Bromme

D'Bromme zu Brommat

D'Bromme ass e franséische Floss am Massif central an den Departemeter vum Cantal an Aveyron.

Et ass e rietsen Niewefloss vun der Truyère, a gehéiert domat zum Baseng vun der Garonne.

Geographie

Den 28.7 km laange Floss huet seng Quell op engem Südhank vum Massiv vum Cantal um Territoire vun der Gemeng Pailherols, ongeféier aacht Kilometer südlech vum Plomb du Cantal, am Naturpark vun de Vulkanen. Se leeft gréisstendeels an Nord-Südrichtung fir op der Gemengegrenz vu Brommat a Lacroix-Barrez an Truyère ze lafen.

Um ënneschte Laf vun der Bromme steet eng kleng Staumauer, vun där aus eng ënnerierdesch Deviatioun en Deel vum Waasser an de Séi vum Barrage vu Labarthe leet, a sou vun enger elektrescher Zentral méi benotzt ka ginn. Et gëtt där siwen um Laf vun der Truyère

Departementer a Gemengen um Laf

• Cantal: Pailherols
• Aveyron: Mur-de-Barrez, Taussac, Brommat, Lacroix-Barrez a Saint-Symphorien-de-Thénières

Haaptnieweflëss

• Ruisseau de Griffoul
• Ruisseau de Lacapelle-Barrès
• Riou Migie
• Ruisseau de Pompialou
• De Siniq
• Ruisseau Davignon