Félix Braz

Vu Wikipedia
Op d'Navigatioun wiesselen Op d'Siche wiesselen
Félix Braz
Félix-Braz--w.jpg
Gebuer 16. Mäerz 1966
Déifferdeng
Nationalitéit Lëtzebuerg
Aktivitéit Politiker
Partei déi gréng
Wikidata-logo-without-paddings.svg

De Félix Braz, gebuer de 16. Mäerz 1966 zu Déifferdeng, ass e lëtzebuergeschen Politiker (déi gréng) a fréiere Radiosjournalist. Hie war vum 5. Dezember 2018 bis den 11. Oktober 2019[1] Vizepremierminister a Justizminister an der Regierung Bettel-Schneider-Braz a virdrun, vun 2013 bis 2018, Justizminister an der Regierung Bettel-Schneider.

Carrière[änneren | Quelltext änneren]

Dem Félix Braz seng Eltere sinn Ufanks vun den 1960er Joren aus Portugal op Lëtzebuerg immigréiert. Nodeem de Félix Braz zu Paräis ugefaangen hat, Droit ze studéieren, an dee Studium nom Packe vum éischte Joer ofgebrach hat, huet hien 1990 an 1991 déi éischt deeglech Radiossendung op Portugisesch bei RTL Radio Lëtzebuerg geschwat. Dono war hie bis 2001 Fraktiounssekretär vun déi gréng.

1995 gouf de Félix Braz an de Gemengerot zu Esch-Uelzecht gewielt. Hie war do vum 30. Abrëll 2000, bis zu de Gemengewalen 2011, bei deenen hien net méi kandidéiert huet, Schäffen.

2004 gouf hien eng éischt Kéier als Deputéierte fir de Südbezierk an d'Chamber gewielt, wuer en 2009, 2013 an 2018 erëmgewielt gouf. Hien huet de 4. Dezember 2013 op säi Chambermandat verzicht, fir Justizminister an der Regierung Bettel-Schneider ze ginn.

Aus gesondheetlech Grënn konnt de Félix Braz seng ministeriell Aufgaben zanter dem 22. August 2019 net méi erfëllen a gouf am September 2019 temporär duerch d'Sam Tanson, déi de Justizministère iwwerhëlt, respektiv de François Bausch, dee Co-Vizepremier gouf, ersat[2][3][4]. Wéinst sengem Gesondheetszoustand gouf hien den 11. Oktober 2019 vu senge Regierungsämter entbonnen.[1]

De Félix Braz ass bestuet a Papp vun zwee Kanner.

Auszeechnungen[änneren | Quelltext änneren]

  • Medalha de Comendador da Ordem do Mérito vu Portugal (2006).

Literatur[änneren | Quelltext änneren]

  • (LME), "Ein würdiger Vertreter Portugals" - Nationaler Verdienstorden für Felix Braz ; in: Luxemburger Wort, 17. Juni 2006.

Um Spaweck[änneren | Quelltext änneren]

Commons: Félix Braz – Biller, Videoen oder Audiodateien

Referenzen an Notten[Quelltext änneren]

  1. 1,0 1,1 "Remaniement gouvernemental." Communiqué op gouvernement.lu, 2019-10-11.
  2. "S.Tanson gëtt Logement of, Numm vun neiem Regierungsmember nach net bekannt." rtl.lu, 25.09.2019 11:31
  3. Félix Braz net méi a Liewensgefor, Sam Tanson iwwerhëlt temporär Justizministère op rtl.lu de 6. September 2019
  4. Arrêté grand-ducal du 6 septembre 2019 portant attribution à titre temporaire du Ministère de la Justice op legilux.lu