University of California

Universitéit zu Berkeley)

D'University of California (UC) ass niewent dem California-State-University-System dat zweet kalifornescht System bundesstaatlecher Universitéiten mat am ganzen iwwer 192.000 Studenten (offiziell gëtt et nach d'Community Colleges California als drëtt). Et gëtt eng „University of California“ an 10 Stied.

Déi eenzel Universitéite sinn onofhängeg vuneneen. Si deelen sech e gudde Ruff fir d'Qualitéit vun hirer Ausbildung. Vill vun der Universitéite hunn Nobelpräisdréier an aner Spëtzefuerscher als Professeren. An de leschte Joeren goufen Nobelpräisser fir Physik a Wirtschaft un d'UC-Professere zu Santa Barbara resp. San Diego verginn.

Geschicht

D'Grënnung vun den Universitéite gouf schonns an der kalifornescher Verfaassung vin 1849 virgeschriwwen. 1866 gouf vum Gesetzgiewer d'Agricultural, Mining, and Mechanical Arts College gegrënnt. Am Ufank hat et dem College fir e normale Betrib ze féieren u finanzielle Mëttele gefeelt. D'Sponsore vum College of California hunn am Joer 1866 65 Hektar Land, geleeën op dem Gebitt vum haitegen Berkeley, kaaf.

Den 23. Mäerz 1868 gouf schliisslech d'University of California mat Vertrag gegrënnt an domat eelsten Deeluniversitéit ass d'UC Berkeley (UCB). De jéngsten Ofleeër gouf 1999 zu Merced gegrënnt, 2002 war d'Ouverture an am September 2005 gouf de Léierbetrib opgeholl.

Standplaze

Standplaze vun UC-Campus a Laboratoire

Héichschoul	Ofkierzung	Plaz	Grënnung	Studentenzuel (2005)	Sportteam/Liga
University of California, Berkeley	UCB oder Cal	Berkeley	1868	30.269	California Golden Bears (Pacific-12 Conference)
University of California, San Francisco	UCSF	San Francisco	1873	2.863	keng
University of California, Los Angeles	UCLA	Los Angeles	1919	35.967	UCLA Bruins (Pacific-12 Conference)
University of California, Davis	UCD	Davis	1905	30.475	Aggies (Big West Conference)
University of California, Santa Barbara	UCSB	Santa Barbara	1905	20.559	Gauchos (Big West Conference)
University of California, Riverside	UCR	Riverside	1954	16.863	The Highlanders (Big West Conference)
University of California, San Diego	UCSD	San Diego	1959	25.339	Tritons (California Collegiate Athletic Association)
University of California, Irvine	UCI	Irvine	1965	24.434	Anteaters (Big West Conference)
University of California, Santa Cruz	UCSC	Santa Cruz	1965	15.013	Banana Slugs
University of California, Merced	UCM	Merced	2005	1.300	Golden Bobcats (California Pacific Conference)

Laboratoiren

D'University of California ënnerhält dräi national Laboratoiren ënnert dem Patronat vum United States Department of Energy:

• Ernest Orlando Lawrence Berkeley National Laboratory
• Lawrence Livermore National Laboratory
• Los Alamos National Laboratory

Observatoiren

D'University of California ënnerhält zwéi Observatoiren. D'Fuerschungszentren sinn zu Santa Cruz ugesidelt, ginn awer vun allen UCs gebraucht.

• Lick-Observatoire
• Keck-Observatoire

Um Spaweck

• Offiziell Homepage
• Office of the President
• Verfaassung
• UC Observatorien