Starfleet Academy

Vu Wikipedia
Wiesselen op: Navigatioun, sichen
Starfleet1.png Dësen Artikel beschäftegt sech mam Star Trek-Universum. All Personnagen, Plazen etc. si fiktiv Figuren aus dëser Fernsehserie oder aus de Star Trek-Filmer.



Emblem vun der Starfleet Academy

D'Starfleet Academy (letz.: Stäreflotten Akademie, de.: Sternenflotten Akademie) ass d'Ausbildungsstätt fir nei Offizéier an der Stäreflott. Hiren Haaptsëtz ass zu San Francisco op der Äerd, wou se 2161 mam Motto Ex Astris, Scientia (wat souvill heescht wéi Vun de Stären, d'Wëssen!) gegrënnt gouf.

Ausbildung[änneren | Quelltext änneren]

Parkanlag vun der Starfleet Academy

Jiddwer Bierger vun der Federatioun däerf sech vum 16. Liewensjoer un, sech un der Starfleet Academy aschreiwen. Als éischt muss allerdengs en Opnameexame gemaach ginn, dee virun allem d'Allgemengwëssen souwéi och d'Kentnisser an der Physik an an der Mathematik préift. D'Ausbildung dauert 4 Joer. Um Enn vun der Ausbildung, mussen déi Kadetten, déi am Kommandoberäich dénge wëllen, den Kobayashi Maru Test absolvéieren. Heibei handelt et sech e simuléierte Kampfszenario op enger Bréck vun engem Raumschëff. An der Regel kann een dësen Zeenario net gewannen, et geet hei nëmmen em d'Verhaalen vum Kadett.