Issoudun

Vu Wikipedia
Wiesselen op: Navigatioun, sichen
Issoudun
center}}}
Land Flag of France.svg Frankräich
Regioun Blason Centre.svg Centre
Departement Blason département fr Indre.svg Indre
Arrondissement Issoudun
Kanton Issoudun-Sud
Issoudun-Nord
Code Insee 36088
Postcode 36100
Koordinaten 46° 57' 39" N
01° 59' 40" O
Fläch Uertschaft  3 660 ha
Bevëlkerung Uertschaft  13 685 (1999)

Issoudun ass eng franséisch Gemeng a Stad am Departement Indre an der Regioun Centre. Issoudun läit am Dall vum Floss Théols

Als Haaptuert vun engem Arrondissement, matzen an enger landwirtschaftlecher Géigend ass Issoudun en economeschen an touristeschen Zentrum vum Berry. Et ass eng al Stad déi op gallesch Originnen zréckkuckt. Besser ass se awer an der Geschicht bekannt well se mat a Krichereien tëscht dem Philippe August an dem Richard Léiwenhäerz verwéckelt war an déi Zäit laang belagert gouf.

Aus där Zäit staamt de Wäissen Tuerm, deen de Plantagenêt baue gelooss hat. Speziell un dem Tuerm ass, datt e bausse ronn a bannen aachteckeg ass. Seng 4 Meter déck Mauere sinn 33 Meter héich. Iwwer 145 Träppleke kënnt een op déi iewescht Plattform, vu där een eng Vue iwwer déi ganz Stad huet. Net wäit dovu steet de Beffroi vun der Stad, deen aus enger fréierer befestegter Paart entstanen ass.

Als Pilgeruertschaft léisst se sech eng Basilika net laanscht d'Nues goen. D'Basilika Notre-Dame du Sacré Coeur gëtt all Joer den 8. September vu Pilger opgesicht, déi domat dem Louis XI seng Pilgerrees dohi commemoréieren.

De Balzac war dacks zu Issoudun wou hien um Schlass vu Frapesle invitéiert war.

Kuckeswäertes[änneren | Quelltext änneren]

  • Wann een zu Issoudun ass, soll een net vergiessen de Musée de l'hospice Saint Roch besichen ze goen, deen eleng als Gebai mat de fréiere Krankesäll, a mat der Kapell aus dem 15. Joerhonnert scho kuckeswäert ass.
  • D'Bréck Saint-Paterne


Uertschaft virdrun
Charost
Jakobswee
08 Coquille.jpg
Via Lemovicensis
Uertschaft duerno
Neuvy-Pailloux

Um Spaweck[änneren | Quelltext änneren]

Commons: Issoudun – Biller, Videoen oder Audiodateien