Robert Koch

Vu Wikipedia
Wiesselen op: Navigatioun, sichen
Robert Koch

De Robert Koch, gebuer den 11. Dezember 1843 zu Clausthal am Harz, a gestuerwen de 27. Mee 1910 zu Baden-Baden, war en däitsche Bakteriolog.

De Robert Koch koum als Jong vun engem Biergbaubeamten op d'Welt.

Als Dokter huet hien 1876, beim Ënnersiche vun enger Infektiounskrankheet, keimfäeg Sporen vum Mëlzbrandbazillus fonnt. Domat huet hie fir d'éischt lieweg Mikroorganismen als Ursaach vun enger Krankheet nogewisen.

Doropshin koum hien op dat keeserlecht Gesondheetsamt wou hien 1882 bei sengen Aarbechten de Bazill vun der Tuberkulos entdeckt huet an och d'Géigemëttel Tuberkulin.

1884 huet de Robert Koch och de Bazill entdeckt déi d'Cholera verursaacht.

Am Joer 1905 krut de Robert Koch den Nobelpräis fir Medezin.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Robert Koch – Biller, Videoen oder Audiodateien