Félix Braz

Vu Wikipedia
Wiesselen op: Navigatioun, sichen
De Félix Braz (2007)

De Félix Braz, gebuer de 16. Mäerz 1966 zu Déifferdeng, ass e lëtzebuergeschen Politiker (déi gréng) a fréiere Radiosjournalist. Hien ass zanter dem 4. Dezember 2013 Justizminister an der Regierung Bettel-Schneider.

Seng Eltere sinn Ufanks vun den 1960er Joren aus Portugal op Lëtzebuerg immigréiert. Nodeem de Félix Braz zu Paräis ugefaangen hat, Droit ze studéieren, an dee Studium nom Packe vum éischte Joer ofgebrach hat, huet hien 1990 an 1991 déi éischt deeglech Radiosendung op Portugisesch bei RTL Radio Lëtzebuerg geschwat.

De Félix Braz war 10 Joer laang, bis 2001, Fraktiounssekretär vun deene Gréngen.

Hie gouf 2004 eng éischt Kéier als Deputéierte fir de Südbezierk an d'Chamber gewielt, wuer en 2009 an 2013 erëmgewielt gouf. Hien huet 2013 op säi Chambersmandat verzicht, fir Justizminister ze ginn.

1995 gouf de Félix Braz Gemengerot zu Esch-Uelzecht. Hie war do vum 30. Abrëll 2000, bis zu de Gemengewalen 2011, bei deenen hien net méi kandidéiert huet, Schäffen.

De Félix Braz ass bestuet a Papp vun zwee Kanner.

Auszeechnungen[änneren | Quelltext änneren]

  • Medalha de Comendador da Ordem do Mérito vu Portugal (2006).

Literatur[änneren | Quelltext änneren]

  • (LME), "Ein würdiger Vertreter Portugals" - Nationaler Verdienstorden für Felix Braz ; in: Luxemburger Wort, 17. Juni 2006.

Um Spaweck[änneren | Quelltext änneren]

Commons: Félix Braz – Biller, Videoen oder Audiodateien