Lactat
Als Lactat bezeechent een e Salz oder Ester vun der Mëllechsaier.
Well Mëllechsaier an zwou enantiomere Forme virkënnt, gëtt et och zwou entspriechend Forme vun hirem Anion, déi ee meeschtens no hirer Ausriichtung an der Fischer-Projektioun als D- an L- Form bezeechent. Lactat kënnt am mënschleche Kierper nëmmen an der rietsdréiender L- Form vir, meeschtens als Natriumlactat.
Lactater entstinn am Stoffwiessel vu Liewewiese bei enger onvollstänneger Verbrennung vu Glucose. Dëst ass e Prozess deen asetzt wann een der Muskulatur Leeschtung ofverlaangt, déi e méi grousse Besoin u Sauerstoff ervirrifft wéi e vum Blutt gedeckt ka ginn. D'Konsequenz kann eng Iwwersaierung vun de Muskele sinn.