Quelltext vun der Säit Dréchemauer weisen

[[Fichier:Dréchemauer zu Amel-sur-l'Étang (Meuse).JPG|thumb|Dréchemauer zu [[Amel-sur-l'Étang]]]]
[[File:Réserve naturelle Wéngertsbierg – Mur à pierres sèches 01.jpg|thumb|…an eng am [[Naturschutzgebitt Wéngertsbierg]]]]
Eng '''Dréchemauer''' ass eng Mauer déi aus [[Steen|Steng]] oder [[Zill (Bau)|Zillen]] ouni [[Speis]], nëmmen duerch geschéckt openeen Tässele vum Steematerial, gebaut gëtt. Dréchemauere sinn Zeie vun enger traditioneller, zanter Joerhonnerte praktizéierter Bautechnik, déi hautdesdaags nach am Landschaftsbau gebraucht gëtt.

Zanter dem 28. November 2018 gehéiert d'Konscht vum Dréchemauerbauen zum nationalen Inventar vum [[Immateriellt Kulturierwen|immaterielle Kulturierwen]] zu Lëtzebuerg.

==Dréchemaueren am Wäibau==
Dréchemauere si fréier dacks a Wäibaugebidder fir d'Stabiliséierung vun den Terrassen an de Bänkewéngerte gebaut ginn an hunn d'Drauwe beim zeideg ginn, duerch d'Hëtzt déi se daagsiwwer gespäichert hunn an nuets un d'[[Wäirief|Riewen]] ofginn hunn, ënnerstëtzt. Duerch hir Fouen a Lächer ass eng Dréchemauer waasserduerchlässeg, schützt allerdéngs virun [[Erosioun]]. D'Schafe vun enger manner géier [[Pente]] duerch Terrassementer, huet fréier d'Handaarbecht am [[Wéngert]] vereinfacht. Allerdéngs hënneren Dréchemaueren hautdesdaags dacks bei der haiteger Mechaniséierung, wouduerch e groussen Deel vun hinnen duerch [[Remembrement]], wéi ufanks der 1970er Joren op der [[Musel]], verschwonnen ass.

==Liewensraum Dréchemauer== 
Dréchemauere bidden eng wäertvoll [[Ekologie|ekologesch]] Nisch fir Planzen- an Déierenaarten, déi d'Hëtzt appreciéieren. An dësem vu Mënschenhand geschaafte [[Biotop|Liewensraum]] mat sengen typesche Charakteristike vun intensiver Sonnenastrahlung, wéinege Waasserreserven a groussen Temperaturënnerscheeder tëscht Dag an Nuecht, fannen zum Beispill [[Asselen]], [[Schlaangen]], [[Spannendéieren|Spannen]], den [[décke Schleek]] (''Helix pomatia''), [[Feieromes]] (''Podarcis muralis'') awer och [[Vullen]] an de ville Splécken a Lächer e Refuge. Nieft hinne ginn dacks dës Naturmauere vun echten Iwwerliewenskënschtler, wéi z.&nbsp;B. vum [[Moukekraut]] (''Sedum album'') an dem [[Mëlzfar]] (''Ceterach officinarum'') bewuess. E wichtegt Zil vum [[Naturschutz]] ass et dëse menacéierte klenge Liewensraum z'erhalen, deen dacks duerch Moossname vum [[Remembrement]] verluer geet.

==Bekannt Plazen==
[[File:Cabanes du Breuil 1.jpg|thumb|Cabanes du Breuil um Flouer Calpalmas]]
Eng vun de bekanntste Plaze vu Gebaier mat Dréchemaueren ass eng kleng [[Frankräich|franséisch]] Uertschaft um Flouer ''Calpalmas'' an der Gemeng [[Saint-André-d'Allas]] an der [[Departement Dordogne|Dordogne]].

== Ausstellung iwwer Dréchemaueren ==
Den 29. September 2023 ass beim [[Biodiversum]] zu [[Rëmerschen]] eng Ausstellung (« ''Showroom pierre sèche »'') opgaangen, wou d'nohalteg Technik vum Dréchemauerbau erkläert gëtt a wou och berufflech Ausbildungen an deem Beräich kënne gemaach ginn<ref>{{Citation|url=http://gouvernement.lu/fr/actualites/toutes_actualites/communiques/2023/09-septembre/29-welfring-pierre-seche.html|titel=Inauguration du "Showroom pierre sèche"|bezochtdatum=2023-10-03|datum=2023-09-29|werk=gouvernement.lu|Sprooch=fr}}</ref>.

== Um Spaweck ==
{{Commonscat|Dry stone walls|{{PAGENAME}}en}}
* D'[https://iki.lu/post/show/7 Konscht vum Dréchemauerbauen] op iki.lu, der Websäit vum immaterielle Kulturierwen zu Lëtzebuerg (gekuckt de 17. Abrëll 2022)
** mat engem Video iwwer [https://iki.lu/page/index/3#collapse1 D'Konscht vum Dréchemauerbauen] 
* {{de}}[https://www.naturemwelt.lu/de/project/interreg-v-a-trockenmauern-in-der-grossregion/ INTERREG V A: Trockenmauern in der Großregion]
{{Referenzen an Notten}}
[[Kategorie:Naturschutz]]
[[Kategorie:Wäibau]]
[[Kategorie:Maueren]]

[[en:Dry-stone wall]]
[[it:Muro a secco]]
[[Kategorie:Immateriellt Kulturierwen]]