Kölner Karneval
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
De Kölner Karneval, zesumme mam Karneval vun Düsseldorf a Mainz, sinn déi bekanntst Karneval-Manifestatiounen an Däitschland. Wéi an den aneren zwou däitsche Stied ass all Joer um Rosenmontag eng Kavalkad, déi Dausenden a Dausende vu Mënschen op Köln lackelt.
Wouraus besteet de Kölner Karneval?
[änneren | Quelltext änneren]All Joer fänkt d'Sessioun vun dësem Volleksfest den "Eeleften des Eeleften um Eelef Auer Eelef" un an dauert bis Äschermëttwoch, soudatt dacks vun der "fënnefter Joreszäit" geschwat gëtt. No engem groussen Optakt geet et dann awer méi roueg duerch d'Chrëschtzäit, an eréischt no Neijoeschdag kommen dann déi éischt Karnevalssëtzungen. Um Dag no der Weiberfastnacht geet de Stroossekarneval op, mat ë. a. um Karnevalssonndeg de Kölner Schull- un Veedelszöch an um Rosenmontag dem Rosenmontagszug.
Den typesche Geckeruff ass zanter dem 19. Joerhonnert "Kölle Alaaf", wat souvill wéi "Vive Köln" heescht an ursprénglech en Drénksproch war. Ieweschte Representant vum Kölner Karneval ass d'Dreigestirn aus "Prinz, Buur un Jongfrau". Apaart ass och d'Traditioun fir "Bützje" ze ginn, Beese mam spatze Mëndchen. Bei de genanntene Karnevalssëtzungen triede Spottriedner wéi den Hans Bols als "Et Botterblömche" oder de Gerd Rück als "Ne Weltenbummler" an der "Bütt" op, bekannte Gruppe wéi z. B. d'Bläck Fööss, Brings, Höhner, Räuber a Paveier gi Karnevalslidder zum Beschten, an déi verschiddenst Karnevalsveräiner weisen hir Dänz, sou och d'Funkenmariechen bei der Prinzen-Garde.
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Kölner Karneval – Biller, Videoen oder Audiodateien |
