Joseph Muscat

Vu Wikipedia
Wiesselen op: Navigatioun, sichen

De Joseph Muscat, gebuer den 22. Januar 1974 zu Pietà, Malta, ass e maltesesche Politiker a President vun der sozialdemokratescher Malta Labour Party (MLP). Zanter dem 11. Mäerz 2013 ass hie Premierminister vu Malta.[1]

De Muscat huet bis 1996 Economie a Politikwëssenschaften op der Universitéit Malta studéiert an do duerno e Master am Europäeschen Droit gemaach. 2007 huet hien an der Léier vum Management op der Universitéit Bristol promouvéiert. Hien huet als Journalist bei Super One Radio an dem Telessender Super One TV geschafft, déi allen zwee der Labour Partei gehéieren. 2001 bis 2004 war en Editeur vun der Labour hirer Internetzeitung maltastar.com.

Seng politesch Carrière huet de Joseph Muscat am Labour Youth Forum, der Jugendorganisatioun vun der Malta Labour Party, ugefaangen, an hat do e puer Kaderfonctiounen. (2001–03) war e Sekretär fir den Enseignement vun der MLP a war de Leeder vum Parteikongress vun 2003. 2004 gouf de Muscat als ee vun de fënnef malteseschen Europa-Deputéierten an d'Europäescht Parlament gewielt. Nodeem d'MLP am Mäerz 2008 déi maltesesch Parlamentswale verluer hat an hire President zréckgetruede war, gouf de Joseph Muscat zum neie Parteipresident gewielt. Doropshin huet hie däin Deputéiertemandat am Europaparlament néiergeluecht an ass den 1. Oktober 2008 an d'maltesescht Parament nogeréckelt, wou en Oppositiounsleader gouf.

Bei de Parlamentswalen vum 9. Mäerz 2013 huet de Muscat mat senger Partei d'Majoritéit kritt, sou datt hien zanter dem 11. Mäerz 2013 Premierminster ass.[2]

Um Spaweck[änneren | Quelltext änneren]

Commons: Joseph Muscat – Biller, Videoen oder Audiodateien

Referenzen[änneren | Quelltext änneren]