Nándor Lengyel
| Nándor Lengyel | |
|---|---|
| Gebuer |
6. Juni 1914 onbekannt |
| Gestuerwen |
9. Januar 1968 onbekannt |
| Nationalitéit | Ungarn |
| Aktivitéit | Foussballtrainer, Foussballspiller |
| Positioun oder Spezialitéit | Mëttelfeldspiller |
 | |
Den Nándor Lengyel, gebuer de 6. Juni 1914, a gestuerwen den 9. Januar 1968, war en ungaresche Foussballtrainer[1].
Am Ufank vun der Foussballcarrière (1937) war de Lengyel kuerz e Spiller: hie gouf just 2 Matcher gespillt[2].
Hien huet vum 25. September 1955 bis de 24. Mee 1959 déi lëtzebuergesch Foussballnationalekipp als Trainer betreit. An där Zäit huet d'A-Ekipp 25 offiziell Lännermatcher gespillt[3].
Vun de 25 Matcher huet Lëtzebuerg ënner senger Leedung 6-mol gläichgespillt, 14-mol verluer, a 5-mol gewonnen: 6-4 géint d'B-Ekipp vun der Belsch (1956), 4-1 an 2-0 géint d'B-Ekipp vun der Schwäiz (1956 a respektiv 1959), 3-1 géint d'B-Ekipp aus England (1959) a virun allem déi legendär 4-1-Victoire géint d'B-Ekipp vun Däitschland den 1. Mee 1958[4].
Trainercarrière
[änneren | Quelltext änneren]- 1955-1959: Lëtzebuergesch Foussballnationalekipp
- 1959-1960: FC Schalke 04
- 1960-1964: Rot-Weiß Oberhausen
- 1964-1965: Wormatia Worms
Gielercher
[änneren | Quelltext änneren]- 2. Plaz an der Oberliga-Südwest (gläichzesetzen mat der häiteger Zweet Bundesliga) 1965 mat Worms. (Déi doropfolgend Barragematcher konnt Worms awer net gewannen, an huet deemno den Opstig an d'Bundesliga verpasst.)
- 3. Plaz an der Oberliga-West (gläichzesetzen mat der häiteger Zweet Bundesliga) 1961 mat Schalke.
Referenzen
[Quelltext änneren]- ↑ Den Nándor Lengyel um Site worldfootball.net
- ↑ Lengyel Nándor. Népsport, II. évf. 192. sz. (1946. nov. 28.) 3. o.
- ↑ D'Lëscht vun de Lännermatcher vun der lëtzebuergescher Nationalekipp ënner dem Nándor Lengyel
- ↑ http://www.profootball.lu/Navigation+2/Heures+de+Gloire+Eq_Nationale/LUXBG_DEUTSCHL+B++4_1+01_05_1958.html