Alexander Dubček

Vu Wikipedia
Op d'Navigatioun wiesselen Op d'Siche wiesselen
Den Alexander Dubček (1968).

Den Alexander Dubček, gebuer de 27. November 1921 zu Uhrovec an der deemoleger Tschechoslowakei (haut Slowakei), agestuerwen de 7. November 1992 zu Prag, war en tschechoslowakeschen a méi spéit slowakesche Politiker.

Hie war vun 1963 bis 1968 Eischte Sekretär vun der Kommunistescher Partei vun der Slowakei a gouf du Generalsekretär vun der Kommunistesch Partei vun der Tschechoslowakei. An där Fonctioun war hien, als mächtegste Politiker vum Land, d'Haaptfigur vum sougenannte Prager Fréijoer, enger Reformbewegung, déi de kommunistesche Regime méi tolerant an op maache wollt (d'Leitmotiv war deemools "Sozialismus mat mënschlechem Gesiicht").

Dës Bewegung gouf am August 1968 vun den Truppe vum Warschauer Pakt ermëlzt, an den Dubček gouf gezwongen, mat alle politeschen Aktivitéiten opzehalen. Am Hierscht 1989 huet hie dech der antikommunistescher Oppositioun ugeschloss a gouf zesumme mam Tschech Václav Havel eng vun den Haaptfigure vun der Samette Revolutioun. Als Resultat dovu gouf den Dubček zum President vum federalen tschechoslowakeschen Parlament (1989–1991) gewielt. 1992 gouf hie President vun der Sozialdemokratescher Partei vun der Slowakei.

Den Dubček ass de 7. November 1992 un de Suitê vun engem Autosaccident gestuerwen, kuerz ier e méiglecherweis zum zoukünftege slowakesche Staatspresident hätt kënne gewielt ginn.

Literatur[änneren | Quelltext änneren]

Um Spaweck[änneren | Quelltext änneren]

Commons: Alexander Dubček – Biller, Videoen oder Audiodateien