Quelltext vun der Säit Santo Antão (Cap Vert) weisen

{{Infobox Insel
| Numm = Santo Antão 
| Land = [[Cap Vert]]
| Verwaltungseenheet = 
| Koordinaten = {{Coor dms|17|4|11|N|25|10|15|W}}
| Awunnerzuel = 48.000
| AwunnerzuelJoer = 2018
| Héicht = 0 - 1979 m
| Fläch = ± 779 {{km2}}
| Läit an = [[Atlantik]]
| Kaart/Bild2 = Locator map of Santo Antão, Cape Verde.png
}}
'''Santo Antão''' (port. fir ''Hellegen [[Antonius de Groussen|Antonius]]'') ass, mat 779&nbsp;km², déi zweetgréisst vun de [[Cap Vert|Kapverdeschen Inselen]] am [[Atlanteschen Ozean|Atlantik]]. Et liewen eng 48.000 Leit op Santo Antão.

== Geographie ==
Santo Antão ass déi nërdlechst a westlechst Insel vum Cap Vert. Se gehéiert zu den [[Ilhas de Barlavento]] ("Inselen iwwert dem Wand") a gëtt duerch e 16&nbsp;km breede Mierkanal vun der Insel [[São Vicente (Cap Vert)|São Vicente]], déi südlech dovu läit, getrennt. Iwwer deen ass d'Insel e puermol am Dag mat enger [[Fär]], déi vu [[Mindelo (Cap Vert)|Mindelo]] (op São Vicente) kënnt, z'erreechen. Et gëtt Pläng, e Fluchhafen ze bauen.

Si gëtt charakteriséiert duerch héich a géi Bierger, déi [[Vulkanismus|vulkanesch]] Originnen hunn (déi lescht Eruptioune ware viru ronn 100.000 Joer). Am Osten, op engem Héichplateau, ass de gréisste [[Mëschbësch|Mësch-]] an [[Nolebësch]] vum Cap Vert. Am Norde reent et relativ dacks, iwwerdeems et am Süden dréche bleift. De Westen ass wüstenaarteg; do ass och den héchste Punkt vun der Insel, den ''Tope de Coroa'' (1979&nbsp;m).

D'Hafestad [[Porto Novo (Cap Vert)|Porto Novo]] am Süden ass zanter kuerzem déi gréisst Uertschaft op der Insel, virdru war dat [[Ribeira Grande (Santo Antão)|Vila da Ribeira Grande]].

== Geschicht ==
1462 gouf d'Insel vum Diego Afonso fir [[Portugal]] akaparéiert. Am Ufank gouf se just benotzt, fir do d'[[Flechten|Flecht]] ''[[Roccella tinctoria]]'' ze rekoltéieren, aus där Faarf gewonne gouf. Am [[17. Joerhonnert]] hu sech do fir d'éischt Leit fir zerguttst néiergelooss, déi vun den aneren Inselen hierkoumen, ma och aus dem Norde vu Portugal. Si hunn do Wäin, [[Purgiernoss|Purgiernëss]] a méi spéit och Kaffi fir den Export ugebaut.

Administrativ ass d'Insel an dräi ''Concelhos'' (Distrikter) ënnerdeelt: [[Paul (Concelho)|Paul]], [[Porto Novo (Concelho)|Porto Novo]] a [[Ribeira Grande (Concelho)|Ribeira Grande]], mat am Ganze siwe Gemengen ([[Freguesia]]s):

{| class="wikitable"
|-----
! Concelho (Distrikt)
! Freguesia (Gemeng)
|-----
| rowspan="4" | [[Ribeira Grande (Concelho)|Ribeira Grande]]
|| [[Nossa Senhora do Rosário (Santo Antão)|Nossa Senhora do Rosário]]
|-----
|| [[Nossa Senhora do Livramento (Santo Antão)|Nossa Senhora do Livramento]]
|-----
|| [[Santo Crucifixo (Santo Antão)|Santo Crucifixo]]
|-----
|| [[São Pedro Apóstolo (Santo Antão)|São Pedro Apóstolo]]
|-----
|| [[Paul (Concelho)|Paul]]
|| [[Santo António das Pombas (Santo Antão)|Santo António das Pombas]]
|-----
| rowspan="2" | [[Porto Novo (Concelho)|Porto Novo]]
|| [[São João Baptista (Santo Antão)|São João Baptista]]
|-----
|| [[Santo André (Santo Antão)|Santo André]]
|}

== Ekonomie an Tourismus ==
D'Landwirtschaft an d'Fëscherei spille wirtschaftlech déi gréisst Roll op der Insel. Ugeplanzt ginn [[Zockerrouer]], [[Yams]], [[Maniok]], [[Banannen]], [[Mango]] a [[Mais]]. Aus dem Zockerrouer gëtt de ''Grogue'', e wäisse [[Rum]], gemaach.

Am Norden ass den Tourismus am Gaang, lues a lues méi eng wichteg Roll ze spillen. Déi beandrockend Bierglandschafte sinn attraktiv fir [[Wanderen|Wanderer]].

==Biller==
<gallery>
File:ValeRibeiraPaul.JPG|Vale Ribeira bei Paul
File:Cabo Verde - panoramio (4).jpg|Corda, Ribeira Grande
File:Canyon Forminguinhas.jpg|de Forminguinhas-Canyon 
File:Ponta do Sol - Fontainhas, Pflasterstrasse.JPG|Pavésstrooss
File:Santo Antão, Cabo Verde 2017-04 --4.jpg|Landwirtschaft op Terrassen, am Norden
File:Fontainhas, Santo Antao, Cabo Verde 2017-04 --2.jpg|D'Dierfche Fontainhas
</gallery>

== Um Spaweck==
{{Commonscat|Santo Antão (Cape Verde)|Santo Antão}}

{{Navigatioun Insele vum Cap Vert}}

[[Kategorie:Insele vum Cap Vert]]