Quelltext vun der Säit Al Bréck weisen

{{Infobox Bréck
| Numm=Viaduc<br>''Al Bréck'', ''Passerell''
| Bild=
| Land={{LUX}}
| Plaz= [[Lëtzebuerg (Stad)|Lëtzebuerg]]
| Koordinaten={{coor dms|49|36|20.78|N|6|08|00.95|O}}
| Iwwer= [[Péitruss|Péitruss-Dall]]
| Funktioun=Stroossebréck
| Benotzer = [[Nationalstrooss 50]]
| Typ= [[Boubréck]]
| Längt=308,40 m
| Felder= 26
| Feldbreeten= 8&nbsp;m - 15 m
| Breet=17,70
| Héicht=45 m
| Material= [[Steen]]
| Opgaangen= [[29. August]] [[1861]]
| Architekten= [[Achille Grenier]]<br>[[Auguste Letellier]]
| Entreprener= [[Waring Brothers]]}}
D''''Al Bréck''' och nach '''Passerell''' genannt (offiziell '''pont Viaduc'''), ass eng Bréck an der [[Lëtzebuerg (Stad)|Stad Lëtzebuerg]], déi d'[[Uewerstad]] mam [[Garer Quartier (Stad Lëtzebuerg)|Garer Quartier]] verbënnt. Si huet eng Längt vun 308,40 Meter a besteet aus 26 Béi (vun deenen der haut e puer verstoppt sinn). D'Feldwäite vun de Béi variéieren tëscht 8 a 15 Meter an d'Bréck ass 45 Meter héich.

== Geschicht ==
Wéi de [[Grondsteen|Grondstee]] fir d'[[Gare Lëtzebuerg|Stater Gare]] den 30. Oktober 1858 geluecht gi war, hu sech déi Responsabel vun der Stater Gemeng Gedanke gemaach, wéi den Uschloss vun der d'Stad un déi zukünfteg Gare - déi baussent der [[Festung Lëtzebuerg|Festung]], op deemolegem [[Hollerech]]er Territoire louch - kéint gemaach ginn. Den 20. November 1858 huet de [[Gemeng (Lëtzebuerg)|Gemengerot]] e Projet vun enger Bréck iwwer de [[Péitruss]]dall ugeholl, dee vun den Ingenieure vum ''[[Société royale grand-ducale des chemins de fer Guillaume-Luxembourg|Guillaume-Luxembourg]]'', [[Achille Grenier]] an [[Auguste Letellier]], gemaach gi war. Se gouf vun der englescher Firma ''[[Waring Brothers]]'' gebaut; de Grondstee gouf de [[5. Oktober]] [[1859]] geluecht. Fir de Verkéier goung d'Bréck den [[29. August]] [[1861]] op. Se hat deemools eng Längt vun 330&nbsp;m an eng maximal Héicht vun 42&nbsp;m iwwert dem Dall.

Vum 1. Juli 1860 un, wärend d'Bréck gebaut gouf, war eng hëlzen Noutbréck, eng [[Passerell (Architektur)|Passerell]], opgeriicht ginn an den Numm gouf fir déi fäerdeg Bréck bis haut bäibehalen.

Bei Renovéierungsaarbechte gouf se [[1960]] fir den ëmmer méi héije Verkéier duebel esou breet gemaach, vu 7,5 op 15 Meter.

Den Numm ''Al Bréck'' krut se, wéi uganks 1900 d'''Nei Bréck'', nämlech d'[[Adolphe-Bréck]], gebaut gouf.

Den [[22. September]] [[2006]] ass am Kader vun der [[Europäesch Mobilitéitswoch|Europäescher Mobilitéitswoch]] déi westlech [[Fuerspuer]] op der Bréck fir d'[[Vëlospist|Vëlosfuerer]] reservéiert ginn. D'Vëlosspuer kann - anescht wéi den [[Individualverkéier]] deen nëmmen a Richtung Stad fuere kann - a béide Richtunge benotzt ginn<ref>[[Peter Feist|Feist, P.]], 2006, [http://www.eluxemburgensia.lu/webclient/DeliveryManager?application=DIRECTLINK&custom_att_2=simple_viewer&pid=1900844&search_terms=Al%20Br%C3%A9ck#panel:pp|issue:1900844|article:DTL205|query:Al%20Br%C3%A9ck “So viele Aktionen”] am [[d'Lëtzebuerger Land|Lëtzebuerger Land]], Nr. 38 vum 22. September 2006</ref>.

Am Hierscht 2018 sinn Aarbechten ugaangen, fir d'Bréck ëm 2,40 Meter, bis op am Ganze 17,70 Meter, nach eng Kéier méi breet ze maachen. Et koum haaptsächlech eng 3 Meter breet [[Busspuer]] a Richtung vum Garer Quartier derbäi, d'Spuere fir de motoriséierte Verkéier goufe vun 2,90 op 3 Meter méi breet gemaach, an et koum e 4,50 Meter breede Wee fir Foussgänger a Cyclisten (a béid Richtungen) op der Westsäit bäi, iwwerdeems den aneren Trëttoir 20 Zentimeter bäikritt huet<ref>Nadine Schartz: [https://www.wort.lu/de/lokales/brueckenschlag-in-der-hauptstadt-5cff21e7da2cc1784e345d1c "Brückenschlag in der Hauptstadt."] wort.lu, 11.06.2019.</ref>. Bis Enn 2021 gouf nach op der ëstlecher Säit geschafft, fir den Trëttoir an d'Gelänner do identesch zu deem vis-à-vis ze erneieren<ref>{{Citation|url=https://travaux.public.lu/fr/projets/projets-ponts-viaducs/2018/passerelle.html|titel=Elargissement du pont "Passerelle"|bezochtdatum=23.09.2020|auteur=|achternaam=|voornaam=|datum=|uitgever=travaux.public.lu|taal=Fr}}</ref>.

D'Busspuer a Richtung Gare ass den 3. November 2019 opgaangen<ref>[https://gouvernement.lu/dam-assets/documents/actualites/2019/10-octobre/Pont-Passerelle-Presentation-du-3-novembre-2019-v4.pptx Réouverture du pont passerelle "Al Bréck" après élargissement - présentation du réaménagement de la piste cyclable et des dispositifs de sécurité du pont op gouvernement.lu den 3. Novembre 2019]</ref>; d'Vëlospist gouf de 16. September 2020 ageweit<ref>[https://www.rtl.lu/mobiliteit/news/a/1577310.html "Anti-Suicide-Konstruktioun am Moment provisoresch."] rtl.lu, 16.09.2020 20:25.</ref>.

De Projet war mat engem Budget vu knapps eelef Milliounen Euro geplangt; d'Käschte gi vum Staat iwwerholl<ref name=":0">Nadine Schartz, [https://www.wort.lu/de/lokales/die-tram-eine-radpiste-und-die-platanen-5b68164e182b657ad3b91074 Die Tram, eine Radpiste und die Platanen] op wort.lu de 6. August 2018 an ënner dem Titel ''Die Platanen-Allee'' am [[Luxemburger Wort]] vum 6. August 2018, Säit 17.</ref>.

== Um Spaweck ==
{{Commonscat|Passerelle / Viaduc|Al Bréck}}
* [[Rita Ruppert]], [https://www.wort.lu/de/lokales/viadukt-in-luxemburg-stadt-wird-verbreitert-eine-fahrbahn-fuer-den-bus-5a85bd08c1097cee25b7d8a6 Viadukt in Luxemburg-Stadt wird verbreitert - Eine Fahrbahn für den Bus] op wort.lu de 15. Februar 2018
*[[Nadine Schartz]], [https://www.wort.lu/de/lokales/mehr-raum-fuer-radfahrer-5bb49b4f182b657ad3b945dc Mehr Raum für Radfahrer] op wort.lu de 4. Oktober 2018 an ënner dem Titel „Al Bréck wird breiter“ an der Drockversioun vum [[Luxemburger Wort|Wort]] de 4. Oktober 2018, Säit 23
*[https://gouvernement.lu/dam-assets/documents/actualites/2019/10-octobre/Pont-Passerelle-Presentation-du-3-novembre-2019-v4.pptx Présentation "Division des Ouvrages d'Art"] op gouvernement.lu, gekuckt de 4. November 2019
{{clearright}}

== Fotoen ==
<gallery perrow="4" widths="160">
Luxbg Passerelle 01.jpg|Lénks ënnen: d'Bett vun der [[Péitruss]]
Stad Wanter 18122010074.jpg|Am Wanter
Luxembourg, piste cyclable Viaduc (102).jpg|E Bus op der Busspuer a Richtung Gare an niewendrun déi nei Pist fir a Vëloen (lénks) a Foussgänger 
Luxembourg Entrance to the town.jpg|D'Al Bréck mam Päerdstram (Zirka 1890 bis 1900).
ChBernhoeft Le Luxembourg pittoresque 101.jpg|D'Passerell op enger Foto vum [[Charles Bernhoeft]], virun 1894. <!--Vir ee Paf dee mat de Bouwe spadséire geet-->
</gallery>

{{Referenzen an Notten}}
{{Navigatioun Brécken an der Stad Lëtzebuerg}}

[[Kategorie:Brécken an der Stad Lëtzebuerg|Viaduc]]
[[Kategorie:Stroossebrécken zu Lëtzebuerg|Viaduc]]
[[Kategorie:Brécken iwwer d'Péitruss|Viaduc]]
[[Kategorie:Boubrécken|Viaduc]]
[[Kategorie:Bauwierker 1861]]