Jean Laux-Steichen
| Jean Laux-Steichen | |
|---|---|
| Gebuer |
21. Mäerz 1864 Keel |
| Gestuerwen |
3. Juni 1942 Rëmeleng |
| Nationalitéit | Lëtzebuerg |
| Aktivitéit | Politiker |
 | |
De Jean Laux, gebuer den 21. Mäerz 1864 zu Keel, a gestuerwen den 3. Juni 1942 zu Rëmeleng, war e Lokalpolitiker an der Gemeng Keel.[1]
De Jean Laux war Bauer zu Keel. Hien huet sech am Januar 1901 zu Keel mat der Léonie Clementine Steichen bestuet[2] an huet sech dono Laux-Steichen genannt, fir net mat engem anere Jean Laux aus Keel verwiesselt ze ginn[3].
De Jean Laux ass am Mee 1901 als Member vum Keeler Gemengerot vereedegt ginn. Bei de Wale vum Oktober 1902 ass hien erëmgewielt ginn a gouf Buergermeeschter, eng Funktioun, déi hie vum 25. Januar 1903 bis den 31. Dezember 1917 ausgeüübt huet.[4]
Dem Jean Laux-Steichen seng Duechter Albertine (1907 Keel - 1970 Esch/Uelzecht) war mam Dr. Adolphe Feyder (1898-1981), vun 1925 un Dokter zu Esch-Uelzecht a vun 1928 un zu Schëffleng.[5]
Literatur[änneren | Quelltext änneren]
- Kauffmann, J., 1992. Kayl : Auf den Spuren des Gemeinderats : 1795 bis 1990. Kayl: Gemeindeverwaltung, 327 S.
Referenzen[Quelltext änneren]
- ↑ Luxroots.com (Laux Johann); Luxemburger Wort 1942-06-05, S. 5 (Doudesannonce).
- ↑ Luxroots.com.
- ↑ Et handelt sech ëm de Jean Laux (1866 Keel -1913 Keel), „Handelsmann“, Fils vum Bauer Pierre Laux an der Anna Pauly, bestuet mat der Maria Kompe (Luxroots.com). De Laux-Kompe war vun 1909 bis zu sengem Doud Member vum Keeler Gemengerot (Kauffmann 1992, S. 205-206).
- ↑ Kauffmann 1992, S. 193 a S. 203.
- ↑ Kugener, H., 2005. Die zivilen und militärischen Ärzte und Apotheker im Großherzogtum Luxemburg. Band 1/3 (A-G). Eigenverlag, Luxemburg, S. 205-206).