Dexter (Televisiounsserie)

Vu Wikipedia
Wiesselen op: Navigatioun, sichen

Televisiounsserie

Daten
Originaltitel: Dexter
Produktiounsland: USA
Éischt Folleg: 1. Oktober 2006, USA
Dauer: 52 Minutten
Originalsprooch: Englesch Spuenesch
Folgen: 36+ an 3+Staffelen
Equipe
Iddi: Jeff Lindsay
Produzent:
Haaptacteuren Michael C. Hall: Dexter Morgan
Julie Benz: Rita Bennett
Jennifer Carpenter: Debra Morgan
David Zayas: Angel Batista
Lauren Velez: Lt. Maria LaGuerta
James Remar: Harry Morgan
Erik King: Sgt. James Doakes
Rudolf Martin: Carlos Guerrero


Dexter ass eng US-amerikanesch Krimi-/Drama-Televisiounsserie.

De Michael C. Hall spillt de Seriemäerder Dexter Morgan, dee beim Miami-Metro Police Department als Forensiker (haaptsächlech bei der Blutspurenanalys) schafft. Nuets allerdéngs geet e sengem Verlangen no fir ze muerden, an dat fir Mäerder ëmzebréngen déi d'Gesetz net ze pake krut.

D'Iddi zu der Serie ass vum Jeff Lindsay a Produzente sinn den Daniel Cerone, den Arturs Rusis an den Drew Z. Greenberg. D'Titellidd ass vum Rolfe Kent.

Bis 2008 si 3 Staffele mat am Ganze 36 Episode gedréit ginn.

Beschreiwung[änneren | Quelltext änneren]

Am Alter vu 4 Joer gëtt dem Dexter seng Mamm viru sengen Aen ëmbruecht. Als Weesekand, mat dësem traumateschen Erliefnes, gëtt hie vum Polizist Harry Morgan, deen hien op der Plaz vun der Dot fonnt huet, adoptéiert. Deen erkennt seng speziell Tendenzen, den Drang fir ze muerden a seng Emotiounlosegkeet. Deen instruéiert hie säin Drang, aner Leit ëmzebréngen, op eng konstruktiv Aart a Weis auszeliewen. Hie soll just déi Mënschen ëmbréngen déi aner Leit ermuert hunn an déi laanscht hir Strof duerch d'Gesetz komm sinn. Den Harry léiert hie keng Spuren ze hannerloossen, awer och etlech Regelen, déi hien dovun ofhale sollen fir ouni Grond Leit ëmzebréngen.

Den Dexter féiert en Duebelliewen, an ass drop beduecht nëmmen net opzefalen. Am Dag schafft hien als Blutspurenanalyst bei der Police vu Miami a gëtt do fir seng Aarbecht geschat. Nuets lieft hien da seng donkel Säit aus, dëst awer streng nom Harry sengem Codex. Seng Adoptivschwëster Debra Morgan schafft och als Polizistin am Muerddezernat. Seng Frëndin Rita Bennett huet zwee Kanner, an huet nach ëmmer net de Mëssbrauch vun hirem gewalttätegen Exmann verschafft.

1. Staffel[änneren | Quelltext änneren]

Zesumme mat senge Kollegen ass den Dexter hanner engem Seriemäerder, dem "The Ice Truck Killer" hier. Deen hannerléisst seng Affer propper zerschnidden a ganz ouni Blut. Den Dexter ass faszinéiert vun deem senger Technik a léisst sech mat him op eng Aart Spill an. De Killer schéngt nämlech dem Dexter säi Geheimnes ze kennen an hannerléisst him ëmmer speziell Norichten. Dem Dexter seng Schwëster an den Sgt. Doakes schaffen och un dem Fall, deen als bal net ze léise gëllt. Bis en Nuetswiechter fonnt gouf, dem verschidde Kierperdeeler ofgeschnidde goufen, an am Virfeld scho vum Killer op verschidde Plaze fir d'Police hannerluecht goufen. Den Toni Tucci gëtt mat senger Prothese vum Dr. Rudy Cooper betreit. Debra léiert dëse kennen a verléift sech an hien. Duerch en Tipp vun enger Prostituéierter, mat enger Handprothese, kënnt den Angel Batista dem Killer op d'Spuer. Et stellt sech eraus datt de Rudy de Killer ass. Hien entféiert d'Debra a wëll den Dexter dozou bréngen hatt ëmzebréngen, andeems hien em seet datt hie säi Brudder ass. Hie seet him datt si duerch datselwecht traumatesch Erliefnes zesumme gehéieren a sech net méi verstoppe sollten. Den Dexter widdersteet a bréngt, amplaz dem Debra, säi Brudder ëm. Hie stellt et wéi Selbstmuerd duer an d'Police fënnt och keng Beweiser déi dogéint schwätzen.

2. Staffel[änneren | Quelltext änneren]

3. Staffel[änneren | Quelltext änneren]

Um Spaweck[änneren | Quelltext änneren]