Scouten zu Lëtzebuerg

Zu Lëtzebuerg ginn et zwéi Scoutsverbänn:

• Lëtzebuerger Guiden a Scouten (LGS);
• Fédération nationale des éclaireurs et éclaireuses du Luxembourg (FNEL).

Si sinn allebéid Member an der World Organization of the Scout Movement. De Scoutissem gouf vum Robert Baden-Powell gegrënnt, an ass a senger ursprénglecher Form just fir Jonge reservéiert gewiescht. De weibleche Pendant ass de Guidissem.

D'Verspriechen:

Beim Versprieche streckt de Scout seng dräi Mëttelfangeren an d'Luucht fir domat seng

• Verflichtung géintiwwer dem Herrgott an der Monarchie (To do my duty to God and the King)
• Verflichtung géintiwwer senge Matmënschen (To help other people at all times)
• Verflichtung géintiwwer sech selwer, d'Scoutsgesetz anzehalen (To obey the Scout Law)

zu weisen. Esou d'Originalverspriechen vum Baden-Powell

D'Lëtzebuerger Guiden a Scoute formuléieren dëst Verspriechen haut esou:

"Ech engagéiere mech,
mäi Liewe sënnvoll ze gestalten a Verantwortung ze iwwerhuelen,
méng Ëmwelt ze respektéieren a mech fir Fridden a Gerechtegkeet anzesetzen,
mech dobäi u Jesus Christus ze orientéieren an nom Guide/Scoutsgesetz ze liewen."

Bei der FNEL versprécht e Scoutschef dëst:

"Ech verspriechen op Éier a Gewëssen,
meng Charge am Geescht vum Scoutsgesetz an am Sënn vun de Statute vun der FNEL
voll a ganz ze erfëllen
a bridderlech iwwert déi mir uvertraut Jongen a Meedercher ze waachen."

Kuckt och

• Guidissem

Um Spaweck

• Websäit vu der FNEL - Fedération nationale des éclaireurs et éclaireuses du Luxembourg
• Websäit vun der LGS - Lëtzebuerger Guiden a Scouten

Commons: Scouting – Biller, Videoen oder Audiodateien