Wikipedia:FAQ Participanten

Vu Wikipedia
Wiesselen op: Navigatioun, sichen


Fir unzefänken[änneren | Quelltext änneren]

F. Wisou sollt ech bei Wikipedia matmaachen ?[änneren | Quelltext änneren]

E. Et gi genuch Grënn, fir bei Wikipedia matzemaachen:
  • well et Spaass mécht
  • well et einfach ass
  • well et eng Meiglechkeet bitt, säi Wësse weider ze vermëttelen
  • well ee Leit aus de verschiddensten Domainer kenneléiert
  • well dir aner Leit verbessere kënnt, ouni ëm Erlaabnis ze froen ;-)

F. Ginn et Regelen, un déi ee sech hale muss ?[änneren | Quelltext änneren]

E. Jein. Et si keng Gesetzer an deem Sënn, mä et gëtt schonn eng Partie Richtlinnen, déi dir hei fannt.

F. Gëtt et eng Plaz, wou ech mol e bëssen testen kann, ouni eppes futti ze maachen ?[änneren | Quelltext änneren]

E. : Jo, all är Tester kënnt dir an der Sandkaul maachen.

F. Ech ging gären hëllefen, mä ech fäerten, Dommheeten ze soen ?[änneren | Quelltext änneren]

E. De gudde Wëlle spillt schonn eng grouss Roll. No enger Zäitche wäert der mierken, datt alles net sou schwéier ass, also zéckt net, a sprangt an d'kaalt Waasser ! Wann et guer net geet, kënnt dir nach ëmmer gehollef kréien.

E User Account opmaachen[änneren | Quelltext änneren]

F. Muss een en Account hunn oder kann een och anonym ënner enger IP-Adress schreiwen ?[änneren | Quelltext änneren]

E. Natierlech ! Dir sidd häerzlech wëllkomm, ënner ärem richtege Numm, engem Spëtznumm oder enger IP matzeschaffen.

F. Wat ass eigentlech e User Account a wat bréngt en ?[änneren | Quelltext änneren]

E. Kuckt Wikipedia:Usernumm fir all Renseignement iwwer Äre Kont.

F. Ech géing gäre mäi Usernumm änneren ?[änneren | Quelltext änneren]

E. Frot op w:en:Wikipedia:Changing username.

F. Ech géing gären d'Attributioun fir eng Editioun änneren ?[änneren | Quelltext änneren]

E. Dat ass méiglech ! Dir kënnt dat op w:en:Wikipedia:Changing attribution for an edit ufroen.

Kreatioun, Ännerung a Läsche vu Säiten[änneren | Quelltext änneren]

F. Wéi maachen ech e ganz neien Artikel op ?[änneren | Quelltext änneren]

E. Ier der en neien Artikel ufänkt, verifiéiert mat der Volltextsich als éischt, op et net schonn en Artikel zu deem Thema ënner engem aneren Titel gëtt. Wann net, da kuckt iech Wikipedia:Nei Artikelen opmaachen un a fuert dann duer mat Schreiwen.

F. Wéi änneren ech en Artikel ?[änneren | Quelltext änneren]

E. All Artikel huet uewen op der Säit e Reider "änneren". Klickt dorop an der kommt an den Editéier-Modus. Korrigéiert oder kompletéiert den Artikel a klickt dann op e Knäppche mam der Schrëft "Säit Späicheren". A schonn ass den Artikel geännert.
Et gëtt am Editéier-Modus och nach e Knäppchen "Preview", deen iech et erlaabt eng Virschau vum geännerten Artikel ze gesinn, sou datt der eventuell Presentatiounsproblemer nach behiewe kënnt ouni den Artikel all Kéier tëschenzespäicheren. De Knäppchen "Weis Ännerungen" hieft all är Ännerungen ervir, sou datt der nach virum Späichere kontrolléiere kënnt, op der z. B. net onabsichtlech e Paragraph gelächt hutt.
Weider Erklärungen dozou, notamment iwwer d'Wiki-Befeeler fir Titelen a Linken an en Artikel ze setzen, fannt der op Wéi änneren ech eng Säit.

F. Wéi änneren ech den Titel vun engem Artikel ? Z.B. den Artikel « D'Egyptologie » sollt éischter « Egyptologie » heeschen ?[änneren | Quelltext änneren]

E. Gitt op d'Säit, wou dir den Titel ännere wëllt, a klickt op Réckelen (uewen am Menü). En einfache Copy/Paste op en neien Artikel soll net onbedéngt gemaach ginn, well dobäi den Historique verluer geet. Eng méi ausféierlech Erklärung zu deem Thema fannt der op Hëllef:Wéi réckelen ech eng Säit.

F. Wéi kann ech rezent Ännerungen bei enger Säit verfollegen, ouni all Kéier mussen op d'Säit ze goen ?[änneren | Quelltext änneren]

E. Gitt op d'Säit a klickt op Verfollegen. Lo braucht dir nëmmen nach an är Suivi-Lëscht kucken ze goen.

F. Wat geschitt, wann zwou oder méi Persounen zur selwechter Zäit um selwechten Artikel schaffe wëllen ?[änneren | Quelltext änneren]

E. Nëmmen déi éischt Persoun kann hir Ännerunge späicheren. Déi aner kréien e Versiounskonflikt Message ugewisen, a kënnen hir Ännerunge bei déi neiste Versioun dobäisetzen.

F. Wéi kann ech eng Säit läschen ?[änneren | Quelltext änneren]

E. 1 Dëst soll mat vill Virsiicht geschéien, en plus, wann dir net den Auteur vun der Säit sidd oder wa vill Leit dru geschafft hunn. Mä eigentlech kann iech keen ophalen, wann dir carrement den Text vun der Säit läscht.
E. 2 Meeschtens kann eng Säit, amplaz se ze läschen, als Redirect op eng méi pertinent Säit fungéieren. Wann zum Beispill een e gudden Artikel ënner « Mayrisch » geschriwwen huet, wier et méi logesch, dat bei Emile Mayrisch ze schreiwen, an dann e Redirect ze setzen. Vergiesst nämlech net, datt op déi Säit, déi dir läscht, och aner Säite linke kënnen, Linken déi dee Moment natierlech net méi funktionéieren.
E. 3 Fir eng Säit definitiv ze läschen, musst dir Administrator-Rechter hunn.

F. Wéi kann ech eng Säit änneren, op där schonn e Redirect besteet ?[änneren | Quelltext änneren]

E. Loosst iech redirigéieren. Uewen op der Säit fannt dir e Message : « (redirigéiert vun xyz) » woubäi xyz e Link ass. Klickt op dëse Link an dir kënnt d'Säit « xyz » änneren.

F. Wat ass eng Spezialsäit ?[änneren | Quelltext änneren]

E. Et ginn eng Rei Spezialsäiten, zum Beispill Rezent Ännerungen. Dës Säite gi vum System generéiert an sinn net verännerbar vun den Useren.

Biller op Wikipedia benotzen[änneren | Quelltext änneren]

F. Wéi kréien ech e Bild op meng Säit ?[änneren | Quelltext änneren]

E. Vergewëssert iech als éischt, datt dir d'GNU Free Documentation License respektéiert. Gitt dann op d'Spezialsäit "Eroplueden" (dee Link steet och lénks op all Säit an ärer Geschirkëscht, virausgesat där hutt iech ageloggt).
Technesch a juristesch Detailer fir Biller eropzeluede gitt der bäi Wikipedia:Biller gewuer.

F. Wéi kann ech op e Bild linken, ouni et unzeweisen ?[änneren | Quelltext änneren]

E. Et gi verschidde Syntaxen :
  • [[Fichier:truc.jpg]] weist d'Bild selwer un ;
  • [[:Image:truc.jpg]] setzt e Link op d'Descriptiounssäit vum Bild (nëtzlech op den Diskussiounssäiten) ;
  • [[Media:truc.jpg]] setzt e Link op d'Bild.

F. Meng Biller sinn ze grouss fir d'Säit[änneren | Quelltext änneren]

Beispill
E1. Wann d'Bild och an enger méi klenger Versioun gutt ausgesäit, kënnt dir et op ärem Computer mat engem respektive Programm (Photoshop, PaintShop, etc.) an déi richteg Form bréngen.
E2. Soll d'Bild an enger grousser Versioun op Wikipedia ze fanne sinn, benotzt folgend Syntax fir e Minitaturbild (Thumbnail) ze kreéieren:
[[Fichier:Numm_Bild.jpg|thumbnail|Gréisst|Beschreiwung]].

F. Ech ging gären e Bild vun der englescher Wikipedia op der lëtzebuergescher Wikipedia benotzen.[änneren | Quelltext änneren]

E. Et gëtt dofir (nach) keng direkt Methode. Dir musst d'Bild vun der englescher Wikipedia op ärem Computer späicheren an da frësch op déi lëtzebuergesch Wikipedia eroplueden. Als Source (op der Descriptiounssäit vum Bild) gitt dir dann un, datt d'Bild vun der englescher Wikipedia staamt.

Auteursrechter a Copyright[änneren | Quelltext änneren]

F. Ech hunn eng interessant Source vun Donneeë fonnt, mä ech weess net, op ech dat a mäin Artikel kopéieren dierf ?[änneren | Quelltext änneren]

E. Wikipedia gëtt ënner der GFDL an der CC-BY-SA Lizenz publizéiert. Am Resumé, à moins är Donnéeë stamen (1) aus dem Domaine public (d. h. kee kann Auteursrechter reklaméieren) oder sinn och (2) ënner der GFDL oder der CC Lizenz publizéiert, ass et besser, d'Donnéeën net ze kopéieren.
Beim klengsten Zweifel ass et besser, fir d'éischt ze froen.

F. De Contenu vu Wikipedia, ass dee « fräi » (am Sënn vun Open content) ?[änneren | Quelltext änneren]

E. Den Text-Contenu vu Wikipedia steet ënner der Creative Commons BY-SA 3.0 Unported Lizenz an, wann net aneschters uginn, aus Kompatibilitéitsgrënn och nach ëmmer ënner der GNU Free Documentation License. Déi eenzel Biller, Toun- oder Videodokumenter déi an d'Wikipedia agebonne si kënnen ënner Ëmstänn ënner enger anerer fräier Lizenz stoen, a ganz speziellen Ausnamefäll kéint een och op eng onfräi a just op der Wikipedia erlaabte Lizenz stoussen, wat een ëmmer nokucke kann andeems een op d'Bild oder Dokument klickt an d'Lizenzbestëmmungen noliest.

F. Ech kann d'Autorisatioun kréien, fir divers Dokumenter op Wikipedia ze benotzen. Geet dat duer ?[änneren | Quelltext änneren]

E. Äert Dokument muss dee Moment och ënner der CC-BY-SA 3.0 a wa méiglech och der GFDL kënne publizéiert ginn. Frot dat w.e.g. no.

F. Duerf een op Wikipedia Wuert fir Wuert Gesetzestexter oder aneres kopéieren ?[änneren | Quelltext änneren]

E. :Jo, Zitater sinn erlaabt, mä si mussen tëscht Gänseféisercher stoen, an d'Originalsource musst der uginn.

Verschiddenes[änneren | Quelltext änneren]

F. Ech hunn en Artikel ugefaangen, mä si mat mengem Latäin um Enn. Wéi kréien ech anerer dozou, den Artikel ze kompletéieren ?[änneren | Quelltext änneren]

E. : Schreift e Link op ären Artikel an eis Lëscht vu Skizzen, an am Artikel selwer setzt dir de Standardmessage {{Skizz}} virun den Text, fir dëse Message unzeweisen:
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.