Le Locle

Le Locle
Land	Schwäiz
Vewaltungseenheet	Neuchâtel
Awunner	10.433
	31. Dezember 2016
Fläch	23,14 km²
Héicht	1.047 m
Koordinaten	47°3'11,41"N, 6°44'53,38"O
Telefonszon	032
Postcode	2400
Websäit	https://www.lelocle.ch

Le Locle ass eng Schwäizer Industriestad an Haaptuert vum District du Locle am Kanton Neuchâtel. Se huet 10.433 Awunner (Stand 31. Dezember 2016) a läit am Jura, 8 km südwestlech vu La Chaux-de-Fonds, no bei der franséischer Grenz.

1705 huet den Daniel Jean-Richard zu Le Locle mat der Produktioun vun Aueren ugefaangen an domat dës traditiounsräich Schwäizer Industrie gegrënnt. Bedeitend ass och d'Fabrikatioun vu Schockela.

De grousse Schwäizer Clown Grock huet eng Partie vu senger Jugend (1885-1891) zu Le Locle verbruecht.

Demographie

Entwécklung vun der Awunnerzuel:

• 1980 - 12.039
• 1990 - 11.313
• 2000 - 10.529
• 2003 - 10.415
• 2016 - 10.433

Le Locle am Joer 1907

Kuckeswäertes

• Am Musée des Beaux-Arts, deen 1880 gegrënnt gouf, si Biller vu Schwäizer Moler vum 19. an 20. Joerhonnert ze gesinn, eng Sammlung vu Graphiken an eng Sammlung vu Konscht vun den Inuit.
• Am Härenhaus Château des Monts, dat tëscht 1785 a 1790 gebaut gouf, ass de Musée d'Horlogerie du Locle ze gesinn, an deem net nëmmen Aueren ausgestallt sinn, mä och Automaten.
• An den Hiele vum Col des Roches ass de Musée des moulins souterrains du Col des Roches ënnerbruecht.

Um Spaweck

Commons: Le Locle – Biller, Videoen oder Audiodateien