Quelltext vun der Säit Flucht op Varennes weisen

D''''Flucht op Varennes''' war e Fluchtversuch vum franséische Kinnek [[Louis XVI. vu Frankräich|Louis XVI.]] a senger Famill an der Nuecht vum [[20. Juni|20.]] op den [[21. Juni]] [[1791]].

Ursprénglech war d'Flucht bis op [[Metz]] geplangt, mä gouf awer an der klenger Uertschaft [[Varennes-en-Argonne|Varennes]] opgehalen, well de Jong vun engem Bréifdréier de [[Louis XVI. vu Frankräich|Louis XVI.]] erkannt hat. D'kinneklech Famill gouf doropshi vun der ''[[Garde nationale]]'' nees op [[Paräis]] zeréckbruecht, an de Kinnek gouf kuerzfristeg vu senge Charge suspendéiert. Well zu dësem Zäitpunkt keen eng Alternativ zu der geplangter Aféierung vun enger [[konstitutionell Monarchie|konstitutioneller Monarchie]] an der [[Constitutioun vu 1791]] gesinn huet, hu sech d'Deputéiert vun der ''[[Assemblée constituante (1789)|Assemblée nationale]]'' drop gëeenegt, datt de Kinnek "entfouert" gi war, an hunn him säin Amt gelooss.
[[Fichier:Prieur - Arrestation de Louis Capet (Detail).png|thumb|Pierre Gabriel Berthault, ''Arrestation de Louis Capet'', no enger Zeechnung vum [[Jean-Louis Prieur]], Paräis 1804 (Ausschnëtt).]]
Duerch de Fluchtversuch war allerdéngs d'Vertraue vun den Deputéierten an de Kinnek déif gestéiert ginn an d'Evenement huet den extreeme Gruppéierungen an der ''Assemblée nationale'' neie Wand ginn. D'Membere vum ''[[Club des Cordeliers]]'' hunn nach den Dag selwer vun der Flucht erkläert: "''Endlich si mir fräi an ouni Kinnek.''". Eng vun hinnen organiséiert Demonstratioun e Mount méi spéit ass mam sougenannte [[Massaker um Champ-de-Mars]] op en Enn gaangen.

== Geschicht ==
=== Virgeschicht an Ursaachen ===
[[Fichier:Musée Ingres-Bourdelle - Portrait de Louis XVI - Joseph-Siffred Duplessis - Joconde06070000102.jpg|thumb|De [[Louis XVI. vu Frankräich]].]]
Laang Zäit war de Louis XVI. géint eng Flucht, déi him besonnesch vu senger [[Marie-Antoinette vun Éisträich|Fra]] nogeluecht gi war. D'Kinnigin wollt d'Erniddregungen, déi si an hir Famill zanter der gezwongener Iwwersidlung an d<nowiki>'</nowiki>''[[Tuileries]]''<ref>[[5. Oktober|5.]]/[[6. Oktober]] [[1789]]</ref> ze spiere kruten, net méi erdroen, an huet gehofft aus der Sécherheet a Fräiheet vum Exil an den [[Éisträichesch Nidderlanden|Éisträicheschen Nidderlanden]] géint d'[[Franséisch Revolutioun|Revolutioun]] virzegoen. De Louis XVI. huet den [[Habsburg]]er allerdéngs net wierklech getraut. Hie war nach ëmmer iwwerzeegt, datt säi [[Louis vu Frankräich (1729-1765)|Papp]] duerch Intrige vum [[éisträich]]esche Keeserhaus gestuerwe war. Ausserdeem huet hie missen unhuelen, datt no senger Flucht en Usurpateur, méiglecherweis de populären [[Louis Philippe vun Orléans (1747-1793)|Herzog vun Orléans]] oder säi Brudder, de [[Louis XVIII. vu Frankräich|Grof vun der Provence]], géif versichen, d'Muecht u sech ze rappen. Säi Brudder war no der Hiriichtung vum [[Thomas de Mahy de Favras|Favras]] zwar selwer geflücht, mä dat huet dem Kinnek keng Sécherheet ginn. Den [[2. Abrëll]] war de [[Gabriel de Riqueti de Mirabeau|Mirabeau]], inoffizielle Beroder vum Kinnek, gestuerwen. Wann een de Rumeure vun der Geschicht gleewe kann, sou ware seng lescht Wieder déi hien op en Ziedel geschriwwen huet: ''“Fuyez! Fuyez! Fuyez!”''. De Louis XVI. huet seng Meenung eréischt geännert, wéi d'''[[Assemblée constituante (1789)|Assemblée nationale]]'' an d'[[Paräis|Paräisser Bevëlkerung]], aus Angscht de Kinnek kéint sech duerch d'Bascht maachen, den [[18. Abrëll]] den Ouschterausflug vun der kinneklecher Famill op [[Saint-Cloud]] verhënnert hunn. D'Kinnekskoppel huet elo tatsächlech hir Flucht geplangt, an zwar an dat royalistescht Gebitt ëm [[Montmédy]] no bei der Grenz, vu wou aus bei Gefor en éisträichescht Exil op [[Lëtzebuerg (Land)|Lëtzebuerg]] net wäit gewiescht wier.

=== De Plang vun der Flucht ===
Et gouf geplangt, datt sech d'kinneklech Famill bei enger Flucht net trenne géif, wéi et ouni Zweiwel méi sécher gewiescht wier, mä zesummen an enger Kutsch an eng Stad no bei der Grenz (wéi [[Montmédy]]) fuere géif, an nëmmen an engem groussen Noutfall iwwer d'Grenz an d'[[Éisträichesch Néierlänner]] géif eriwwergoen. D'Gouvernante vun de Kanner, déi spéider [[Louise-Elisabeth de Croÿ de Tourzel|Herzogin vun Tourzel]], déi an hire Memoiren och Eenzelheeten zu der Flucht erzielt huet, sollt ënner dem Numm vun der Barounin Korff d'Häerin vun der Reesgesellschaft spillen. D'Kinnigin [[Marie-Antoinette vun Éisträich|Marie-Antoinette]] sollt eng Kummerfra, de Kinnek de Kummerdinger spillen. D<nowiki>'</nowiki>''[[Élisabeth vu Frankräich (1764-1794)|Madame Élisabeth]]'', d'Schwëster vum Kinnek, huet sech als Kannerfra vum klengen ''Dauphin'' [[Louis XVII. vu Frankräich|Louis XVII.]] an der [[Marie Thérèse vu Frankräich (1778-1851)|Madame Royale]] ausginn. Ausserdeem sinn dräi Gardiste matgereest, déi och d'Postpäerd bestelle sollten, an de Favorit vun der Marie-Antoinette, de [[Hans Axel vu Fersen|Grof Fersen]], deen e groussen Deel vun der Flucht organiséiert hat, a selwer d'Kuscht guidéiert huet. Déi echt Barounin Korff war zur Sécherheet déi selwecht Streck mat de selwechte Begleeder gefuer. Keen hat si no hirem Pass gefrot. De [[François Claude de Bouillé|Marquis de Bouillé]] sollt d'Flüchtlingen hanner [[Châlons-en-Champagne|Châlons]] mat Zaldoten erwaarden, a sécher bis op [[Montmédy]] bréngen.

=== D'Flucht ===
Kleng Tëschefäll haten d'Flucht, déi ursprénglech vum [[12. Juni|12.]] op de [[15. Juni]] geréckelt gi war, bis zum [[20. Juni]] verhënnert. Fir datt keen eppes géif mierken, waren d'Kinnigin an hir Kanner owes nach am Gaart spadséieren, d'Marie-Antoinette hat Uweisunge fir e klengen Ausfluch den Dag drop ginn, an huet sech zeréckgezunn. Heino huet d'kinneklech Famill hir Kleeder gewiesselt, a sinn an eenzele klenge Gruppen duerch de Personalagank erausgaangen, wou eng Kutsch op si gewaart huet. Fir d'éischt koum d'[[Louise-Elisabeth de Croÿ de Tourzel|M<sup>me</sup> vun Tourzel]] mat de Kanner, duerno d<nowiki>'</nowiki>''[[Élisabeth vu Frankräich (1764-1794)|Madame Élisabeth]]'' mat engem Gardist. Kuerzfristeg waren de Generol [[Marie-Joseph Motier de La Fayette|La Fayette]] an de Buergermeeschter [[Jean-Sylvain Bailly|Bailly]] zu enger Owesdaudienz bei de Kinnek komm. Sou huet sech d'Flucht ëm zwou Stonne verzögert, bis de Louis XVI. endlech komm ass, a kuerz drop och d'Marie-Antoinette.

[[Fichier:Duplessi-Bertaux - Arrivee de Louis Seize a Paris.png|thumb|left|Jean Duplessi-Bertaux, ''Retour de Varennes. Arrivée de Louis Seize à Paris, le 25 juin 1791'']]
Mä och weiderhi goung net alles sou wéi et geplangt war. Baussent der [[Paräis|Stad]] war d'Famill a méi eng grouss Kutsch ëmgestigen, an d'Päerd sinn tëscht [[Nintré]] a [[Châlons-en-Champagne|Châlons]] zweemol gefall. Et huet iwwer eng Stonn gedauert, fir de Schued ze behiewen. D'Verspéidung vun de Flüchtlinge war fir d'Zaldote vum [[François Claude de Bouillé|Bouillé]] keng gutt Saach. D'Bevëlkerung hat d'Zaldote bemierkt, an de Bouillé huet si misse vun der Strooss zeréckzéien, fir datt net an Dierfer ronderëm den Alarm géif geschloe ginn.

An der Tëschenzäit, dat war de Flüchtlinge bewosst, war zu Paräis bekannt, datt si fort waren. D'M<sup>me</sup> de Tourzel erzielt, wéi de Kinnek schonn um fréie Moien op seng Auer gekuckt huet, a gesot huet: 
:"''De La Fayette fillt sech elo guer net wuel a senger Haut.'' [...] ''Et war net einfach, sech an d'Besuergnis vom Generol eranzeversetzen, an eppes anescht ze fille wéi Freed, net méi vun him ofhängeg ze sinn.''"<ref>Jean Chalon (Ersg.), ''Mémoires de Madame la Duchesse de Tourzel: Gouvernante des enfants de France de 1789 à 1795.''</ref>

Den Dag drop géint 8 Auer owes koum d'Kutsch ouni weider Problemer zu [[Sainte-Menehould]] un. Hei war de Kinnek net virsichteg genuch, wat schwéier Follge mat sech bruecht huet. Wärend enger Diskussioun vun engem vu senge Gardiste virum Posthaus huet hien aus der Fënster vun der Kutsch gekuckt. De Jong vum Postmeeschter [[Jean-Baptiste Drouet|Drouet]] huet de Louis XVI. duerch säi Profil op engem [[Louis (Suen)|Louis d'or]] erkannt, wouropshin dësen op Varennes geridden ass, fir Alarm ze schloen. Den Drouet koum zu der selwechter Zäit an der klenger Uertschaft un, wéi d'Kutsch, an huet dofir gesuergt, datt dës ugehale gouf. Den [[22. Juni]] hunn d'Flüchtlingen hir Réckrees op Paräis missen untrieden. Vill Leit sinn dem Won gefollegt, an hunn de Kinnek an d'Kinnigin beleidegt, a sinn och handgräiflech vis-à-vis vun de Gardiste ginn. Ënnerwee ass d'Gesellschaft den Häre [[Antoine Barnave|Barnave]] a [[Jerome Pétion de Villeneuve|Jerôme Pétion]], begéint, déi d'Flüchtlinge bis an d'Haaptstad begleet hunn, wou si den [[23. Juni]] nees ukomm sinn.

=== Konsequenzen ===
D<nowiki>'</nowiki>''[[Assemblée constituante (1789)|Assemblée nationale]]'' huet sech drop gëeenegt, datt de Kinnek net geflücht war, mä entfouert gouf. Dat gouf doduerch erliichtert, well de Bouillé, dee selwer aus [[Frankräich]] geflücht war, d'komplett Responsabilitéit iwwerholl huet. Dem Louis XVI. ass näischt anescht iwwreg bliwwen, wéi en Eed op d'Constitutioun vu 1791 ze schwieren. Zu Paräis goufen d'Stëmmen ëmmer méi haart, déi de Kinnek ofsetze wollten. D'Ënnerschreiwe vun enger Petitioun zu dësem Theema huet e Mount méi spéit zum [[Massaker um Champ-de-Mars]] gefouert.

== Verfilmung ==
Am Joer [[1982]] gouf d'Flucht vun der kinneklecher Famill am Kader vun enger franséisch-italieenescher Koproduktioun ënner dem Titel ''[[La Nuit de Varennes]]'' ënner der Regie vum [[Ettore Scola]] verfilmt.

== Literatur zum Theema ==
* Étienne-Auguste Ancelot, ''La vérité sur la fuite et l'arrestation de Louis XVI à Varennes'', C. Lacour, Nîmes, 2005. {{small|(ISBN 2-7504-1022-3)}}
* Jean-Eugène Bimbenet, ''Fuite de Louis XVI à Varennes'', Didier, Paräis, 1868.
* André Castelot, ''Varennes, le roi trahi...'', A. Bonne, Paräis, 1951.
* André Castelot, ''La Tragédie de Varennes...'', Fayard, Paräis, 1954.
* Yves Daubé, ''Varennes ou La grande évasion'', Hérault, Maulévrier, 1992. {{small|(ISBN 2-7407-0036-5)}}
* Alexandre Dumas, ''La Route de Varennes'', Calmann-Lévy, Paräis, 1889.
* André Foucault, ''La Fuite du roi (Varennes, 1791)'', Flammarion, Paräis, 1932.
* Charles Marie Gabriel, ''Louis XVI, le marquis de Bouillé et Varennes'', A. Ghio, Paräis, 1874.
* Mona Ozouf, ''21 juin 1791. Varennes. La mort de la royauté.'', Gallimard, Paräis, 2005.

== Um Spaweck ==
* {{fr}} [http://www.herodote.net/dossiers/evenement.php?jour=17910621 Flucht op Varennes bei ''Herodote.net'']
* {{fr}} [http://gallica.bnf.fr/ark:/12148/bpt6k71084 Gallica: ''Le club des Cordeliers pendant la crise de Varennes et le massacre du Champ de Mars.'']
* {{en}} [http://penelope.uchicago.edu/Thayer/E/Gazetteer/Places/Europe/France/_Texts/CROROY/Fuite_de_Varennes*.html ''Fuite de Varennes'' an engem Memoire vun der ''M<sup>me</sup> Royale'', iwwersat vum John Wilson Croker]

{{LinkPortalFrRev}}
{{Referenzen an Notten}}

[[Kategorie:Franséisch Revolutioun]]
[[Kategorie:1791]]