Quelltext vun der Säit Troja weisen

[[Fichier:Troy1.jpg|thumb|400px|D'Stadmauere vun Troja.]]
'''Troia''' oder '''Troja''' ([[griichesch|gr.]]: ''Τροία'', ''Τροίη''; [[Latäin|lat.]]: '''Troia''', Ilium; [[tierkesch|tierk.]]: ''Truva'', an den Altertumswëssenschafte gëtt de lat. Numm benotzt<ref>[http://www.uni-tuebingen.de/troia/deu/faq.html „14. Fro: Wéi schreift een Troia ?“], [[Universitéit Tübingen]].</ref>) war eng [[Antiquitéit|antik]] Stad an der Landschaft ''[[Troas]]'' am Nordweste vun der haiteger [[Tierkei]] um [[Hellespont]] an der [[Provënz Çanakkale]].

'''Hisarlık''' ass den tierkeschen Numm vun engem 15 Meter héijen Hiwwel. D'Stad, déi un den [[Dardanellen]] louch, huet den Zougank zum [[Schwaarzt Mier|Schwaarze Mier]] kontrolléiert. D'Schëffer konnten deemools nach net géint de Wand kräizen, also hu si am Hafe vun der Festung op de gënschtege Wand gewaart. Hire [[Weezoll]], d'Lotsen- a Schutzsteieren hunn der Stad Räichtum bruecht. Grouss Berüümtheet krut Troja an der [[Antiquitéit]] duerch d'Dichtung ''[[Ilias]]'' vum [[Homer]], deen hei de legendären [[Trojanesche Krich]] beschriwwen huet. Nach an der [[Spéitantiquitéit]] gouf d'Plaz mat hire legendären Helden am [[Réimescht Räich|Réimesche Räich]] héich veréiert. Mam Ufank vum [[Mëttelalter]] gouf Troja a seng Lag vergiess.

Opgrond vun de Resultater vun den Ausgruewunge vun de leschte Joren, ass bei de Fachleit haut onbestridden, datt Troja d'Bün fir den [[Trojanesche Krich]] war, dee vum [[Homer]] beschriwwe gouf. Beim Homer heescht d'Plaz virun allem ''Ilion'' oder ''Ilios'' ([[griichesch|gr.]]: Ἴλιον, Ἴλιος).

== Troja an de Legenden ==

[[Fichier:Trojanisches Pferd in Ankershagen.jpg|thumb|350px|D'[[Trojanescht Päerd (Geschicht)|Trojanescht Päerd]] virum Schliemann-Musée zu [[Ankershagen]].]]
Der Legend no war den [[Dardanos]] de Grënner vun der Dynastie vun de Kinneke vun Troja. Hien ass virun der [[Sintflut]] geflücht, an huet a [[Phrygien]] beim Kinnek [[Teukros vun Troas|Teukros]] Asyl kritt. Nom Doud vum [[Teukros vun Troas|Teukros]] war hien den eenzegen Ierwen, andeems hie sech mat der [[Bateia]], der Duechter vum Teukros, bestuet huet. Verschidden alen Traditiounen no koum den Dardanos aus dem ale Stamm vun den Dardanier um [[Balkan]] (am aktuelle [[Kosovo]]). Den Numm Dardanier gouf op allefall benotzt, fir d'Trojaner selwer ze beschreiwen.

Den [[Tros]], en Enkel oder Urenkel vum Dardanos, war den [[eponym]]en [[Heros]] vun [[Troas]] a vun Troja. D'Stad selwer gouf vu sengem Jong, dem [[Ilos (Jong vum Tros)|Ilos]] (och "Ilion") gegrënnt.

De [[Laomedon]], de Jong vum Ilos, ass no him op den Troun komm. De [[Poseidon]] an den [[Apollo (Mythologie)|Apollo]], déi vum [[Zeus]] gestrooft goufen, hu fir dëse grausame Kinnek d'Mauere vun Troja gebaut, mä goufe vum Kinnek net bezuelt, wéi hien et versprach hat. De Laomedon huet souguer gesot, hie géif hinnen d'Oueren erofschneiden. D'Gëtter hu sech gerächt. Den Apollo huet eng [[Pescht]]epidemie op Troja lassgelooss, an de Poseidon huet engem Monster aus dem [[Mier]] den Uerder ginn, d'Awunner ze friessen, an d'Felder duerch Mierwaasser ze zerstéieren.

D'[[Griichesch Orakelen|Orakel]] vum [[Zeus]]-[[Amun]] huet dem [[Laomedon]] geroden, seng Duechter [[Hesione]] z'afferen, a si um Ufer ze loossen, fir datt d'Monster aus dem Mier si friesse kéint.

=== Den Herakles géint Troja ===

Sou huet den [[Herakles]], deen zesumme mam [[Iason]] op der Sich nom [[Gëlle Vlies|Gëllene Vlies]] a [[Kolchis]] gereest war, d'[[Hesione]] um Ufer vun Troja fonnt, komplett plakeg an nëmme mat hire Bijoue bekleet. Den Herakles huet d'Kette gesprengt, an ugebueden, d'Monster ëmzebréngen, wann hien déi zwee onstierflech Päerd géif kréien, déi den [[Zeus]] dem [[Laomedon]] fir d'Entféierung vum [[Ganymed (Mythologie)|Ganymed]] geschenkt hat.

D'Trojaner hunn doropshin eng héich Mauer e bëssen ewech vun der Küst gebaut. Wéi d'Monster un der Mauer ukomm ass, huet et seng grouss Schnëss opgerappt, an den [[Herakles]] ass an den Hals vum Monster gesprongen. No dräi Deeg koum hien als Gewënner aus dem Bauch vum Monster eraus, mä hat all seng Hoer verluer. De [[Laomedon]] soll den [[Herakles]] doropshin ugeschass hunn, an him amplaz vun den onstierfleche Päerd zwee ganz normal Päerd ginn hunn. Den Herakles huet sech voller Roserei op sengem Schëff dovugemaach, an huet Troja de Krich versprach.

Den Herakles huet zu [[Tiryns]] Zaldote rekrutéiert, a Schëffer prett gemaach ; zu sengem Alliéierten hunn de [[Iolaos]], den [[Telamon]], de [[Peleus]], den [[Oekles]] vun [[Argos]] an den [[Deimachos]] vu [[Böotien]] gezielt.
[[Fichier:J G Trautmann Das brennende Troja.jpg|thumb|400px|left|[[Johann Georg Trautmann]], ''Blick auf das brennende Troja''.]]
Den Herakles ass virun Troja gelant, an huet d'Schëffer dem Oekles iwwerloss. De Laomedon huet d'Vollek op d'Schëffer geschéckt, fir dëi ze verbrennen, mä den Oekles huet bis zu sengem leschten Otemzuch duerchgehalen, an de Schëffer erlaabt, nees op d'Mier erauszefueren. Dem [[Telamon]] ass et gelongen, e Lach an d'Mauer ze schloen, an an d'Stad eranzekommen. Den Herakles huet de Laomedon, an all seng Jongen, bis op de jonke [[Priamos|Podarkes]] ëmbruecht. D'[[Hesione]] gouf dem [[Telamon]] geschenkt, an duerft e Prisonéier vun hirer Wal fräikafen. Si huet sech fir hire jonke Brudder Podarkes entscheet. Dee gouf vun elo u [[Priamos]] genannt, wat sou vill heescht wéi "zeréckkaaft".

Nodeem hien d'Stad néiergebrannt hat, ass den Herakles nees fortgezunn, an huet de [[Priamos]] um Troun gelooss.

=== Den trojanesche Krich ===

D'legendär Geschicht vum Krich tëscht de [[Griicheland|Griichen]] an Troja ass d'Thema vun der ''[[Ilias]]'' vum [[Homer]], vun den Epen aus dem [[Trojaneschen Zyklus]] a vun der ''[[Aeneis]]'' vum [[Virgil]].

Den Ursprong vum [[Trojanesche Krich]] war d'Entféierung vun der schéiner [[Helena]], der Fra vum [[Menelaos]], Kinnek vu [[Sparta]], duerch de [[Paris (Mythologie)|Paris]]. Fir d'Trojaner ze bestrofen, hu sech d'griichesch Kinneken zesummegedo, an hunn d'Stad zéng Joer laang belagert. Duerch en Trick vum [[Odysseus]], mam [[Trojanescht Päerd (Geschicht)|Trojanesche Päerd]], konnte si an d'Stad erakommen, a se plëmmen.

== Entdeckungs- an Ausgruewungsgeschicht ==
=== Déi éischt Troja-Fuerscher ===

[[Fichier:Troja-Blick-Schliemanngraben.jpg|thumb|450px|Bléck vun Hisarlık aus dem „Schliemanngruef“ iwwer de Plateau vun der [[Troas]] op d'[[Dardanellen]].]]
[[1820]] huet de [[Schottland|schotteschen]] Zeitungsverleeër an Amateurgeolog [[Charles Maclaren]] en Essai iwwer Troja erausbruecht, deen hien [[1824]] zu enger voluminéiser Dissertatioun erweidert huet, wou hien den Hiwwel ''Hisarlık'' als Troja lokaliséiert huet. En Deel vun dësem Hiwwel war deemools am Besëtz vun der englescher Groussgrondbesëtzer- an Diplomatefamill Calvert. Wéi de Maclaren [[1863]] eng nach méi fundéiert Beschreiwung vum Plateau vun Troja erausbruecht huet, huet de jéngste Bouf vun der Famill, de [[Frank Calvert]], versicht, de Rescht vum Hiwwel ze kafen. Dëst war kee Erfolleg, mä dofir konnt hien awer selwer e puer Ausgruewungen an de Joren [[1863]]-[[1865]] maachen. Déi Ausgruewungen hunn hie sou beandrockt, datt och hie vun der Existenz vun Troja op dëser Plaz iwwerzeegt war. Hien huet seng Hypothees awer nach net zu enger Behaaptung ausgebaut, dëst huet eréischt de [[Heinrich Schliemann|Schliemann]] gemaach<ref>Flügge, 2001, S. 155 ff.</ref>. Dem Calvert seng Ufro un de [[British Museum]], dës Plaz z'erfuerschen, gouf net ugeholl.

=== Heinrich Schliemann ===

[[Fichier:Heinrich Schliemann.jpg|thumb|300px|left|Den Heinrich Schliemann.]]
Den [[9. August]] [[1868]] koum den däitschen Händler an Hobby-Archeolog [[Heinrich Schliemann]] op de Plateau vun der [[Troas]]. Och hie war op der Sich nom legendären Troja, an huet fir d'éischt ënner dem Hiwwel ''Balli Dağ'', opgrond vun enger Thees vum [[Jean-Baptiste LeChevalier]] ([[1791]]), gesicht. De Schliemann a seng fënnef Aarbechter konnten hei awer näischt fannen, a sou wollt hien nees zeréckreesen. Hien huet allerdéngs säi Schëff verpasst, an huet dobäi zoufälleg de [[Frank Calvert]] kennegeléiert, deen him erlaabt huet, a sengem Haus d'Nuecht ze verbréngen. De Calvert konnt de Schliemann mat senger Iwwerzeegung begeeschteren, datt ënner dem Hiwwel vun ''Hisarlık'' d'Ruine vum legendären Troja misste sinn. De Schliemann huet, och wann et dacks anescht erzielt gëtt, ni bestridden, datt hien de wichtegsten Hiwäis vum Calvert kritt hat<ref>Flügge, 2001, S. 176.</ref>.

[[1873]] huet de Schliemann der Ëffentlechkeet matgedeelt, datt hien Troja zu ''Hisarlik'' fonnt hat; den Duerchbroch ass him awer duerch eng spektakulär Entdeckung am selwechte Joer gelongen<ref>Flügge, 2001, S. 220.</ref>: dee vun him selwer sougenannte ''[[Schaz vum Priamos]]''. Hien huet a villen Hisiichten nei Saache mat sech bruecht: dem Schliemann säi Ruhm als Wëssenschaftler, d'Begeeschterung vun der [[Wilhelm I. vun Däitschland|wilhelminescher]] Keeserzäit fir Troja a fir d'[[Archeologie]] am Allgemengen, déi elo an der Ëffentlechkeet vun enger Disziplin fir Amateuren a Reesender zu enger eeschter Wëssenschaftsdisziplin erhuewe gouf. De Schaz gouf laang Zäit am Musée fir d'[[Antiquitéit]] zu [[Berlin]] ënnerbruecht, an nom [[Zweete Weltkrich]] an d'[[UdSSR]] verschleeft. Allerdéngs gouf et schonn zu Liefzäite vum Schliemann - ënner anerem duerch säi Mataarbechter [[Wilhelm Dörpfeld]] – éischt Hiweiser dorop, datt de Schaz iwwer 1000 Joer méi al war, wéi de Schliemann ugeholl hat.

Schonn de Schliemann huet geschriwwen, datt den Auteur vun der ''[[Ilias]]'' eng grouss dichteresch Fräiheet ("Iwwerdreiwung") hat, an hie war sech och bewosst, datt hien net déi ganz Stad, mä nëmmen „''die Pergamos [Burg] der Stadt''“ [Troja] ausgegruewen huet.

=== Dörpfeld a Blegen ===

Wéi weider Ausgruewungen erginn hunn, war Troja vun der fréier [[Bronzezäit]] (zirka [[3. Joerdausend v. Chr.|3000 v. Chr.]]) bis an d'[[Spéitantiquitéit]] bewunnt. Et goufen souguer Spuere fonnt, déi weisen, datt d'Gebitt nach méi fréi bewunnt war, an déi bis an d'[[5. Joerdausend v. Chr.]] zeréckginn. Mam [[Chrëschtentum]] huet d'Bedeitung vun der Stad, déi hir trojanesch Helden aus de [[Griichesch Mythologie|Legende]] veréiert huet, ofgeholl. Den Afall vun de [[Goten]] am Joer [[276]] huet d'Stad nach zimmlech gutt iwwerstanen, d'Gebitt gouf awer no [[Äerdbiewen]] um Enn vum [[5. Joerhonnert]] verlooss.

Bis haut goufe méi wéi 10 [[Stratigraphien]] (Wunnschichten/Bauschichten) entdeckt (Troja I - Troja X), déi nees an iwwer 40 Feinschichten ënnerdeelt ginn. Dobäi zielen - vereinfacht ausgedréckt - Troja I ([[1. Joerdausend v. Chr.|2950]]–[[1. Joerdausend v. Chr.|2250 v. Chr.]]) an II ([[1. Joerdausend v. Chr.|2550]]–[[1. Joerdausend v. Chr.|2200]]) zu der fréier, Troja III-V ([[1. Joerdausend v. Chr.|2200]]–[[1. Joerdausend v. Chr.|1700]]) zu der mëttlerer, an Troja VI-VIIa ([[1. Joerdausend v. Chr.|1700]]–[[1. Joerdausend v. Chr.|1200]]) zu der spéider [[Bronzezäit]]. Troja VIIb ([[1. Joerdausend v. Chr.|1200]]–[[1. Joerdausend v. Chr.|1000]]) gehéiert zu der fréier [[Eisenzäit]]. Troja VIII an IX datéieren an d'Zäit vum [[8. Joerhonnert v. Chr.]] bis an d'[[Réimescht Räich|réimesch]] Zäit, Troja X, e [[Byzanz|byzantinesche]] Bëschofssëtz geet bis an d'fréit [[Mëttelalter]].

Troja I louch nach direkt op der Plage. D'Zitadell Troja II hat eng Fläch vun zirka 9000 m² (véier Brandkatastrophen), vun Troja IV un huet sech d'Fläch verduebelt, Troja VI hat sech no Süden an Osten op zirka 50.000 m² vergréissert (d'"Ënnerstad" net matgerechent). Déi vum Auteur vun der ''[[Ilias]]'' beschriwwe Festung kéint mat Troja VI identesch sinn (no anerer Usiicht mat Troja VIIa), wat um Enn vum [[1. Joerdausend v. Chr.|13.]] an Ufank vum [[1. Joerdausend v. Chr.|12. Joerhonnert v. Chr.]] ënnergaangen ass. Dobäi ass net sécher, op en [[Äerdbiewen]] oder eng Eruewerung Schold um Ënnergang war. 
[[Fichier:Section Troy-Hisarlik-de.svg|thumb|500px|Querschnëtt vun Hisarlık]]
Ob och den [[Trojanesche Krich]] en [[Geschicht|historesche]] Kär huet, ass nach ëmmer net wierklech kloer. D'Lag vun der Stad Troja gëtt an der Dichtung ''[[Ilias]]'' vum [[Homer]] kloer beschriwwen: d'[[Dardanellen]] ginn ernimmt, den héchste Bierg ass den [[Ida (Tierkei)|Ida]] (''Kazdagi''), an et ginn zwéi Flëss ernimmt, de [[Skamandros]] (haut ''Karamanderes''), an de [[Simois]], déi bei Troja annenaner lafen, an duerno weider op den [[Hellespont]] fléissen. Et gëtt och vun den Inselen ''Tenedos'' (haut ''[[Bozcaada]]'') an Imroz ([[Gökçeada]]) erzielt. Déi haiteg archeologesch Flächen ëmfaassen nëmmen d'Festung vun Troja. Mat zimmlecher Sécherheet gouf et och e groussen Deel vun der Stad baussent de Befestegungen.

De [[Heinrich Schliemann|Schliemann]] huet dat imposant Troja II aus der fréier [[Bronzezäit]] fir dat homerescht Troja gehalen. Hie war deemools der - falscher - Meenung, datt dës Stad zäitgläich mat [[Mykene]] an [[Tiryns]] war. Den [[Wilhelm Dörpfeld|Dörpfeld]] huet déi 6. Wunnschicht (Troja VI) fir dat homerescht Troja gehalen. D'Schicht VIh ass ëm [[1300 v. Chr.]] awer warscheinlech duerch e staarkt [[Äerdbiewen]] zerstéiert ginn. Dofir ass de [[Carl Blegen]] dovun ausgaangen, datt Troja VIIa dat homerescht Troja aus der ''[[Ilias]]'' war. Dës Thees fënnt de meeschten Zousproch. No neie Keramikënnersichungen gëtt dat warscheinlech gewaltsamt Enn vun Troia op zirka [[1200 v. Chr.]] datéiert. Dat passt gutt zu de meeschten Datéierunge vum [[Trojanesche Krich]] duerch [[Antiquitéit|antik]] Auteuren. Als "Kandidat" fir d'Ilion vum Homer muss een awer och Troja VIIb1 a Betruecht zéien. Nieft dem Festhale vun den Traditioune vun Troja VI an VIIa kommen hei och nei Elementer op de Plang, zum Beispill déi sougenanntn ''Handmade Ware''<ref>Graff einfach a gro Keramik.</ref>, déi op eng deelweis verännert Bevëlkerung schléisse léisst. Dat passt besser zu den Informatioune vum [[Homer]]. Och d'muechtpolitesch Verhältnesser a [[Klengasien]], wéi den Homer se beschreift, passe gutt an dës Zäit. D'[[Mykene|mykenesch Kultur]] hat am [[12. Joerhonnert v. Chr.|12.]] an [[11. Joerhonnert v. Chr.]] weiderbestanen. Och Handel a Séifaart goufe weider bedriwwen. E Krich vun den [[Achäer]] géint Troja géif gutt an d'[[12. Joerhonnert v. Chr.]] passen. Dogéint hätt en Zuch géint Troja am [[14. Joerhonnert v. Chr.|14.]] oder [[13. Joerhonnert v. Chr.]] wuel d'[[Hethiter]] op de Plang geruff, wat an hethitesche Schrëften ze fanne wier.

=== Hethiter-Thees vum Latacz ===

Mä och an dësem Punkt bleift villes ongeklärt. D'Fro, wéi wäit een den [[Homer]] tatsächlech als Quell fir [[Geschicht|historesch]] Evenementer vun der spéider [[Bronzezäit]] benotze kann, an ob et dann elo zu engem [[trojanesche Krich]] komm ass, kënnen hei net wierklech behandelt ginn. Op jiddwer Fall hunn d'Theorië vun der [[Gräzistik]] zum [[Hexameter]], an zum Entstoe vum Eepos, wéi se am Moment vum [[Joachim Latacz]] iwwerzeegend virgedroe ginn, an den neisten Ausgruewungsresultater eng Stäip fonnt.
[[Fichier:Plan Troy-Hisarlik-de.svg|thumb|450px|left|Plang vun den Ausgruewungen zu Troja.]]
Troja ass mat grousser Warscheinlechkeet identesch mat der Stad ''[[Wilusa]]'' (= (W)Ilios), déi an [[Hethiter|hethitesche]] Quellen ernimmt gëtt, wat duerch d'Gruewunge vum [[Tübingen|tübinger]] Archeolog [[Manfred Korfmann]] bestäerkt ginn ass. Sou gouf am Ausgruewungsberäich vun Troja eng ënnerierdesch Quellen-Anlag fonnt, déi an allen Eenzelheete mat der Beschreiwung vun enger Quell an der Stad ''Wilusa'' am sougenannten [[Alaksandu]]-Vertrag iwwereneestëmmt.

Fir d'klassesch [[Philologie]] ass zur Zäit de Latacz de wichtegsten Numm fir d'Historizitéit vun den homereschen Epen an och d'Verbindung mat dem Korfmannschen Troja. Weeder an der hethitescher, nach an der griichesch-réimescher schrëftlecher Iwwerliwwerung loosse sech eendeiteg Beweiser fir eng Identitéit vun Hisarlık mam homereschen Troja fannen, dat selwecht gëllt fir Wilusa.
=== De Korfmann an d'Entdeckung vun der Ënnerstad 1994 ===

D'Ënnersichungen hu sech haaptsächlech op d'[[Akropolis]] vun Troja beschränkt, d'Uewerstad. Dëst huet sech [[1988]] mat engem internationalen Team ronderëm den Tübinger Prehistoriker [[Manfred Korfmann]] geännert. Mat der Hëllef vum Geophysiker [[Helmut Becker]] gouf [[1992]] duerch [[Geomagnetik]]-Miessungen eng grouss Ënnerstad ënner der Akropolis entdeckt. Zanterhier gouf bei den aktuellen Ausgruewunge vum Korfmann a sengem Team (zanter sengem Doud [[2005]] elo ënner der Leedung vum [[Ernst Pernicka]]) och verstärkt d'Ënnerstad erfuerscht. D'real Gréisst vun Troja ass domat an den Zentrum vun den Diskussioune geréckelt. Dem Korfmann seng Theesen iwwer d'Bedeitung vun Troja sinn an der Fuerschung zanter [[2001]] op Widderstand gestouss, an hunn zu enger grousser Diskussioun bei den [[Däitschland|däitschen]] Altertumswëssenschaftler gefouert.

Am Kär kreest dës [[Troja-Debatt]], den „''neue Streit um Troja''“ ëm déi tatsächlech Gréisst a Bedeitung vum Troja an der spéider [[Bronzezäit]]. Wärend de Korfmann an Troja en iwwerregionalt Handelszentrum gesinn huet, hunn aner Alhistoriker an Archeologen d'Stad nëmmen als mëttelméisseg wichteg gesinn. De Protagonist vun dëser Grupp ass dem Korfmann säin fréieren Tübinger Kolleeg, den Alhistoriker [[Frank Kolb]], deen och selwer an der [[Tierkei]] gegruewen huet. Den Haaptvirworf un de Korfmann a seng akadeemesch Matstreider besteet an enger Vernoléissegung vu wëssenschaftlecher Virsiicht. Zanter dem Ufank vum Troja-Sträit huet de Korfmann verschiddener vu senge Gruewungsinterpretatiounen zeréckgezunn, an ass den Argumenter vun der Géigesäit e Stéck entgéint komm. Un der Gesamtinterpretatioun hält d'Team ronderëm de Korfmann a seng Nofollger allerdéngs fest. Eng eendeiteg Entscheedung konnt d'Ausernanersetzung och op engem wëssenschaftleche Symposium zu Tübingen am Fréijoer [[2002]] net bréngen.

D'Korfmann-Positioun charakteriséiert haut d'Troia-Bild vun der interesséierter Ëffentlechkeet. Den ëffentleche Sträit huet sech zanter [[2004]] ë bësse berouegt. Nom Doud vum Manfred Korfmann am [[August]] [[2005]] gouf den Tübinger Archeometallurg [[Ernst Pernicka]] mat der wëssenschaftlecher Leedung vum Troja-Projet betraut. Fir d'Fortféierung vun der Aarbecht zu Troja am Summer [[2006]] krut hie vun der [[Tierkei|tierkescher]] Antikendirektioun d'Lizenz. erdeelt. D'Ausgruewungsserie vun 18 Joer soll elo zu engem wëssenschaftlechen Ofschloss bruecht ginn. An engem beschränkten Ëmfang sollen och duerno d'Froen zu der bronzezäitlecher Stadbefestegung weider ënnersicht ginn. Ausserdeem erfuerderen d'Pfleg, d'Konservéierung an d'Presentatioun vum [[UNESCO]]-[[Weltierwen|Weltkulturierwen]] Troja ([[1998]]) e groussen Opwand. Schliisslech soll nach e Musée virun den Diere vun Troja gebaut ginn.

=== Troja an Atlantis ===

De Geoarcheolog [[Eberhard Zangger]] huet a sengem Buch ''Atlantis - Eine Legende wird entziffert'', wat [[1992]] erauskomm ass, d'[[Hypothees]] vertrueden, dem [[Platon]] säin [[Atlantis]] hätt [[Archeologie|archeologesch]] noweisbar Charakteristike mam historeschen Troja, a wier domat dat vun de Griichen zerstéiert Troja gewiescht.

== Nowierkung ==

Wéinst dem Numm vun der fréierer [[Colonia Ulpia Traiana]], hu sech bis an d'[[Mëttelalter]] och d'Nimm ''Troia Minor'' (''Kleng-Troia'') an ''Troia Francorum'' (''fränkescht Troia'') fir [[Xanten]] entwéckelt. Ëm [[1100]] huet d'[[Annolidd]] vun der Grënnung vu Xanten duerch d'Trojaner, déi am [[Trojanesche Krich]] verluer haten, erzielt:
{|
|
: &nbsp;
|
: '''Mëttelhéichdäitsch'''
|
: '''Däitsch Iwwersetzung''' {{small|(Eberhard Nellmann, Reclam)}}
|-
|
: 389
: 390
: 391
: 392
: 393
: 394
: 395
: 396
|
: Franko gesaz mit den sînin
: vili verre nidir bî Rîni.
: dâ worhtin si duo mit vroudin
: eini luzzele Troii.
: den bach hîzin si Sante
: nâ demi wazzere in iri lante;
: den Rîn havitin si vure diz meri.
: dannin wuohsin sint Vreinkischiu heri.
|
: Franko ließ sich mit den Seinigen
: ganz in der Ferne am Rhein nieder.
: Dort erbauten sie damals mit Freuden
: ein kleines Troja.
: Den Bach nannten sie Sante
: nach dem Fluss ihrer Heimat.
: Den Rhein nahmen sie statt des Meeres.
: Dort wuchs seitdem das fränkische Volk.
|}

Nach wéi Xanten [[1444]] un d'[[Herzogtum Kleve]] gefall ass, goufe schonn am selwechte Joer Mënze mat der Opschrëft ''„Joannes Troianorum Rex“'' (''Johannes, Kinnek vun den Troianer'') geklappt.

== Literatur zum Theema ==

* Heinrich Schliemann, ''Troja. Ergebnisse meiner neuesten Ausgrabungen'', Harenberg Kommunikation, Dortmund, 1984. {{small|(ISBN 3-88379-439-2)}}
* Archeologesche Landesmusée Baden-Württemberg, ''Troia. Traum und Wirklichkeit'', Theiss, Stuttgart, 2001. {{small|(ISBN 3-8062-1543-X)}}
* Birgit Brandau, Hartmut Schickert, a Peter Jablonka, ''Troia. Wie es wirklich aussah'', Piper, München, 2004. {{small|(ISBN 3-492-04610-X)}}
* Birgit Brandau, ''Troia. Eine Stadt und ihr Mythos'', Lübbe, Bergisch Gladbach {{small|(ISBN 3-404-64165-5)}}
* Peter Frisch, ''Die Inschriften von Ilion'', Bonn, 1975.
* Manfred Flügge, ''Heinrich Schliemanns Weg nach Troja - Die Geschichte eines Mythomanen'', 2001.
* Dieter Hertel, ''Troia. Archäologie, Geschichte, Mythos''. Beck, München, 2001. {{small|(ISBN 3-406-44766-X)}}
* Homer, ''Ilias'', Reclam, Ditzingen, 2004. {{small|(ISBN 3-15-018299-9)}}
* Manfred Korfmann an Dietrich Mannsperger, ''Troia. Ein historischer Überblick und Rundgang'', Theiss, Stuttgart, 1998. {{small|(ISBN 3-8062-1369-0)}}
* Manfred O. Korfmann (Ersg.), ''Troia. Archäologie eines Siedlungshügels und seiner Landschaft'', Verlag Philipp von Zabern, Mainz, 2006 {{small|(ISBN 3-8053-3509-1)}}
* Joachim Latacz, ''Troia und Homer. Der Weg zur Lösung eines alten Rätsels'', Koehler & Amelang, München, 2004. {{small|(ISBN 3-7338-0332-9)}}
* Christoph Ulf (Ersg.), ''Der neue Streit um Troia. Eine Bilanz'', Beck, München, 2004. {{small|(ISBN 3-406-50998-3)}}
* Iman Jacob Wilkens, ''Where Troy Once Stood,'' Gopher Publishers, Groningen, 2005. {{small|(ISBN 0-7126-2463-5)}}
* Eberhard Zangger, ''Ein neuer Kampf um Troia. Archäologie in der Krise'', Knaur, München, 1994.
* Martin Zimmermann (Ersg.), ''Der Traum von Troia. Geschichte und Mythos einer ewigen Stadt'', Beck, München, 2006.

== Um Spaweck ==
{{Commonscat|Troy|Troja}}
* [http://www.uni-tuebingen.de/troia/eng/index.html Projekt Troia vun der Universitéit Tübingen.] {{de}}
* [http://www.troia.de/ Ausstellung ''"Troia: Traum und Wirklichkeit".''] {{de}}
* [https://web.archive.org/web/20070930015003/http://www.schaetze-der-welt.de/denkmal.php?id=231 SWR "''Schätze der Welt''": Troia.] {{de}}
* [http://earthobservatory.nasa.gov/Newsroom/NewImages/images.php3?img_id=4032 Troia vum Satellit aus gesinn.] {{en}}
* [http://whc.unesco.org/fr/list/849 UNESCO: Troia.] {{fr}}
* [https://web.archive.org/web/20091101072601/http://www.clio.fr/BIBLIOTHEQUE/le_tresor_de_troie.asp Louis Godard, ''Le trésor de Troie''.] {{fr}}
* [http://www.zdf.de/ZDFde/inhalt/28/0,1872,2006396,00.html ZDF: ''Ist Troja gleich Atlantis?''] {{de}}
* [https://web.archive.org/web/20070608103440/http://www.nationalgeographic.de/php/magazin/topstories/1999/12/topstory2.htm National Geographic: ''Das Drama von Troja''.] {{de}}
* [https://web.archive.org/web/20070704161432/http://www.ancient-cultures.com/troja.php ''Troja - Mykener gegen Hethiter ?''] {{de}}
* [http://projectsx.dartmouth.edu/history/bronze_age/lessons/les/27.html ''Troy VII and the Historicity of the Trojan War.''] {{en}}

{{Navigatioun Weltkulturierwen an der Tierkei}}
{{LinkPortalHellenopedia}}
{{Referenzen an Notten}}

[[Kategorie:Algriichesch Stied]]
[[Kategorie:Plazen aus der griichescher Mythologie]]
[[Kategorie:Trojanesche Krich]]
[[Kategorie:Weltkulturierwen an Asien an Ozeanien]]
[[Kategorie:Provënz Çanakkale]]