Quelltext vun der Säit Vereenegt Kinnekräich weisen

{{Infobox Land
 | Numm = United Kingdom of Great Britain and Northern Ireland
 | Fändel = Flag of the United Kingdom.svg
 | Fändel Bildbreet=
 | Fändel Artikel = Union Jack
 | Wopen = Royal Coat of Arms of the United Kingdom (St Edward's Crown).svg
 | Wope Breet =
 | Wopen Artikel = Wope vum Vereenegte Kinnekräich vu Groussbritannien an Nordirland
 | National Devise = Dieu et mon droit<br>(Devise vun der Monarchie)
 | Kaart= Europe-UK.svg 
 | Kaart Breet =
 | Offiziell Sprooch = [[Englesch]] (de facto)
 | Haaptstad = [[London]]
 | Haaptstad Awunner =
| Haaptstad Koordinaten =
 | Staatsform = [[Konstitutionell Monarchie]]
 | Landeschef Titel = [[Lëscht vun de brittesche Monarchen|Kinnek]]
 | Landeschef = [[Charles vum Vereenegte Kinnekräich|Charles III.]]
| Regierungschef Titel = Premierminister
 | Regierungschef = [[Keir Starmer]]
 | Total Fläch= 242.500<ref>Quell: [http://www.britannica.com/] (gekuckt August 2023)</ref>
 | Fläch Plaz =
 | Waasserfläch = 1,3
 | Bevëlkerung = 67.026.000<ref name=":0" />
 | Bevëlkerung Plaz =
 | Bevëlkerungsdicht = 276
 | Onofhängegkeet =
| Nationalfeierdag = 
 | Nationalhymn = [[God Save the King]]<br>[[Fichier:United States Navy Band - God Save the Queen.ogg|50px|(Lauschteren)]]
 | Wärung = [[Pond Sterling]] (£, GBP)
 | Zäitzon = +0
 | Internet TLD = [[.uk]], [[.gb]] (net am Gebrauch)
 | Telefonsprefix = +44
 | Notizen =
 | Extra Bild = UK Kaart cia.png
 | Extra Bild2 =
}}

D''''Vereenegt Kinnekräich vu Groussbritannien an Nordirland''' ([[englesch]]: ''United Kingdom of Great Britain and Northern Ireland''), op [[Lëtzebuergesch]] dacks mat '''Groussbritannien''' ofgekierzt, ass e souveräne Staat op den am Nordweste vun [[Europa (Kontinent)|Europa]] geleeëne [[Brittesch Inselen|britteschen Inselen]].

D'Vereenegt Kinnekräich war mat senge ronn 67 Milliounen Awunner<ref name=":0" /> vun [[1973]] bis den 31. Januar 2020 Member vun der [[Europäesch Unioun|Europäescher Unioun]] (EU). Den 23. Juni 2016 hate si sech an engem Referendum fir en Austrëtt aus der EU ausgeschwat (de sougenannte ''[[Brexit]]'').

D'Kinnekräich ass e [[G7]]-Staat a Grënnungsmember vun der [[Organisatioun vum Nordatlantik-Traité|NATO]] an de [[Vereent Natiounen|Vereenten Natiounen]]. Als [[Atommuecht]] huet et e permanente Sëtz am [[Sécherheetsrot vun de Vereenten Natiounen|Sécherheetsrot]].

== Geographesch Opdeelung ==
Zum Vereenegte Kinnekräich gehéieren d'Insel [[Groussbritannien (Insel)|Groussbritannien]], den nordëstleche Wupp vun der [[Irland (Insel)|irescher Insel]] an eng sëllege méi kleng Inselen. Den haitege Staat ass eng politesch Unioun tëscht de véier Deelstaaten [[England]], [[Wales]], [[Schottland]] (allen dräi op der Insel Groussbritannien) an [[Nordirland]] (Insel Irland). D'Grenz tëscht Nordirland an der [[Irland|Republik Irland]] ass déi eenzeg Staatsgrenz iwwer Land. Natierlech Grenze maachen den [[Atlanteschen Ozean]], d'[[Irescht Mier]], d'[[Nordmier]] an den [[Äermelkanal]] (''Manche''). D'Insel Groussbritannien ass mam [[Tunnel ënner der Manche]] mat [[Frankräich]] verbonnen. 
{| class="wikitable"
!Insel
!Deelstaat
!Haaptstad
!Fläch<br>(km²)
!Awunner<ref name=":0">{{Citation|url=https://www.ons.gov.uk/peoplepopulationandcommunity/populationandmigration/populationestimates/bulletins/annualmidyearpopulationestimates/latest|titel=Population estimates for the UK, England, Wales, Scotland and Northern Ireland - Office for National Statistics|bezochtdatum=2023-08-19|werk=www.ons.gov.uk}}</ref><br><small>(Mëtt 2021)</small>
!Densitéit (Aw./km²)
|-
| rowspan="3" |[[Groussbritannien (Insel)|Insel Groussbritannien]]
|{{ENG}}
|[[London]]
| align="right" |130.278<ref>{{Citation|url=https://www.britannica.com/facts/England|titel=England Facts {{!}} Britannica|bezochtdatum=2023-08-19|werk=www.britannica.com|Sprooch=en}}</ref>
| align="right" |56.536.000 
| align="right" |434 
|-
|{{SCO}} <small>(inkl. [[Hebriden]], [[Orkney]] a [[Shetlandinselen]])</small>
|[[Edinburgh]]
| align="right" |77.925<ref>{{Citation|url=https://www.britannica.com/facts/Scotland|titel=Scotland Facts {{!}} Britannica|bezochtdatum=2023-08-19|werk=www.britannica.com|Sprooch=en}}</ref>
| align="right" |5.480.000 
| align="right" |70 
|-
|{{WLS}}
|[[Cardiff]]
| align="right" |20.735<ref name="britannica.com">{{Citation|url=https://www.britannica.com/place/Northern-Ireland|titel=Northern Ireland {{!}} History, Population, Flag, Map, Capital, & Facts {{!}} Britannica|bezochtdatum=2023-08-19|datum=2023-08-10|werk=www.britannica.com|Sprooch=en}}</ref>
| align="right" |3.105.000 
| align="right" |150 
|-
|
|'''''Groussbritannien'''''
|
| align="right" |'''''228.938'''''
| align="right" |'''''65.121.000''''' 
| align="right" |'''''284 '''''
|-
|[[Irland (Insel)|Insel Irland]]
|{{NIR}}
|[[Belfast]]
| align="right" |13.562<ref name="britannica.com"/>
| align="right" |1.905.000 
| align="right" |140 
|-
| style="background:#BBBBBB" |
| style="background:#BBBBBB" |{{GBR-f}} '''Vereenegt Kinnekräich vu Groussbritannien an Nordirland '''
| style="background:#BBBBBB" |
| style="background:#BBBBBB;text-align:right" |'''242.500''' 
| style="background:#BBBBBB;text-align:right" |'''67.026.000''' 
| style="background:#BBBBBB;text-align:right" |'''276 '''
|}

== Politik ==
D'Vereenegt Kinnekräich ass eng [[parlament]]aresch Demokratie a [[konstitutionell Monarchie]]. De Regierungssëtz ass zu [[London]], der Haaptstad vum Land. Staatschef ass de Kinnek [[Charles III. vum Vereenegte Kinnekräich|Charles III.]] D'[[Kroundependance]]n (''crown dependency'') [[Insel Man]] an d'Kanalinselen [[Jersey]] a [[Guernsey]] si formell am direkte Besëtz vun der brittescher Kroun, gehéieren awer net zum Staat. D'Vereenegt Kinnekräich huet d'Souveränitéit iwwer 14 [[Brittesch Iwwerséigebidder|Iwwerséigebidder]], déi meescht dovu si fréier [[Krounkolonie]]n déi aus ënnerschiddlechen Ursaachen ni onofhängeg gi sinn. Aner Lännereien an Deeler vum fréiere [[Brittescht Imperium|britteschen Imperium]] sinn haut onofhängeg Staaten oder goufe wéi fir d'lescht [[1997]] [[Hong Kong]] (zanterhier nees [[China|chineesesch]]), un aner Staaten ofginn. Den historeschen Afloss deen d'brittesch Expansiounspolitik op grouss Deeler vun der Welt hat, huet sech an der Kultur a Sprooch vu Länner wéi [[Kanada]], [[Australien]], [[Neiséiland]], [[Indien]], [[Pakistan]], [[Südafrika]], de [[Vereenegt Staate vun Amerika|Vereenegte Staate vun Amerika]] an aneren, global manner aflossräichen onofhängege Staaten niddergeschloen.

D'Vereenegt Kinnekräich ass bis haut iwwer d'Monarchie a [[Personalunioun]] mat 15 souveräne Staaten. Dës sougenannt [[Commonwealth Realm]]s ("Kinnekräicher vum Commonwealth") si Länner an deenen de brittesche Monarch Kinnek an offiziell Staatschef bliwwen ass. Do donieft huet d'Kinnekräich mam [[Commonwealth of Nations]] eng international Institutioun geschaf fir de politesche Kontakt mat – an der Majoritéit – Nofollgerstaate vu fréieren Territoiren aus imperialer Zäit ze halen.

==Numm==
Den offizielle Staatsnumm op [[Englesch]] ass ''United Kingdom of Great Britain and Northern Ireland''. D'Britte selwer hunn awer éischter ''United Kingdom'', ''Britain'' oder ''UK'' am alldeegleche Gebrauch wa se vun hirem Land schwätzen.

Den offizielle Staatsnumm an de [[Sprooch]]en déi der [[Europäesch Charta fir Regional- oder Minoritéitssproochen|Europäescher Charta fir Regional- oder Minoritéitssproochen]] no regional vum Vereenegte Kinnekräich unerkannt gi sinn:

* ''Teyrnas Unedig Prydain Fawr a Gogledd Iwerddon'' ([[Walisesch]])
* ''An Rìoghachd Aonaichte na Breatainn Mhòr agus Eirinn a Tuath'' ([[Schottesch]])
* ''Ríocht Aontaithe na Breataine Móire agus Thuaisceart Éireann'' ([[Irlännesch]])
* ''An Rywvaneth Unys a Vreten Veur hag Iwerdhon Glédh'' ([[Kornesch]])
* ''Unitit Kinrick o Great Breetain an Northren Ireland'' ([[Scots]])

Am Lëtzebuergesche gëtt – grad wéi an enger Rëtsch aner Sproochen – vill vu "Groussbritannien", dacks souguer nach vun "[[England]]" geschwat wann d'Vereenegt Kinnekräich gemengt ass. Groussbritannien ass reng geographesch gesi falsch, well et eeben och den offiziellen Numm vun der gréisster vun de britteschen Inselen ass. Zu der [[Groussbritannien (Insel)|Insel Groussbritannie]] gehéiere just England, Wales a Schottland. Dee véierte Landesdeel, Nordirland läit dogéint op der [[Irland (Insel)|Insel Irland]].

De "Great" am Great Britain kënnt vum [[franséisch]]e ''Grande Bretagne'' a markéiert den Ënnerscheed zu der franséischer [[Bretagne]]. 
De [[Latäin|laténgeschen]] Numm ''Britannia'' geet op d'[[Kelten|keltescht]] Wuert "Brith" fir faarweg oder fleckeg zeréck.

==Beschreiwung==
===Klima===
D'Klima ass ozeanesch mat kille Summeren a mëlle Wanteren. Duerch deen heefege Westwand kënnt vill fiicht Loft iwwer d'Inselen an et reent relativ vill. Bedéngt duerch déi héich Loftfiichtegkeet entsteet dacks Niwwel. D'Klima gëtt staark vum [[Golfstroum]] beaflosst.

===Vegetatioun===
Fréier gouf et grouss Bëscher, déi awer staark ofgeholzt goufe well d'Land vill Holz gebraucht huet, fir Schëffer ze bauen.

===Bevëlkerung===
Nieft den Englänner, Waliser, Schotten an Iren, liewe vill Mënschen aus dem [[Commonwealth]], déi zanter 1950 agewandert sinn, an den Industriegebidder op de britteschen Inselen. Méi wéi en Drëttel vun allen Awunner liewen an de grousse Ballungsraim. Wales a Schottland si relativ dënn besiidelt.

===Relioun===
D'Majoritéit vun den Awunner bekennt sech zur [[Kierch vun England]], déi d'Staatskierch ass.

==Literatur==
* Marshall, John, 2020. ''≠LuxUK Links. 150 stories connecting the United Kingdom and Luxembourg.'' Maison Moderne. ISBN 978-9959-33-28-9 [Den John Marshall ass zanter 2016 britteschen Ambassadeur zu Lëtzebuerg].

==Um Spaweck==
{{Commonscat|United Kingdom|Vereenegt Kinnekräich}}

* {{en}} [http://www.direct.gov.uk/ direct.gov.uk] Brittescht Regierungsportal
* {{en}} [http://www.royal.gov.uk/ royal.gov.uk] Offiziell Websäit vun der brittescher Monarchie
* {{en}} [http://www.visitbritain.com/ visitbritain.com] Offiziellen Touristeguide

{{naviblock
|NATO
|Commonwealth of Nations
|Navigatioun G7
}}

{{Referenzen an Notten}}

[[Kategorie:Vereenegt Kinnekräich| AAA]]