RTL Radio Lëtzebuerg

Vu Wikipedia
(Virugeleet vu(n) Radio Lëtzebuerg)
Wiesselen op: Navigatioun, sichen
RTL Radio Lëtzebuerg
Logo RTL Luxembourg.png
Typ: S.A.
Grënnung: 19. Oktober 1959
Sëtz: CLT-UFA S.A. RTL Group
43, boulevard Pierre Frieden,
L-1543 Lëtzebuerg
Flag of Luxembourg.svg Lëtzebuerg
Branche: Medien
Um Spaweck: http://www.radio.rtl.lu


RTL Radio Lëtzebuerg ass e Radiossender zu Lëtzebuerg. Et ass deen eelsten a war bis 1992 deen eenzege Sender op Lëtzebuergesch. En ass iwwer UKW 88,9 MHz an 92,5 MHz z'empfänken a gëtt och iwwer Kabel, Internet an, zanter dem September 2009, iwwer Astra 1G (23,5° Ost), verbreet. Bedriwwe gëtt e vun der RTL Group.

Radio Lëtzebuerg, wéi en deemools housch, goung den 19. Oktober 1959, mëttes um 12 Auer, eng éischt Kéier op UKW am Kanal 18 op Sendung. Ufanks waren d'Programmer just vun 12.00 bis 14.00 a vun 18.30 bis 22.00 Auer. Sonndes gouf vu Moies 10 bis Owes 10 gesennt. Wa keng Emissioune waren, ass deen däitschen oder englesche Radiosprogramm vun RTL op där Frequenz ausgestraalt ginn. No an no goufen d'Zäite, wou Radio Lëtzebuerg ze héiere war, ausgebaut; fir d'éischt koum e Moiesprogramm (vu 7.00 bi 9.00) dobäi, dëse gouf méi spéit bis mëttes riicht duerch verlängert, an an den 1980er Jore sinn och nomëttes Emissioune gemaach ginn. Zanter 1986 gëtt de Programm a Stereotoun ausgestraalt, zanter 1996 24/24 Stonnen.

An den 1980-1990er Joren huet de Radio och RTL 92.5 geheescht.

RTL Radio Lëtzebuerg ass deen am meescht gelauschterten am Land. Der TNS-ILRES Plurimedia Etude 2017.II no lauschteren all Dag 189 500 Leit iwwer 12 Joer RTL Radio Lëtzebuerg. Dat entsprécht 36.9 % vun der Gesamtbevëlkerung .[1]

De Christophe Goossens ass zënter Januar 2017 Generaldirekter[2], an der Nofolleg vum Alain Berwick[3]. De Roy Grotz ass zënter Januar 2017 u Chefredakter, als Nofolger vum Guy Kaiser, deen an d'Pensioun goung.[4]

Organisatioun[änneren | Quelltext änneren]

Direktioun[änneren | Quelltext änneren]

Generaldirektor :

  • Christophe Goossens[5]

Content Director & Deputy CEO  :

  • Steve Schmit

Prgrammchef :

  • David Gloesener

Chefredakter :

  • Roy Grotz

Emissiounen[änneren | Quelltext änneren]

Méindes bis freides :

  • 05:00-10:00 Auer : RTL Wecker, Trafic-Informatiounen, Noriichten, aktuell Themen a villes méi mam Michelle Reiter & Dan Spogen/Marie Gales & Bob Konsbruck.
  • 10:00-14:00 Auer : RTL Mëttesstonn, aktuell Themen, Diskussiounen a Musek vum spéide Moien u bis an de fréie Mëtte mam Coryse Ludowicy/Yann Logelin.
  • 10:00-12:00 Auer : De labbere Virmëtteg, d’Nolauschterer ginn vum agespillten Duo Patrick Greis & Gérard Valerius bis an d’Mëttespaus begleet (Mëttwochs).
  • 10:00-12:00 Auer : Viva La Vida, de Vakanze- a Fräizäitmagazin mat Spill, Spaass a Quiz moderéiert vum Camille Ney (Freides).
  • 13:00-14:00 Auer : Radio Sport Club, Sport-Invité vun der Woch mam Franky Hippert a mam Christiane Kremer/Yann Logelin (Freides).
  • 14:00-17:00 Auer : RTL Nomëttesprogramm, de Mëttesprogramm mat de wichtegsten Informatiounen vum Dag mam Michèle Schons/Laurent Gillander.
  • 14:00-17:00 Auer : De labbere Freidegmëtten, all Freidegmëtte suergen den Dan Spogen & de Luc Biver mat Humor a Musek fir gutt Stëmmung op der Antenn (Freides).
  • 17:00-20:00 Auer : RTL Feierowend, Trafic-Informatiounen an alles, wat ee soss wësse muss, fir gutt an de Feierowend ze starten. Emissioun mam Tom Nols.

Samschdes :

  • 06:00-10:00 Auer : RTL Wecker, de Start an de Moien mat de wichtegsten Informatiounen.
  • 10:00-12:00 Auer : RTL Weekend, eng labber Talk-Ronn iwwer Kachen, Kino, Kultur, Sport, Lifestyle an Invitéen mam Christiane Kremer a senger Equipe.
  • 12:00-13:00 Auer : Background am Gespréich, Diskussiounsronn iwwer aktuell Themen.
  • 13:00-18:00 Auer : RTL Nomëttesprogramm, de Mëttesprogramm mat de wichtegsten Informatiounen vum Dag.
  • 18:00-22:30 Auer : Sport-Emissioun um Samschdeg, Live-Schaltung an déi eenzel Sportsevenementer vum Weekend mam Franky Hippert, Rich Simon, Jeff Kettenmeyer oder Jhang Mathes.

Sonndes :

  • 08:00-13:00 Auer : De Sonndes-Duell, 10 musikalesch Dueller aus alle Genren a Joerzéngten mam Gibbes Bertolo.
  • 13:00-15:00 Auer : RTL Nomëttesprogramm, de Mëttesprogramm mat de wichtegsten Informatiounen vum Dag.
  • 15:00-19:00 Auer : Sport-Emissioun um Sonndeg, Live-Schaltung an déi eenzel Sportsevenementer vum Weekend mam Franky Hippert, Rich Simon, Jeff Kettenmeyer oder Jhang Mathes.

Noriichten ginn all hallef Stonn gesent. Vun 20.00 Auer un ass Nonstop-Musek ugesot(ausser besonnesch Evenementer oder Sport Live-Schaltungen).

Moderatoren[änneren | Quelltext änneren]

  • Bob Konsbrück, RTL Wecker
  • Camille Ney,Viva La Vida
  • Christiane Kremer, RTL Weekend
  • Coryse Ludowicy, RTL Mëttesstonn
  • Dan Spogen, RTL Wecker, De labbere Freidegmëtten
  • Franky Hippert, Sport-Emissioun
  • Gilbert Bertolo, De Sonndes-Duell
  • Jeff Kettenmeyer, Sport-Emissioun
  • Laurent Gillander, RTL Nomëttesprogramm
  • Marie Gales, RTL Wecker
  • Michele Schons, RTL Nomëttesprogramm
  • Michelle Reiter, RTL Wecker
  • Patrick Greis, De labbere Virmëtteg
  • Rich Simon, Sport-Emissioun
  • Tom Nols, RTL Feierowend
  • Yann Logelin, RTL Mëttesstonn

Journalisten[änneren | Quelltext änneren]

  • Roy Grotz, Chefredakter
  • Annick Goerens
  • Carine Lemmer
  • Claude Zeimetz
  • Claudia Kollwelter
  • Corinne Folscheid
  • Dany Rasqué
  • Eric Ewwald
  • Jean-Marc Sturm
  • Joel Detaille
  • Nadine Gautier
  • Nico Graf
  • Pit Everling

Um Spaweck[änneren | Quelltext änneren]

Referenzen[Quelltext änneren]

  1. Etude TNS ILRES PLURIMEDIA LUXEMBOURG 2017.II
  2. "Alain Rousseau tritt als Chefredakteur zurück." 25. Januar 2017 um 21:27.
  3. "Alain Berwick (RTL) tire sa révérence." paperjam.lu, 2. Dezember 2016.
  4. "RTL Radio: Roy Grotz succède à Guy Kaiser." paperjam.lu, 09.01.2016.
  5. Christophe Goossens appointed CEO of RTL Luxembourg. 13.01.2017, Luxembourg, RTL Luxembourg