Sechseck

regelméissege Sechseck

E Sechseck oder Hexagon (vum griich. héxa, „sechs“ a γονία, gonía, „Wénkel; Eck“) ass e Polygon (Villeck), deen aus sechs Ecken a sechs Säite besteet.

Wann all 6 Säiten d'selwescht laang sinn, schwätzt ee vun engem "gläichsäitege Sechseck". Wann och nach d'Wénkelen d'selwescht grouss sinn, nennt een dat e regulären oder regelméissege Sechseck.

Konstruktioun

E reguläre Sechseck kann een einfach aus engem Krees konstruéieren, andeems een de Radius vum Krees sechsmol op de Bord vum Krees mat engem Zierkel iwwerdréit. Déi Punkten, déi esou entstinn, sinn d'Ecke vum Sechseck.

Kuckt och

• Wab

Commons: Hexagons – Biller, Videoen oder Audiodateien