Quadratmeter

Eenheet
Norm	SI
Eenheetsnumm	Quadratmeter
Eenheetszeechen	$\mathrm {m^{2}}$
Geschriwwe Gréisst (n)	Flächeninhalt, Uwerfläch, Querschnëttsfläch
Gréisstensymboler	$A,\,S;\,S,\,Q$
Dimensiounsnumm	Fläch
an SI-Eenheeten	SI-Basiseenheet
Ofgeleet vun	Meter

De Quadratmeter oder Meterkaree ass eng SI-Eenheet vun der Fläch. Si déngt fir d'Miesse vu Flächen. Ee Quadratmeter ass eng Flächemooss an ass d'Fläch vun engem Quadrat mat der Säitelängt vun 1 Meter.

D'Eenheetenzeeche fir Quadratmeter ass m². Déi dacks gebraucht Ofkierzungen qm oder m^2 sinn entspriechend dem SI-Eenheetesystem net zoulässeg. Déi Bezeechnunge stamen aus der Fréizäit vun der Schreifmaschinn respektiv vum Computer, wéi déi héichgestallt „2“ nach net duergestallt konnt ginn.

Ëmrechnungen

• 10⁻²⁸ m² = 1 b (Barn (an der Kär- an Atomphysik))
• 1 m² = 1.000.000 mm² (Quadratmillimeter)
• 1 m² = 10.000 cm² (Quadratzentimeter)
• 1 m² = 100 dm² (Quadratdezimeter)
• 100 m² = 1 a (Ar)
• 10.000 m² = 1 ha (Hektar)
• 1.000.000 m² = 1 km² (Quadratkilometer)

Ar an Hektar si gesetzlech Eenheeten am Miesswiesen mat beschränktem Uwendungsberäich.

Angloamerikanesch Eenheeten

• 1 square inch = 6,4516 cm²
• 1 square foot = 144 square inch = 929,0304 cm²
• 1 acre = 43560 square feet = 4046,8564224 m²
• 1 square mile = 640 acre = 2,589988110336 km²

Quadratmillimeter

Ee Quadratmillimeter ass d'Fläch vun engem Quadrat vun 1 Millimeter mol 1 Millimeter, also 10⁻⁶ m².

D'Eenheetenzeeche fir Quadratmillimeter ass mm².

Quadratzentimeter

Ee Quadratzentimeter ass d'Fläch vun engem Quadrat vun 1 Zentimeter op 1 Zentimeter, also 10⁻⁴ m².

D'Eenheetenzeeche fir Quadratzentimeter ass cm².

Quadratdezimeter

Ee Quadratdezimeter ass d'Fläch vun engem Quadrat vun 1 Dezimeter op 1 Dezimeter, also 10⁻² m².

D'Eenheetenzeeche fir Quadratdezimeter ass dm².

Quadratkilometer

Ee Quadratkilometer ass d'Fläch vun engem Quadrat vun 1 Kilometer op 1 Kilometer, also 1 Millioun m². Ee Quadratkilometer ass och 100 ha. D'Eenheetenzeeche fir Quadratkilometer ass km².

Déi ëmmer nach dacks gebraucht Ofkierzung qkm entsprécht net dem internationalen Eenheetesystem.