Henri Kox

Vu Wikipedia
Wiesselen op: Navigatioun, sichen
Henri Kox
HANDSHAKE - BRATISLAVA INFORMAL PARLIAMENTARY SUMMIT 2016-10-07 (30082374961) cropped Kox.jpg
am Joer 2016
Gebuer 7. Mee 1961
Lëtzebuerg
Nationalitéit Lëtzebuerg
Aktivitéit Politiker, Lycéesprofesser
Partei Déi gréng
Wikidata-logo-without-paddings.svg

Den Henri Kox, gebuer de 7. Mee 1961 an der Stad Lëtzebuerg, ass e lëtzebuergesche Politiker vun déi gréng.

Hien ass Ingenieur a mam Wäibau op der Musel staark verbonnen. Hien huet säi Studium op der RWTH Aachen gemaach a war duerno bis Juli 2004 Professer am Lycée technique des arts et métiers. Hien ass och President vun Eurosolar Lëtzebuerg.[1]

Themen[änneren | Quelltext änneren]

Hie war vu Kand u vu senger Mamm, der Elisabeth Kox-Risch, hirem Kampf géint déi an den 1970er Jore geplangt Atomzentral zu Remerschen beaflosst, an en huet sech scho fréi fir d'Entwécklung vun erneierbaren Energien agesat. Hie mécht dat op internationalem (President vun Eurosolar Lëtzebuerg), nationalem (an der Chamber) a lokalem (an der Gemeng Réimech) Plang.[2]

Gemengepolitik[änneren | Quelltext änneren]

Den Henri Kox war vun 1999 bis 2017[3] Member vum Gemengerot vu Réimech. No de Gemengewalen 2005 war hie bis 2009 Schäffen a gouf dunn 2009 Buergermeeschter.[4] Bei de Gemengrotswalen 2017 huet seng Partei 2 Sëtz verluer, an den Henri Kox gouf just Véiertgewielten. De Jacques Sitz gouf neie Buergermeeschter.[5]

Landespolitik[änneren | Quelltext änneren]

Zanter de Chamberwale vum 13. Juni 2004 ass den Henri Kox Deputéierten an der Chamber (hie gouf 2009 an 2013 erëmgewielt).

Zanter 2013 ass hie Vizepresident vun der Chamber a President vun der Commission de l'Environnement an zanter 2015 Vizepresident vun der Commission de l'Agriculture, de la Viticulture, du Développement rural et de la Protection des consommateurs.[6]

Um Spaweck[änneren | Quelltext änneren]

Commons: Henri Kox – Biller, Videoen oder Audiodateien

Referenzen[Quelltext änneren]

  1. Virstand vun Eurosolar Lëtzebuerg
  2. Henri Kox op greng.lu
  3. "Henri Kox renonce à son mandat de conseiller communal." wort.lu, 14 novembre 2017 à 11:58.
  4. Henri Kox op paperjam.lu
  5. "DP an CSV eens zu Réimech, Jacques Sitz Buergermeeschter." rtl.lu, 10.10.2017, 17:39:57.
  6. Henri Kox op chd.lu