10]] dockt un d'Raumstatioun [[Saljut 1]] un, keen Auswiessele vun de Kosmonauten.
* {{6. Juni}} [[1971]]: [[Sojus 11]] dockt un d'Raumstatioun [[Saljut 1]] un. Éischt Ëmsteigen an eng Raumstatioun.
* [[26. Mee]] [[1973]]: éischten Docking vun engem [[Apollo-Raumschëff]] un déi amerikanesch Raumstatioun [[Skylab]]
* [[17. Juli]] [[1975]]: éischten internationalen Docking vun zwee Raumschëffer am Kader vum [[Apollo-Sojus-Test-Projet]]
* [[22. Januar]] [[1978]]: éischten onbemannten Transporter [[Progress|Progress 1]] dockt un d'Raumstatioun [[Saljut 6]] un
* [[11. Abrëll]] [[1987]]: no ville Versich geléngt et, d'Modul [[Kwant]] 1 un d'[[Raumstatioun]] [[Mir (Raumstatioun)|Mir]] unzedocken. Domat gëtt fir d'éischt Kéier eng Raumstatioun an der Äerdëmlafbunn vergréissert.
* [[26. Februar]] [[1995]]: den amerikanesche [[Space Shuttle]] [[Discovery (Raumfär)|Discovery]] mécht e Rendez-vous mat der russescher Raumstatioun Mir an ëmkreest si fir eng Inspektioun. En Docking gëtt net gemaach.
* [[29. Juni]] [[1995]]: den amerikanesche [[Space Shuttle]] [[Atlantis (Raumfär)|Atlantis]] dockt un déi russesch Raumstatioun Mir ([[Shuttle-Mir-Programm]]) un.
* No [[1995]] goufen d'Undockmanöveren un der Mir a spéider un der ISS perfektionéiert a goufen all puer Méint gemaach, virun allem fir de Crewwiessel.
* Vu Juli [[2005]] gouf vum US-amerikanesche Space Shuttle de [[Rendez-vous Pitch Maneuver]] (RPM) fir d'Iwwerpréiwe vum Hëtzeschëld op eventuell Schied praktizéiert
* Den [[3. Abrëll]] [[2008]] dockt fir d'éischt en [[Automated Transfer Vehicle|Europäeschen Transporter]] vollautomatesch un der [[International Raumstatioun|ISS]] un.
* Den [[2. November]] [[2011]] geléngt déi éischt Kopplung vun der chineesescher Raumfaart tëscht dem onbemannte Raumschëff [[Shenzhou 8]] an der Raumstatioun [[Tiangong 1]].

== Kuckt och ==
{{Kuckt och Portal:Astronomie}}
== Um Spaweck ==
{{Commonscat|Space rendezvous|Rendezvous}}
* {{en}} [http://www.spectrum.ieee.org/apr06/3222 Vladimir Syromyatnikov, een Docking-Pionéier]
* {{en}} [http://dspace.mit.edu/handle/1721.1/12652 Line-of-sight guidance techniques for manned orbital rendezvous] (Dokteraarbecht vu [[Buzz Aldrin|Edwin Aldrin]] aus dem Joer [[1963]], 329 Säiten, 12 MB am PDF-Format)
* {{en}} [http://www.cambridge.org/catalogue/catalogue.asp?isbn=9780521089869 Handbook Automated Rendezvous and Docking of Spacecraft] vum [[Wigbert Fehse]]

[[Kategorie:Raumfaarttechnik]]
[[Kategorie:Raumfaart]]