Rooibos

Vu Wikipedia
Wiesselen op: Navigatioun, sichen
Rooibos
Rooibos-Téi

Rooibos-Téi
Wëssenschaftlech Klassifikatioun
Räich: Planzeräich
Ofdeelung: Bléieplanzen
Klass: Rosopsida
Uerdnung: Fabales
Famill: Scheekefriichten
Gattung: Aspalathus
Aart: Rooibos
Wëssenschaftlechen Numm
Aspalathus linearis
Linnaeus.


Rooibos (Aspalathus linearis) ass eng Planz aus Südafrika, déi zu de Scheekefriichte (Fabaceae) gehéiert. Zanter ugangs der 1990er-Joren ass se als Friichtentéi-Planz beléift ginn. Rooibos wiisst nëmmen an den Cedar-Bierger am Südweste vu Südafrika.

Kennzeechen[änneren | Quelltext änneren]

Rooitrauschtéi besteet aus de fermentéierten an gedréchenten Blieder a Stiler vum Aspalathus linearis Et ass en Opgossgedrénks, enthält awer keen Teein an och wesentlech manner Gierfstoffer wéi de Schwaarzen Téi.

Gebrauch[änneren | Quelltext änneren]

Dacks gëtt den Téi och verkaaft als "Roudtrauschtéi" oder "Rooitrausch". Den Numm Rooibos staamt aus dem Afrikaans a bedeit rouden Trausch. Am Handel sinn hautdesdaags villerlee natierlech oder kënschtlech aromatiséiert Zorten ze fannen, wéi Rooibos-Vanill-Téi oder Rooibos-Orange-Téi.

Anescht wéi am schwaarzen oder am gréngen Téi ass am Rooibostéi kee Koffein a wéineg Gierfstoffer, sou datt et net zu Schlofproblemer wéinst dem Téi komme kann.

Rooibosplanz, Clanwilliam, Südafrika
Rooibos, Clanwilliam, Südafrika
Commons: Aspalathus linearis – Biller, Videoen oder Audiodateien