Gundersen-Method

D'Gundersen-Method ass ee Startmodus an der Nordescher Kombinatioun. Am Ufank gouf an der Nordescher Kombinatioun eréischt no dem Laanglaf mat engem komplizéierte Schëssel gerechent wie gewonnen huet. Den Norweger Gunder Gundersen huet e Startmodus entwéckelt bei deem d'Sportler mat deenen Zäitafstänn un den Depart ginn, déi aus de Resultater beim Sprange berechent ginn. Well bei deem System deen éischte Sportler deen iwwer d'Zillinn geet och de Gewënner ass, ass dat méi interessant fir d'Leit déi nokucken.