Henri Kugener

Henri Kugener
Gebuer	14. November 1943 Lëtzebuerg
Gestuerwen	23. Februar 2022 Innsbruck
Nationalitéit	Lëtzebuerg
Aktivitéit	Gynekolog

Den Henri Kugener, gebuer de 14. November 1943 an der Stad Lëtzebuerg, a gestuerwen den 23. Februar 2022 zu Innsbruck, war ee lëtzebuergeschen Dokter (Gynekolog), Medezinhistoriker an Auteur.

Biographie

Den Henri Kugener huet seng Secondairesstudien (B latine) am Stater Kolléisch 1963 ofgeschloss an duerno Medezin zu Freiburg im Breisgau studéiert. Hien ass Spezialist fir Fraemedezin a Gebuertshëllef ginn. Hie war Member vum Séminaire d'histoire des sciences et de la médecine vum Centre universitaire; 2002 gouf hie Chargé de cours fir Medezingeschicht op de Cours universitaires resp. op der Uni Lëtzebuerg. Hien huet reegelméisseg Konferenze gehalen a wëssenschaftlech Artikelen oder Aufsätz a senger Spezialitéit, respektiv am Beräich Medezingeschicht, publizéiert.

Publikatiounen (Auswiel)

• Die zivilen und militärischen Ärtzte und Chirurgen in Luxemburg - Von den Anfängen bis 1914 ; Lëtzebuerg (Eegeverlag), 1995.
• Krankenpflege und Spitalwesen in Mittelalter und Neuzeit am Beispiel des "Hospice Saint-Jean"; in: ons stad, Lëtzebuerg, Nr. 50 (Dezember 1995); Ss. 4-9 (ill.).
• Sauberes Wasser für die Stadt Luxemburg; in: ons stad, Lëtzebuerg, Nr. 75 (Abrëll 2004); Ss. 22-29 (ill.).
• Die zivilen und militärischen Ärzte und Apotheker im Grossherzogtum [sic] Luxemburg; 3 Bänn (A-G, H-R an S-Z) iwwer ronn 5000 Medezinner an Apdikter vun 1260 bis 2005, 1341 Säiten am Ganzen; Lëtzebuerg (Eegeverlag), 2005. ISBN 978-2-9599882-1-9

Um Spaweck

• kugener.com
• Die zivilen und militärischen Ärzte und Apotheker Buchbespriechung vum Georges Theves.