Léo Schnug
| Léo Schnug | |
|---|---|
 | |
| Gebuer |
17. Februar 1878 Stroossbuerg |
| Gestuerwen |
15. Dezember 1933 Brumath |
| Nationalitéit | Frankräich |
| Aktivitéit | Moler |
 | |
De Léo Schnug, gebuer de le 17. Februar 1878 zu Stroossbuerg, dat dunn zum Däitsche Keeserräich gehéiert huet, a gestuerwen de 15. Dezember 1933 am Psychiatriespidol Stephansfeld zu Brumath, am Bas-Rhin, war en däitschen, dono franséische Moler an Illustrator.
Hien huet op der Stroossbuerger École des arts décoratifs studéiert an dunn, mat just 17 Joer ugefaange fir de Verlag Gerlach & Schenk Illustratiounen ze maachen. Vun 1895 bis 1900 huet hien zu München beim Nicholaos Gysis (1842-1901) säi Konschtstudium virugefouert. Hie war Member vum Cercle de Saint-Léonard, enger Vereenegung vun elsässesche Moler.
Virun allem an der Zäit bis zum Ufank vum Éischte Weltkrich huet de Schnug allegoresch Zeechnunge fir Exlibrisse gemaach, sou wéi Affichen, Faire-parten, Wonschkaarten an dees méi, mat enger Virléift fir historesch Personnagen.
Och e puer gréisser Tableauen, wéi Der von Tierstein oder L'entrée solennelle de Sigismond à Strasbourg en 1414, souwéi Entwërf vun Theaterkostümer si vun him.
An de leschten zwéi Joerzéngte vu sengem Liewe war hie staark mam Alkoholismus a psychesche Problemer geplot. Hie gouf zu Lampertheim begruewen, wou och eng Strooss no him genannt ass.
Galerie
[änneren | Quelltext änneren]-
Licht und Kraft liefert Electrizitätswerk Strassburg., ëm 1908, fir d'Compagnie d'électricité de Strasbourg. -
Menuskaart vum Kunschthafe, 1901. -
Le général Jean-Baptiste Kléber devant les Pyramides, 1908, Sammelbild. -
Souskriptiounsopruf fir d'Däitsch Arméi, 1917. -
De Georges géint den Draach.
-
Maison Kammerzell. -
Maison Kammerzell. -
Schlass Haut-Kœnigsbourg :De Georges ermëlzt den Draach -
Déi vu Ribeaupierre géint déi vu Rathsamhausen. -
Feierlech Entrée vum Keeser Sigismund zu Stroossbuerg, 1414.
.jpg)
Literatur
[änneren | Quelltext änneren]- Patrick et Bénédicte Hamm, Léo Schnug, 1878-1933 : ses cartes postales, ex-libris et affiches, Jérôme Do Bentzinger, Colmar, 1993.
- Philippe Wendling, Léo Schnug, héraut maudit d'un passé fantasmé. Tours: Alan Sutton, 2018.
- Walter Kiwior, Julien Kiwior, Léo Schnug: un artiste de légende. De la Neustadt au Haut-Koenigsbourg. Pontarlier: Editions du Belvédère, 2017.
- Marie-Christine Breitenbach-Wohlfahrt (dir.), Léo Schnug ou l'image retrouvée, association Mitteleuropa, Schiltigheim, 1997. ISBN 2-906995-38-X
- Collectif, L'Alsace imagée de Léo Schnug, Musée de la communication en Alsace, Riquewihr, 2007.
- Paul Jesslen, Léo Schnug et le Haut-Kœnigsbourg : un invité au château. Conseil général du Bas-Rhin, Strasbourg, 2008.
Um Spaweck
[änneren | Quelltext änneren]| Commons: Léo Schnug – Biller, Videoen oder Audiodateien |
