Eschbach (Usingen)

Eschbach
Land	Däitschland
Bundesland	Hessen
Regierungsbezierk	Darmstadt
Krees	Hochtaunuskreis
Gemeng	Usingen
Fläch	18,85 km²
Héicht	314 m
Koordinaten	50° 21’ 25’’ N       08° 32’ 13’’ O
Telefonszon	06081
Postcode	61250

Eschbach ass eng Uertschaft an der Gemeng Usingen am däitsche Bundesland Hessen. Si war fréier eng eegestänneg Gemeng am Hochtaunuskreis. Als Resultat vun enger Territorialreform an Hessen ass si zënter dem 1. August 1972 Deel vun Usingen.

1280 gouf d'Duerf fir d'éischt Kéier ernimmt. Deemools war et Deel vun der Grofschaft Cleeberg a gouf och nach Aschebach oder Kettern-Eschbach genannt. Bis zur Reformatioun huet Eschbach kierchlech a rechtlech zu Grävenwiesbach gehéiert. No der Reformatioun krut Eschbach seng eege Por.

Eschbach läit laanscht d'Bach mam selwechten Numm, um nërdleche Bord vum Usinger Becken an domat um nordëstleche Bord vum Taunus. D'Uertschaft ass vu Mëschbëscher, Felder a Wisen ëmginn. 2 km südlech läit Usingen an 32 km südlech läit Frankfurt am Main.

Biller

• 
  Den Zentrum
• 
  D'Al Schoul
• 
  D'"Eschbacher Klippen"

Um Spaweck

Commons: Eschbach (Usingen) – Biller, Videoen oder Audiodateien