Félix Braz

Vu Wikipedia
Op d'Navigatioun wiesselen Op d'Siche wiesselen
Félix Braz
Félix-Braz--w.jpg
Gebuer 16. Mäerz 1966
Gemeng Déifferdeng
Nationalitéit Lëtzebuerg
Aktivitéit Politiker
Partei déi gréng
Wikidata-logo-without-paddings.svg

De Félix Braz, gebuer de 16. Mäerz 1966 zu Déifferdeng, ass e lëtzebuergeschen Politiker (déi gréng) a fréiere Radiosjournalist. Hien ass zanter dem 5. Dezember 2018 Vizepremierminister a Justizminister an der Regierung Bettel-Schneider-Braz.

Carrière[änneren | Quelltext änneren]

Dem Félix Braz seng Eltere sinn Ufanks vun den 1960er Joren aus Portugal op Lëtzebuerg immigréiert. Nodeem de Félix Braz zu Paräis ugefaangen hat, Droit ze studéieren, an dee Studium nom Packe vum éischte Joer ofgebrach hat, huet hien 1990 an 1991 déi éischt deeglech Radiosendung op Portugisesch bei RTL Radio Lëtzebuerg geschwat. Dono war hie bis 2001 Fraktiounssekretär vun deene Gréngen.

1995 gouf de Félix Braz an de Gemengerot zu Esch-Uelzecht gewielt. Hie war do vum 30. Abrëll 2000, bis zu de Gemengewalen 2011, bei deenen hien net méi kandidéiert huet, Schäffen.

2004 gouf hien eng éischt Kéier als Deputéierte fir de Südbezierk an d'Chamber gewielt, wuer en 2009, 2013 an 2018 erëmgewielt gouf. Hien huet de 4. Dezember 2013 op säi Chambersmandat verzicht, fir eJustizminister an der Regierung Bettel-Schneider ze ginn.

De Félix Braz ass bestuet a Papp vun zwee Kanner.

Auszeechnungen[änneren | Quelltext änneren]

  • Medalha de Comendador da Ordem do Mérito vu Portugal (2006).

Literatur[änneren | Quelltext änneren]

  • (LME), "Ein würdiger Vertreter Portugals" - Nationaler Verdienstorden für Felix Braz ; in: Luxemburger Wort, 17. Juni 2006.

Um Spaweck[änneren | Quelltext änneren]

Commons: Félix Braz – Biller, Videoen oder Audiodateien