Sam Tanson

Vu Wikipedia
Op d'Navigatioun wiesselen Op d'Siche wiesselen
Sam Tanson
Sam Tanson (2015).jpg
op enger Pressekonferenz (2015)
Gebuer 4. Abrëll 1977
Lëtzebuerg
Nationalitéit Lëtzebuerg
Educatioun Universitéit Panthéon-Sorbonne,
Institut d'études politiques de Paris
Aktivitéit Politiker, Affekot, Journalist
Partei déi gréng
Wikidata-logo-without-paddings.svg

D'Sam(antha) Tanson, gebuer de 4. Abrëll 1977[1], ass eng lëtzebuergesch Affekotin a Politikerin. Si ass Ministesch fir Justiz a Kultur an der Regierung Bettel-Kersch-Bausch.

Carrière[änneren | Quelltext änneren]

D'Sam Tanson huet zu Paräis op der Sorbonne eng Maîtrise an Droit gemaach an um Institut d'études politiques en Diplom[1].

Si war Mataarbechterin am Lëtzebuerger Land a vun 2002 bis 2005 Journalistin bei Radio Lëtzebuerg. 2005 huet si sech um Barreau als Affekotin ageschriwwen[1].

D'Sam Tanson war virun 2009 ee vun den zwee Porte-parolë vun déi jonk gréng; vun November 2009 bis 2010 war si Porte-parole vun Déi Gréng (zesumme mam Christian Goebel) a gouf du Presidentin vun där Partei. Ausserdeem ass si Vizepresidentin vun der Grénger Stëftung (mam Claude Turmes).

Lokalpolitik[änneren | Quelltext änneren]

Si war vun 2011 bis 2018 am Gemengerot vun der Stad Lëtzebuerg, dovun vun 2013 bis 2017 als Éischt Schäffin, responsabel fir Finanzen a Mobilitéit[2].

Landespolitik[änneren | Quelltext änneren]

De 7. Juni 2015 gouf si zum Member vum Staatsrot ernannt wou si d'Agnès Rausch ersat huet[3]. De 14. Abrëll 2018 ass si nees vun där Funktioun zréckgetrueden, fir hire Parteikolleeg Claude Adam an der Chamber z'ersetzen, deen do opgehalen huet[4].

Bei de Chamberwale vum 14. Oktober 2018 gouf si an d'Chamber erëmgewielt[5]. Si huet awer op hiert Mandat verzicht, fir de 5. Dezember 2018 Ministesch fir Logement a Kultur an der Regierung Bettel-Schneider-Braz ze ginn.

Am September 2019 huet si zousätzlech, temporär de Ressort vum Justizministère vum Félix Braz iwwerholl, deen aus gesondheetlech Grënn seng ministeriell Aufgaben net méi erfëlle konnt[6][7]. Si huet déi Funktioun den 11. Oktober 2019 definitiv iwwerholl an de Ressort vum Wunnengsbau un den Henri Kox ofginn[8].

Um Spaweck[änneren | Quelltext änneren]

Commons: Sam Tanson – Biller, Videoen oder Audiodateien

Referenzen[Quelltext änneren]

  1. 1,0 1,1 1,2 CV op vdl.lu, de Site vun der Stater Gemeng (gekuckt 2014-01-24).
  2. "Neue Finanzschöffin Tanson: "Wir haben viel vor." wort.lu, Verëffentlecht de 15.01.2014 07:30.
  3. "D'Lëscht vun de Membere vum Staatsrot" op conseil-etat.public.lu
  4. "Sam Tanson ersetzt Claude Adam." rtl.lu, 20.03.2018, 20:09:57.
  5. elections.lu
  6. Félix Braz net méi a Liewensgefor, Sam Tanson iwwerhëlt temporär Justizministère op rtl.lu de 6. September 2019
  7. (fr)Privisoresch Attributioun (Arrêté grand-ducal du 6 septembre 2019 portant attribution à titre temporaire du Ministère de la Justice). legilux.public.lu (06.09.2019). Gekuckt de(n) 24.07.2020.
  8. (fr)Arrêté grand-ducal du 11 octobre 2019 portant attribution des compétences ministérielles aux membres du Gouvernement. legilux.public.lu (11.10.2019). Gekuckt de(n) 24.07.2020.