Kanalbréck

Eng Kanalbréck ass eng Bréck déi et enger Waasserstrooss, engem Kanal, erlaabt fir iwwer Plazen déi méi déif leien ewech ze kommen.

Kanalbrécke ginn awer och gebaut fir e Kanal op deem méi héich geleeënen Deel bei e Schëffslift ze féieren.

Déi gréisst Kanalbréck an Europa ass zu Magdeburg a féiert iwwer d'Elbe. Si ass 918 m laang an huet domat am Joer 2003 d'Kanalbréck vu Briare, mat 662 m op déi zweet Plaz geréckelt.

Et gëtt och Kanalbrécken, déi Dréibrécke sinn. An England gëtt et dovun eng um Bridgewater-Kanal bei Barton, net wäit vu Manchester, an a Frankräich um Canal de l'Est an der Haute-Saône bei Selles.

Déi héchst Kanalbréck an déi längst, mat engem stolen Trach steet a Wales bei Llangollen a geet iwwer den Dall vum Dee. Si ass 38,7 m héich an 307 m laang.

Um Spaweck

Commons: Kanalbrécken – Biller, Videoen oder Audiodateien

(fr)Lexique fluvial dans le Projet Babel
(en) d'Kanalbréck vu Pontcysyllte
(en)Dréibréck vu Barton