Wikipedia:FAQ Lieser

Vu Wikipedia
Wiesselen op: Navigatioun, sichen

F. Wéi sichen ech en Artikel an der Wikipedia ?[änneren | Quelltext änneren]

E. Kuckt Hëllef:Sichen fir all d'Méiglechkeeten, wéi een en Artikel an der Wikipedia siche kann, oder wéi een d'Wikipedia einfach nëmmen "duerchbliedere" kann, ouni elo no eppes Bestëmmtenem ze sichen.

F. Wéi gëtt ee gewuer, wéi heefeg en Artikel gelies ginn ass ?[änneren | Quelltext änneren]

E. Op dëser Internetsäit http://stats.grok.se kann een nokucken, wéi heefeg en Artikel pro Mount besicht ginn ass (dat inkludéiert natierlech d'Editéiere vun der Säit; et bedeit och net, datt all Visiteur den Text gelies huet). Dat funktionnéiert an all Sproocheversioun vu Wikipedia. Hei e puer Beispiller aus dem Mount Mee 2009:
  • D'Haaptsäit : lb → 29.105 Visiten | de → 27.889.014 Visiten | fr → 14.743.066 Visiten | en → 170.773.874 Visiten
  • Artikel iwwer d'Lëtzebuerger Land : lb → 2796 Visiten | zh → 2576 Visiten] | fr → 26.873 Visiten | de → 61.847 Visiten | en → 126.450 Visiten

F. Vue datt jiddwereen Artikele verännere kann, wéi kann ech dem Contenu nach trauen ?[änneren | Quelltext änneren]

E1. Gitt näischt op dat, wat dir hei liest. Dat gëllt awer natierlech net nëmme fir d'Wikipedia, mä fir all Enzyklopedien, souguer fir déi renomméierst.
E2. Wéi bei all Experiment, dat sech op d'Fräiheet baséiert, kann een unhuelen, datt d'individuell Intérêten op e kollektiven Intérêt histeieren. Tatsächlech kéint ee mengen, datt d'Leit, déi sech op Wikipedia connectéieren, wëssensbegiereg sinn, a sou ëmmer een do ass, fir e Feeler ze verbesseren.
E3. Egal wéi soll all Artikel ëmmer op säi Contenu jugéiert ginn, an net no sengem Auteur.

F. Wat kann ech mat externe Linken ufänken, soulaang wéi de Contenu net kopéiert gëtt ?[änneren | Quelltext änneren]

E. Kee Problem bei den externe Linken. Si droen zum Contenu vu Wikipedia bäi. Déi meescht Wikipedianer sinn trotzdem der Meenung, datt en Artikel net nëmmen aus externe Linke bestoe sollt, well Wikipedia soll keen Internet-Portal ginn... De Préference ginn déi Linken um Enn vum Artikel an der spezieller Sektioun "Um Spaweck" ernimmt.

F. Wat sinn d'bibliographesch Referenzen ?[änneren | Quelltext änneren]

E. Do gëtt et näischt Spezielles ze soen. Internet, Enzyklopädien, Coursen, eegent Wëssen. Jiddereen huet Connaissancen an engem Domaine, a kann déi och hei bäidroen.

F. Gëtt et Wikipedia och eemol op Pabeier ?[änneren | Quelltext änneren]

E. Mir denken doriwwer no.

F. Wisou gëtt et keen Chat, dat géif heiansdo méi séier goen?[änneren | Quelltext änneren]

E. Op der Wikipedia selwer gëtt et just d'Diskussiounssäite vun deenen eenzele User a vun de jeeweilegen Artikelen, fir datt d'Wikipedianer och mateneen diskutéiere kënne, wa se mol net alleguerte gläichzäiteg online sinn, wat souwisou éischter seelen de Fall ass. En Chat gëtt et awer och, just ass deen net op der Wikipedia, mä um Freenode Netzwierk, a Form vun e puer IRC-Kanäl (klickt hei fir Detailer).