Association de soutien aux travailleurs immigrés

Vu Wikipedia
(Virugeleet vu(n) ASTI)
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
D'Logo vun der Asti

D'Association de soutien aux travailleurs immigrés asbl, besser bekannt ënner hirem Akronym ASTI, ass eng lëtzebuergesch Nëtregierungsorganisatioun. Si gouf 1979 gegrënnt.

Hir Ziler waren ufanks d'Walrecht an och soss gläich Rechter fir Auslänner zu Lëtzebuerg. Am Laf vun de Jore sinn den Asaz fir Leit, déi Asyl ugefrot hunn, an déi, déi ouni gëlteg Openthaltspabeiere sinn, zu engem weidere Schwéierpunktthema ginn.

Allgemeng sëtzt d'ASTI sech fir eng Gesellschaft an, där hire Räichtum an hirer Oppenheet an hirer Diversitéit läit.

D'ASTI organiséiert eng ganz Rëtsch Aktivitéite fir d'Awunner aus den nërdleche Quartiere vun der Stad Lëtzebuerg. Si huet de Festival de l'Immigration op d'Bee gesat, a war Copromoteur vum Carnaval des cultures an der Caravane 2000.

D'ASTI finanzéiert sech eleng duerch Donen a Membercotisatiounen.

Presidentin ass zanter November 2009 d'Laura Zuccoli [1] . Virdru war dat 30 Joer laang de Serge Kollwelter.

Um Spaweck[änneren | Quelltext änneren]

Referenzen[änneren | Quelltext änneren]

  1. "Asti: D'Laura Zuccoli gëtt déi nei Presidentin" rtl.lu, 19.11.2009, 07:34 - Fir d'lescht aktualiséiert: 19.11.2009, 08:27.