Kriibsen

Kriibsen
Kriibsen
Systematik
Räich: Déiereräich Ënnerräich: Metazoa Iwwerstamm: Urmünder Stamm: Arthropoden Ënnerstamm: Kriibsen
Wëssenschaftlechen Numm
Crustacea
Klassen
Sandkriibsen Remipedia Bladfousskriibsen Héijer Kriibsen Maxillopoda Zongewierm

Kriibse (Crustacéen) sinn en Ënnerstamm vun den Arthropoden. Kriibse gehéiere mat de Spannendéieren zu den eelsten Arthropoden. Et kennt een am Moment ongeféier 52.000 Kriibsaarten, déi meescht dovunner liewen am Mier.

Liewensraum

Déi meescht Kriibse liewen am Mier, vill Aarten awer och am Séisswaasser, an eng Rei souguer u Land.

Kierperbau

Kriibsen ënnerscheede sech ganz däitlech an der Gréisst an um Kierperbau. Si hunn awer alleguer e Baussesklett, dee si fir ze wuesse vun Zäit zu Zäit ofhaite mussen, an zwee Puer Antennen. Vill vun hinnen hu Komplexaen. Si otme meechtens duerch hir Kimen un de Been. Verschidde Kriibsenaarten hu speziell Bee fir ze schwammen. Zengfousskriibsen hunn dacks vir Scheieren amplaz Been. Hire Kreeslaf ass op an hiert Blutt (Hämolymphe) fléisst bei gréisseren Aarten duerch de Kierper an d'Häerz zeréck. D'Nervesystem besteet aus Kniet.

Systematik

• Ënnerstamm Kriibsdéieren
  • Klass Sandkriibsen (Cephalocarida)
  • Klass Remipedia
  • Klass Blatfousskriibsen (Branchiopoda)
    • Kimefousskriibsen (Anostraca)
    • Echt Blatfousskriibsen (Phyllopoda)
  • Klass Maxillopoda
    • Kaarpelais (Branchiura)
    • Mystacocarida
    • Tantulocarida
    • Ascothoracida
    • Rankefüssler (Cirripedia)
    • Rudderfousskriibsen (Copepoda)
  • Klass Muschelkriibsen (Ostracoda)
  • Klass Héijer Kriibsen (Malacostraca)
    • Leptostraca oder Phyllocarida
    • Hoplocarida
    • Eumalacostraca
      • Zengfousskriibsen (Decapoda) mat der Aarten Homard a Langust

Fir ze liesen

Joel W. Martin & George E. Davis: An updated classification of the Recent Crustacea , 2001, Science Series 39 vum Natural History Museum of Los Angeles County, 132 Säiten.

Um Spaweck

Commons: Crustacea – Biller, Videoen oder Audiodateien

• crustacea.nhm.org