New General Catalogue

Vu Wikipedia
(Virugeleet vu(n) NGC-Katalog)
NGC 7793

Den NGC-Katalog, New General Catalogue (NGC), de kompletten Titel ass: New General Catalogue of Nebulae and Clusters of Stars, ass e Katalog vu galakteschen Niwwelen, Stärekéip a Galaxien.

De Katalog[änneren | Quelltext änneren]

Den NGC gouf an den 1880er Joren zesummegestallt an 1888 vum Johan Ludvig Emil Dreyer verëffentlecht; virun allem duerch Observatioune vum Wilhelm Herschel. An de Joren 1895 an 1908 gouf e mat zwéin Index-Kataloge vergréissert.

Den NGC huet zirka 8.000 Objeten nummeréiert, dorënner och déi meescht aus dem Messier-Katalog. Den Ënnerscheed zum Messier-Katalog ass datt d'Objete vum NGC-Katalog no Rektaszensioun opgestallt sinn. Wéinst de villen Objeten huet hien och e puer kleng Feeler, sou sinn z. B. e puer Objete méi dacks mat verschiddene Katalognummeren enthalen oder an engem vun den Index-Katalogen nach eng Kéier opgeholl. Eng nei Versioun vum NGC ass den RNGC. A stänneger Observatioun gëtt de Katalog vum NGC/IC-Projet (kuckt och am Spaweck) verfeinert. Richteg Nofollger vun dësem Katalog an Zesummenhang mat senger Index-Katalog-Vergréisserung gëtt et net.

Den NGC gëtt ganz gär vun den Amateurastronome gebraucht, well vill Objeten dran opgelëscht sinn, déi och mat Amateurteleskopen z'observéiere sinn.

Kuckt och[änneren | Quelltext änneren]

Portal Astronomie

Um Spaweck[änneren | Quelltext änneren]

Commons: NGC Objeten – Biller, Videoen oder Audiodateien