Quelltext vun der Säit Félix Braz weisen

{{Infobox Biographie}}
De '''Félix Braz''', gebuer de [[16. Mäerz]] [[1966]] zu [[Déifferdeng]], ass e [[Lëtzebuerg (Land)|lëtzebuergesche]] Politiker ([[déi gréng]]) a fréiere Radiosjournalist. Hie war vum 5. Dezember 2018 bis den 11. Oktober 2019<ref name=remaniement>[https://gouvernement.lu/fr/actualites/toutes_actualites/communiques/2019/10-octobre/11-remaniement-gouvernement-kox.html "Remaniement gouvernemental."] Communiqué op gouvernement.lu, 2019-10-11.</ref> Vizepremierminister a [[Justizministere vu Lëtzebuerg|Justizminister]] an der [[Regierung Bettel-Schneider-Braz]] a virdrun, vun 2013 bis 2018, Justizminister an der [[Regierung Bettel-Schneider]].

De Félix Braz ass bestuet a Papp vun zwee Kanner, dorënner d'LSAP-Députéiert [[Liz Braz]].

==Karriär==
Dem Félix Braz seng Eltere sinn Ufanks vun den 1960er Joren aus [[Portugal]] op Lëtzebuerg immigréiert. Nodeem de Félix Braz zu [[Paräis]] ugefaangen hat, [[Droit]] ze studéieren, an dee Studium nom Packe vum éischte Joer ofgebrach hat, huet hien 1990 an 1991 déi éischt deeglech Radiossendung op [[Portugisesch]] bei [[RTL Radio Lëtzebuerg]] geschwat. Dono war hie bis 2001 Fraktiounssekretär vun ''déi gréng''.

1995 gouf de Félix Braz an de [[Gemengerot]] zu [[Esch-Uelzecht]] gewielt. Hie war do vum 30. Abrëll 2000, bis zu de Gemengewalen 2011, bei deenen hien net méi kandidéiert huet, [[Schäffen]].

2004 gouf hien eng éischt Kéier als Deputéierte fir de [[Walbezierker zu Lëtzebuerg|Südbezierk]] an d'[[Chamber]] gewielt, wuer en 2009, 2013 an 2018 erëmgewielt gouf. 
Hien huet de 4. Dezember 2013 op säi Chambermandat verzicht, fir Justizminister an der [[Regierung Bettel-Schneider]] ze ginn.

Aus gesondheetleche Grënn konnt de Félix Braz seng ministeriell Aufgaben zanter dem 22. August 2019 net méi erfëllen a gouf am September 2019 temporär duerch d'[[Sam Tanson]], déi de Justizministère iwwerhëlt, respektiv de [[François Bausch]], dee Co-Vizepremier gouf, ersat<ref>[https://www.rtl.lu/news/national/a/1408634.html "S.Tanson gëtt Logement of, Numm vun neiem Regierungsmember nach net bekannt."] rtl.lu, 25.09.2019 11:31</ref>{{,}}<ref>[https://www.rtl.lu/news/national/a/1399480.html Félix Braz net méi a Liewensgefor, Sam Tanson iwwerhëlt temporär Justizministère] op rtl.lu de 6. September 2019</ref>{{,}}<ref>[http://legilux.public.lu/eli/etat/leg/agd/2019/09/06/a592/jo Arrêté grand-ducal du 6 septembre 2019 portant attribution à titre temporaire du Ministère de la Justice] op legilux.lu</ref>. Wéinst sengem Gesondheetszoustand gouf hien den 11. Oktober 2019 vu senge Regierungsämter entbonnen<ref name=remaniement/>.

Am Mee 2021 huet hien Asproch virum Verwaltungsgeriicht géint seng ''démission honorable'' ageluecht, déi hien net aus eegener Entscheedung geholl gehat hätt, mä déi him operluecht gi wier<ref>{{Citation|url=https://www.wort.lu/de/politik/felix-braz-klagt-gegen-seine-entlassung-als-minister-609b95b7de135b92368a40aa|titel=Felix Braz klagt gegen seine Entlassung als Minister|bezochtdatum=13. Oktober 2021|uitgever=wort.lu}}</ref>.

Den 10. Februar 2023 hunn d'Verwaltungsriichter den Asproch ofgeleent, well d'Rechtméissegkeet vun enger Entloossung vun engem Minister net an de Kompetenzberäich vun engem Geriicht fale géif. De Felix Braz wëll géint dëst Urteel an Appel goen.<ref>{{Citation|url=https://www.reporter.lu/luxemburg-klage-gegen-entlassung-felix-braz-verliert-vor-gericht/|titel=Klage gegen Entlassung, Felix Braz verliert vor Gericht|bezochtdatum=16.2.2023|auteur=Pol Reuter|datum=16.2.2023|uitgever=Reporter.lu [€]|Sprooch=de}}</ref>

== Auszeechnungen ==
* ''Medalha de Comendador da Ordem do Mérito'' vu Portugal (2006).
* Officier vum [[Ordre de la couronne de chêne]] (Promotioun 2014)<ref>{{Lien web |titre=Compte-rendu des séances publiques n°7 - Séance extraordinaire 2013-2014 |url=https://www.chd.lu/wps/wcm/connect/public/3c7e8f88-0b2a-4f58-b8ab-aee0b04de033/Chamber_0714_internet.pdf?MOD=AJPERES&CONVERT_TO=url&ContentCache=NONE&CACHE=NONE&CACHEID=ROOTWORKSPACE.Z18_KHCC1240NODGE0AJHT6HU41083-3c7e8f88-0b2a-4f58-b8ab-aee0b04de033-ksA9kUR |site=https://www.chd.lu/ |consultéier den=2020-10-03}}</ref>.

== Literatur ==
* (LME), '' "Ein würdiger Vertreter Portugals" - Nationaler Verdienstorden für Felix Braz'' ; in: ''Luxemburger Wort'', 17. Juni 2006.

== Um Spaweck ==
{{Commonscat|Félix Braz|{{PAGENAME}}}}
* [https://web.archive.org/web/20120515165627/http://www.greng.lu/qui-sommes-nous/membre/braz-felix De Félix Braz op der Websäit vun ''déi gréng'']
* [https://www.wort.lu/de/politik/ich-war-drei-minuten-lang-tot-6165b5c1de135b9236d88a7c „Ich war drei Minuten lang tot“], op wort.lu, 13. Oktober 2021
* [https://www.wort.lu/de/politik/felix-braz-und-sein-weg-zurueck-ins-leben-6166a9f8de135b9236eaa37d Video-Reportage, Félix Braz und sein Weg zurück ins Leben] {{Fr}}, op wort.lu, 13. Oktober 2021
* Video-Reportage, [https://play.rtl.lu/shows/lb/menschen-a-geschichten/episodes/r/3294133 De Félix Braz iwwert säi Kampf zeréck an d'Liewen], op rtl.play, 19. Juni 2022

{{Autoritéitskontroll}}

{{Referenzen an Notten}}

{{DEFAULTSORT:Braz Felix}}
[[Kategorie:Lëtzebuergesch Deputéiert]]
[[Kategorie:Justizministere vu Lëtzebuerg]]
[[Kategorie:Gebuer 1966]]
[[Kategorie:Officier de l'ordre de la couronne de chêne]]