Ambulancier

Vu Wikipedia
Wiesselen op: Navigatioun, sichen

En Ambulancier ass eng Persoun, déi op enger Ambulanz matfiert an eng entspriechend Ausbildung huet. Zu Lëtzebuerg beschreift Ambulancier d'Ausbildung, déi sou eng Persoun huet, sou wéi et zum Beispill an Däitschland mat den Ausbildungen zum Rettungsassistent, Rettungssanitäter oder Rettungshelfer gehale gëtt.

De Lëtzebuerger Ambulancier[änneren | Quelltext änneren]

Ausbildung[änneren | Quelltext änneren]

Zu Lëtzebuerg ginn d'Ambulancieren vun der Protex an der Croix Rouge vun der Protection Civile ausgebilt. Als Viraussetzung muss een en Éischt-Hëllef-Cours absolvéiert hunn. Fir Stagiairesambulancier muss een de Mindesalter vun 16 Joer hunn. si trieden engem Centre de Secours bäi a mussen do regelméisseg am 2-Wochen-Takt d'Ambulancierscoursen besichen. Dës Coursen zéie sech iwwer 2 Joer. Gläichzäiteg besicht een eng Kéier am Joer d'École nationale de la Protection Civile zu Schëmpech. An där Zäit ass een Stagiaireambulancier an et däerf een als drëtte Mann mat zwee aneren Ambulanciere matfueren. No zwee Joer däerf een dann den Ambulanciersexamen untrieden, en Examen, dee sech an e prakteschen, e schrëftlechen an e mëndlechen Deel opdeelt. Wann een dëse gepackt huet ass een Ambulancier, et muss een awer weiderhin op d'mannst a 60% vun de Course matmaachen.

Befäegungen[änneren | Quelltext änneren]

En Ambulancier ass u sech en Transportspezialist fir blesséiert oder krank Persounen. Seng Kompetenze si grondsätzlech all Moossnamen, ofgesi vu sougenannten Actes Medicales, zu deenen all Medikamentenofgab oder Kierperverletzung zielt. Dat heescht, et ass een net berechtegt Zockerwäerter ze moossen, Medikamenter ze ginn, Perfusiounen ze setzen an ähnleches. Allerdéngs huet een d'Méiglechkeet, eng Sauerstofftherapie ze vollzéien duerch déi d'Geforen nëmmen ënner ondenkbaren Zoustänn real sinn. D'Aufgabe sinn also d'Iwwerwachung, den Transport, d'Betreiung sou wéi einfach liewensrettend Moossname wéi Verbänn uleeën, Beootmung, Häerzdrockmassage, Ofsaugen an Immobilisatioun.