Quelltext vun der Säit Kierch Rëmeleng weisen

{{Infobox Kierchentabell nei
 | Numm = Kierch vu Rëmeleng
 | Foto gewënscht =
 | Bild = 
 | Bildtext = 
 | Bild héich = Rëmeleng (Kierch).jpg
 | Bildtext héich = Rëmelenger Kierch
 | Uertschaft = [[Rëmeleng]]
 | Par = [[Par Käldall Notre-Dame-des-Mineurs|Käldall<br>Notre-Dame-des-Mineurs]]
 | Parverband = 
 | Pastoralregioun = 
 | Dekanat = [[Dekanat Süden-Ost|Süden-Ost]]
 | Numm / Patréiner = Hl. Sebastian
 | Architekt(en) = [[Jean-Pierre Knepper|J.P. Knepper]]
 | Baujoer = 1894-1896
 | Konsekratiounsjoer = 1896
 | Koordinaten = {{coor dms|49|27|39.4|N|06|01|45|O}}
 }}
D''''Kierch zu Rëmeleng''' ass eng [[Kathoulesch Kierch|kathoulesch]] [[Kierch]], déi zur [[Par Käldall Notre-Dame-des-Mineurs]], zum [[Dekanat Süden-Ost]] an zu der [[Gemeng Rëmeleng]] gehéiert.

De [[Patréiner]] vun der Kierch ass den [[hellege Sebastian]] († 288), deem säi Fest den 20. Januar gefeiert gëtt.

D'Kierch steet matzen an der Uertschaft an der ''Grand-Rue'', der {{N33}}.

De 16. September 2019 gouf proposéiert, firs'als [[Lëscht vun den nationale Monumenter an der Gemeng Rëmeleng|nationaalt Monument]] ze klasséieren<ref>{{INPA-MR}}</ref>.

== Beschreiwung vum Bau ==
D'Kierch gouf no de Pläng vum Architekt [[Jean-Pierre Knepper]] (1851 - 1929) am [[Neogotik|neogotesche]] Stil gebaut. De 26. September 1896 ass se konsekréiert ginn.

Fir de Bau goufe Steng aus der Rëmelenger Steekaul "Wäiss Koll", haut: "Carrières Blanches" (Heed), benotzt. Se huet e véiereckegen Tuerm mat véier Stäck. Den Daach vun der Tuermspëtz ass aachteckeg an huet nach véier kleng Tiermercher.
	
D'Haaptpaart vun der Kierch ass am Tuerm. Op all Säit vum Haaptagank sinn nieft dem Tuerm nach zwéi Säitenagäng.
Iwwer der Haaptdier ass e Bild vum Jesus (Christkinnek) an de Stee gemeesselt mat den Alpha an dem Omega an engem [[Chronogramm]]:

Q'''VI C'''HR'''I'''STO SER'''VI'''S, '''V'''EN'''I''' Q'''V'''AESO, E'''X C'''OR'''D'''E OREQ'''V'''E SEBAST'''I'''AN'''VM C'''o'''L'''E !

Déi déck gedréckte Buschtawen, stellen d'Baujoer 1895 duer. All eenzel [[Réimesch Zuelen|réimesch Zuel]] gëtt zesummegerechent!

Op [[Lëtzebuergesch]]: Deen, deen's du Christus déngs, wgl. komm, veréier den hellege Sebastian mat Häerz a Mond!

== Miwwel a Statuen ==
[[Fichier:KIE REM PRI 113.jpg|thumb|Priedegtstullsdaach]]
De monumentalen neogoteschen Héichaltor am [[Chouer (Kierch)|Chouer]] ass 1896 am Atelier vum Konschtschräiner Jean Decker vu Munneref entstanen. An der Mëtt steet den [[Tabernakel]] mat enger Nisch just uewendriwwer, déi geduecht ass fir d'[[Monstranz]] auszestellen. Just nieft dëser Nisch sinn op béide Säiten zwéin [[Engel]]en, déi op de Knéie bieden. A véier méi schmuelen Nische stinn nach véier Engelen. Op béide Säiten ass nach eng Nisch. An där vu riets steet eng Statu vum [[hellege Rochus]] († 1327) an op der lénkser Säit de [[Patréiner]] vun der Kierch, de Märtyrer Sebastian. Allenzwee goufe se zanter Joerhonnerten als [[Pescht]]helleg veréiert. Den Altor huet och nach geschnëtzte Biller: Fëschfang, Broutvermehrung, Melchisedek, déi lescht Owesmoolzecht, d'Affer vum [[Isaak]] duerch den [[Abraham]]. 
De Priedegtstull ass och räich sculptéiert. Hie besteet aus engem dräistäckege Schalldeckel an um Stull selwer sinn déi véier Statuette vun den [[Evangelist]]e mat hire Symboler. Um Réckstéck gëtt op Jesus Christus, de gudden Hiert higewisen.

Op deenen zwou Säite stinn zwéin Niewenaltär, déi am Atelier vum Rëmelenger Konschtschräiner Jean-Michel Weber († 1913) gemaach goufen. Um lénksen Altor si Statue vun der [[Maria Goretti]], dem Häerz Jesu, an der réimescher Märtyrerin [[Helleg Agnes|Agnes]], ze gesinn. Um rietse sinn et d'[[Helleg Bäerbel|Barbara]], den [[hellege Jousef]] an den [[hellegen Aloysius]] (vu lénks no riets).
	
Am Chouer, deen an den 80er Jore vum leschte Joerhonnert no vir vergréissert gouf, steet den Dafsteen, den Altor, an den [[Ambo]], déi allen dräi aus Minettsstee sinn. Den Atelier Poeckes huet dës Aarbecht ausgefouert.

Virum Chouer op der rietser Säit ass un der Säitemauer eng Skulptur vum Rëmelenger Kënschtler [[Albert Hames]] († 1989), si stellt de gekräizegte Jesus, mat der [[Helleg Maria (Tréischterin am Leed)|Maria]], der Maria-Magdalena an dem Johannes duer, a staamt aus dem Joer 1937, d'Christusfigur ass awer am Joer 1980 nei geschaf ginn.

Just vis-à-vis op der Mauer ass eng Statu vun der [[Thérèse vu Lisieux|Helleger Thérèse vu Lisieux]].

Hannen an der Kierch sinn nach zwou kleng [[Kapell]]en. An enger steet eng [[Pietà]], an an der anerer d'[[Helleg Barbara]], d'[[Patréiner|Patréinesch]] vun de [[Biergaarbechter]]. An an der Haaptentrée, den [[hellegen Antonius]] an och den [[hellegen Eligius]] (Patréiner vun de Metallbeaarbechter).

Fir [[Chrëschtdag]] gëtt all Joer eng [[Krëppchen|Krëpp]] opgeriicht, D'Figure sinn aus Wuess a Pabeier, se si viru kuerzem vu [[belsch]]e Schwëstere restauréiert ginn.

== Klacken ==
Am [[Klackestull]] hänke véier Klacken mat der Dispositioun Lab2 réb3 mib3 fa3 / As° des' es' f'. Déi 3 kleng goufen 1896 vun der [[Klackegéisserei Bour & A. Guenser]] gegoss.  De Bourdon ass der [[Tréischterin am Leed]] an dem [[hellege Willibrord]] geweit a gouf 1946 an der [[Klackegéisserei H. Rüetschi]] zu [[Aarau]] an der [[Schwäiz]] gegoss. Dee Kaddo verdankt d'Kierch dem Geschäftsmann [[Léon Berens]] vu Rëmeleng<ref>{{Citation |url=http://www.eluxemburgensia.lu/BnlViewer/view/index.html?lang=fr#panel:pp{{!}}issue:804244{{!}}article:DTL70{{!}}query:l%C3%A9on%20berens |titel=Luxemburger Wort, Nr. 31 vum 31 Januar 1947 |bezochtdatum=15.11.2017 |archivedate=09.10.2020|archiveurl=https://web.archive.org/web/20201009050537/http://www.eluxemburgensia.lu/BnlViewer/view/index.html?lang=fr#panel:pp{{!}}issue:804244{{!}}article:DTL70{{!}}query:l%C3%A9on%20berens }}</ref>  an ass als Merci fir d'Befreiung vu Lëtzebuerg um Enn vum [[Zweete Weltkrich]] geduecht.

Op Feierdeeg gëtt nach e klengt Klackespill spille gelooss.

== Uergel ==
[[Fichier:Rëm Kie Uergel.jpg|thumb|Den Duxall mat der Uergel]]
Am Joer 1904 krut d'Kierch hir éischten [[Uergel]]. An engem neo-goteschen Uergelprospekt huet d'Firma Dalstein & Haerpfer vu [[Boulay]] aus [[Loutrengen]] en Haaptwierk, e Schwellwierk a [[Pedall (Uergel)|Pedall]] mat pneumatescher Traktur gebaut mat 2 Manualer.

Vun der [[Uergelmanufaktur Georg Westenfelder|Uergelmanufaktur Haupt]] vu [[Lëntgen]] gouf d'Uergel 1954 op dräi Manualer vergréissert a krut eng elektresch Traktur. Dozou koum nach e Fräipäifeprospekt, deen ale vun 1904 gouf erhalen.

Am Joer 2000 gouf d'Uergel restauréiert. Dës Aarbechte goufe vun der Firma "Mitteldeutscher Orgelbau A. Voigt G.m.b.H. vu Bad Liebenwerda, Däitschland, gemaach.

== Glasmolereien ==
D'Glasmolereie stamen aus dem bekannte Glasatelier [[Pierre-Hippolyte Linster]] (1863 - 1906) vu [[Munneref]]. Déi grouss Fënsteren aus der Rëmelenger Kierch gehéieren zu deene schéinste Leeschtungen aus dem Atelier Linster. E puer Fënstere si leider net méi do, well se entweeder am Krich futti gaange sinn, oder einfach duerch e Manktem u Versteesdemech ausgetosch gi sinn. Am Chouer an op de Säite fanne mir Zeenen aus dem Liewe (Legend) vum hellege Sebastian.

== Wandmolereien ==
Nodeem d'Kierch fäerdeg gestallt war ass se bannen einfach wäiss-gro verbotzt ginn. Eréischt [[1931]]/[[1932]] sinn d'[[Wandmolerei]]e vum Moler [[Nicolas Brücher]] entstanen. Si goufen zu engem groussen Deel nees einfach duerch en Ustrach iwwermolt. Renovéiert goufe se vum Leo Olinger vu [[Waasserbëlleg]], et gouf probéiert se nees an deen Zoustand ze sëtzen, an deem se an den drësseger Jore vum leschte Joerhonnert waren. Zeenen aus der [[Bibel]] vum [[Jesus Christus|Jesus]] sengem Liewe si grouss duergestallt, an och aus dem [[Bibel|Alen Testament]] fanne mir Biller. Laanscht d'Säitemauere sinn och nach Nimm vun den 12 [[Apostel]]en an de Motiver vun der [[Molerei]] ernimmt.

== Literatur zum Theema ==	
* ''Jubliäumsfeier und Orgelweihe der Pfarrei Rümelingen'', 19. Dezember 1954
* Schnell, ''Kunstführer'' Nr 2569 ISBN 3-7954-6519-2
* [[Michel Schmitt]], ''Rumelange: Eglise Saint-Sébastien'', Regensburg: Schnell & Steiner, 2004 (Luxembourg: Impr. Saint-Paul), 19 Säiten, Schnell, guide d'art; Nr 2569, ISBN 3-7954-6520-6

== Kuckt och ==
* [[Lëscht vu reliéise Gebaier zu Lëtzebuerg]]
* [[Lëscht vun den nationale Monumenter an der Gemeng Rëmeleng]]
* [[Lëscht vun de Lëtzebuerger Paren]]
* [[Lëscht vun de fréiere Lëtzebuerger Paren]]

== Um Spaweck ==
{{Commonscat|Église Saint-Sébastien (Rumelange)|{{PAGENAME}}}}
* [http://web.cathol.lu/rubrique77 Websäit vum Parverband Käldall]
* [https://web.archive.org/web/20121116161128/http://pvkaeldall.cathol.lu/ru_pfarrkirche_de.html D'Kierch op der Websäit vum Parverband]
* [http://www.glasmalerei-ev.de/pages/b2556/b2556.shtml D'Fënstere vun der Kierch vu Rëmeleng op der Websäit vun der ''Stiftung Forschungsstelle Glasmalerei des 20. Jh. e.&nbsp;V.''] {{de}}
* [http://www.orgues.lu/index.php?option=com_content&view=article&id=144:rumelange&catid=82&Itemid=471 D'Uergel vun der Kierch op ''Orgues.lu'']
* [https://www.facebook.com/photo?fbid=2709633955922902&set=pcb.2614102685507685 D'Kierch Rëmeleng an der Facebookgrupp ''Patrimoine religieux Luxembourg - Reliéisen Ierwen Lëtzebuerg''] {{sic}}

{{Referenzen}}

[[Kategorie:Kierchen a Kapellen am Dekanat Süden-Ost]]
[[Kategorie:Kierchen zu Lëtzebuerg|Remeleng]]
[[Kategorie:Gemeng Rëmeleng|Kierch Remeleng]]
[[Kategorie:Bauwierker 1896]]
[[Kategorie:Klasséiert Kierchen a Kapellen]]