Temperatur

Vu Wikipedia
Wiesselen op: Navigatioun, sichen
Physikalesch Gréisst
Numm Thermodynamesch Temperatur
Formelzeeche vun der Gréisst T (nëmme fir Angaben a Kelvin)
Formelzeeche vun der Dimensioun θ
Gréissten- an
Eenheetesystem
Eenheet Dimensioun
SI K, °C θ
Planck Planck-Temperatur ħ1/2·G−1/2·c5/2·k−1
Anglo-
amerikanesch
°F, °Ra θ

D'Temperatur ass eng physikalesch Zoustandsgréisst. Wann zwéi Systemer ënnerschiddlech Temperaturen hunn, fléisst Wäermt vum System mat der heijer Temperatur an de System mat der niddreger Temperatur. Zwéi Systemer mat derselwechter Temperatur sinn am thermesche Gläichgewiicht.

Thermodynamesch ass d'Temperatur definéiert als d'Ännerung vun der bannenzegter Energie, no der Entropie bei festem Volume a Stoffmeng.

Op molekularem Niveau ass d'Temperatur en Equivalent fir d'gemëttelt kinetesch Energie (
\overline{E_{\rm kin}}) vun de Moleküllen. Fir de Billard-Kugel Modell gëllt d'Bezéiung:


T = \frac{2 \cdot \overline{E_{\rm kin}}}{3 \cdot R}

Temperatur-Skalen an Eenheeten[änneren | Quelltext änneren]

Grad Celsius[änneren | Quelltext änneren]

Bei der Definitioun vun der Grad Celsius (^\circ{\rm C}) Skala ass den Temperaturberäich tëscht dem Gefréierpunkt an dem Kachpunkt vum Waasser bei atmosphäreschem Drock ( p=101,3 ~{\rm kPa}) an honnert Eenheeten ënnerdeelt ginn. Dobäi ass de Gefréierpunkt vum Waasser als Nullpunkt festgeluecht ginn an dem Kachpunkt de Wäert 100 zougedeelt ginn. Fir Temperaturen an der Grad Celsius Skala gëtt meeschtens d'Formelzeechen t oder \theta geholl.

Kelvin[änneren | Quelltext änneren]

D'Andeelung vun der Kelvin (K) Skala ass déiselwecht wéi déi vun der Grad Celsius Skala an nom William Thomson, 1. Baron Kelvin genannt. Hei ass awer den Nullpunkt op déi thermodynamesch déifst méiglech Temperatur (-273,15^\circ{\rm C}) geluecht ginn. Fir Temperaturen an der Kelvin Skala gëtt d'Formelzeechen T gebraucht. D'Ëmrechnung vun K an ^\circ{\rm C} ass deementspriechend:


T/{\rm K} = t/{^\circ{\rm C}} + 273,15

Temperaturen an der Kelvin Skala ginn och dacks thermodynamesch Temperatur oder absolut Temperatur genannt.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Temperatur – Biller, Videoen oder Audiodateien