Quelltext vun der Säit Norwegen weisen

{{Infobox Land
 | Numm = Kongeriket Norge<br>Kongeriket Noreg
 | Fändel = Flag of Norway.svg
 | Fändel Bildbreet=
 | Fändel Artikel = Norwegesche Fändel
 | Wopen = Coat of arms of Norway.svg
 | Wope Breet = 75px
 | Wopen Artikel = Norwegescht Wopen
 | National Devise =
 | Kaart= Europe-Norway.svg
 | Kaart Breet =
 | Offiziell Sprooch = [[Norwegesch]] ([[Bokmål]] an [[Nynorsk]]), [[Samesch Sproochen|Samesch]]
 | Haaptstad = [[Oslo]]
 | Haaptstad Awunner =
 | Haaptstad Koordinaten =
 | Staatsform = [[Konstitutionell Monarchie]]
 | Landeschef Titel = Kinnek
 | Landeschef = [[Harald V. vun Norwegen|Harald V.]]
 | Regierungschef Titel = Premierminister
 | Regierungschef = [[Jonas Gahr Støre]]
 | Total Fläch= 385 207<ref name="kart_2019">[https://web.archive.org/web/20190608034913/https://www.kartverket.no/Kunnskap/Fakta-om-Norge/Arealstatistikk/Arealstatistikk-Norge/ Arealstatistics for Norway 2019, Kartverket, mapping directory for Norway] Accessdate=2019-03-24 (Fläch vum Kinnekräich mat [[Svalbard]] a [[Jan Mayen]])</ref>
 | Fläch Plaz = 67
 | Waasserfläch = 5,7
 | Bevëlkerung = 5.550.203<ref name="ssbf">{{Cite web|url=https://www.ssb.no/en/befolkning/statistikker/folkemengde/aar-per-1-januar|title=Population, 1.01.2024|publisher=Statistics Norway|date=2024-02-21|accessdate=2024-02-25|language=en}}</ref> <small>(2024)</small>
 | Bevëlkerung Plaz = 120
 | Bevëlkerungsdicht = 14,4
 | Onofhängegkeet = vu [[Schweden]], deklaréiert de [[7. Juni]] [[1905]]
 | Nationalfeierdag = [[17. Mee]]
 | Nationalhymn = [[Ja, vi elsker dette landet]]<br>[[:Fichier:Norway (National Anthem).ogg|Lauschtert]]
 | Wärung = [[Norwegesch Kroun]] (NOK)
 | Zäitzon = +1
 | Internet TLD = [[.no]]
 | Telefonsprefix = +47
 | Notizen =
 | Extra Bild = Nfjords.jpg
 | Extra Bild Text = Eng typesch norwegesch Fjordlandschaft
}}
D'Kinnekräich '''Norwegen''' (norw.: ''Kongeriket Norge/Noreg'') ass en [[Europa (Kontinent)|nordeuropäescht]] Land a läit am Weste vun der [[Skandinavesch Hallefinsel|skandinavescher Hallefinsel]]. Nopeschlänner sinn am Oste [[Schweden]], am Nordoste [[Finnland]] a [[Russland]]. 
Am Weste gëtt d'Land vum [[Nordatlantik]] begrenzt, dee sech deelweis wäit a Form vu [[Fjord]]en an d'Land era grieft.

== Geographie ==
Norwegen ass e laangt, schmuelt Land. Vun der Südspëtzt zu [[Lindesnes]] bis op [[Kinnarodden]] um [[Nordkap]], deem nërdlechste Punkt an [[Europa (Kontinent)|Europa]], sinn et 1.752&nbsp;km Loftlinn. D'Breet variéiert tëscht den zwéin Extremer tëscht 6&nbsp;km a 430&nbsp;km. De [[Relief (Topographie)|Relief]] vum Land ass markéiert vu Bierger, [[Gletscher]]en a [[Fjord]]en. Mat de Fjorden abegraff bréngt et Norwegen op 25.148&nbsp;km Küst. Den héchste Bierg ass mat sengen 2.469 Meter de [[Galdhøpiggen]], dee gréisste [[Séi]] ass de [[Mjøsa]] mat 362&nbsp;km².

D'Klima laanscht d'Küsten ass wéinst der vum [[Golfstroum]] transportéierter Wäermt verhältnesméisseg temperéiert. Méi kill gëtt et a Richtung Banneland an an deenen nërdlechste Regiounen herrschen am Wanter subarktesch Temperaturen. An deenen Deeler vum Land déi nërdlech vum arktesche [[Polarkrees]] leie, geet d'Sonn am Summer ni ënner (Mëtternuechtssonn) respektiv am Wanter ni op.

Nieft [[Oslo]] gëtt et an Norwegen nach dräi aner Stied mat méi wéi 100.000 Awunner, nämlech [[Bergen (Norwegen)|Bergen]], [[Trondheim]] a [[Stavanger]].

Norwegen huet fënnef Regiounen an Iwwerséi:
* [[Spitzbergen (Inselgrupp)|Svalbard]] mat der Insel [[Spitzbergen (Insel)|Spitzbergen]] an der [[Biereninsel]] am Nordatlantik an am Nordpolarmier
* [[Jan Mayen]] am Nordatlantik
* [[Bouvetinsel]] am Südpolarmier
* [[Péiter-I.-Insel]] am Südpolarmier
* [[Kinnigin-Maud-Land]] an der Antarktis

== Bevëlkerung ==
=== Zuel ===
Am Hierscht 2000 ass d'Zuel vun den Awunner an Norwegen op méi wéi 4,6 Mio. geklommen a si klëmmt nach virun, all Joer ëm ongeféier 30.000 Mënschen. Vill vun hinne sinn zougewandert Flüchtlingen. Ze berécksiichtegen ass och, datt d'Gebuertenzuel an Norwege méi héich wéi an deene meeschten europäesche Länner ass.

=== Zesummesetzung ===

95,9&nbsp;% vun der Bevëlkerung sinn Norweger, dozou zielen och d'Minoritéite vun ongeféier 40.000 Saami (Lappen) an ongeféier 10.000 Finnen (Kvener). Den Auslännerundeel erreecht 4,1&nbsp;% (0,6&nbsp;% Schweden, 0,4&nbsp;% Dänen, 0,3&nbsp;% Bosnier, 0,2&nbsp;% Pakistaner, 0,2&nbsp;% Britten ënner aneren.) (Stand 2001).

75&nbsp;% vun der Populatioun liewen an de Stied.

=== Grouss Stied a vun Touriste besicht Uertschaften ===
* [[Oslo]], Haaptstad, 533.050 Awunner (2005)
* [[Alesund]], 39.373 Awunner (2002)
* [[Bergen (Norwegen)|Bergen]], 239.209 Awunner (2005)
* [[Flåm]], (450 Awunner)
* [[Hammerfest]], 9261 Awunner (2005)
* [[Honningsvåg]], 3.500 Awunner (2005)
* [[Kirkenes]], (4.900 Awunner)
* [[Molde]], 23 975 Awunner (2003)
* [[Svolvær]] ([[Lofoten]]), zirka 4.000 Awunner
* [[Stavanger]], 114.401 Awunner (2005)
* [[Trondheim]], 154.351 Awunner (2004)
* [[Tromsø]], 67.904 Awunner (2005)

=== Sproochen ===

[[Norwegesch]] gehéiert zu den [[Germanesch Sproochen|nordgermanesche]] Sprooche wouvun et haut zwou offiziell Versioune gëtt, [[Bokmål]] an [[Nynorsk]]. Allebéid si [[Schrëftsprooch]]en.

Bokmål ("Buchsprooch") geet op d'[[Norwegesch|Riksmål]] ("d'Sprooch vum Räich") zeréck d.&nbsp;h. op déi haaptsächlech vum [[Dänesch]]e markéiert Sprooch vun der Uniounszäit mat [[Dänemark]].

Nynorsk ("Neinorwegesch"), dat bis [[1929]] [[Norwegesch|Landsmål]] ("d'Sprooch vum Land") geheescht huet, ass u sech eng kënschtlech Sprooch an ass zanter [[1885]] déi zweet offiziell Schrëftsprooch. 
Nynorsk ass zu engem groussen Deel eng Sammlung aus verschiddene westnorwegeschen [[Dialekt]]er, déi an de Publikatioune vum [[Sproochwëssenschaft|Linguist]] [[Ivar Aasen]] systematiséiert goufen an hir allgemeng Verbreedung fonnt hunn.

D'Majoritéit vun den Norweger schreift Bokmål. Nynorsk ass fir 10-12&nbsp;% d'Haaptsprooch. 
An der Schoul léieren norwegesch Schüler a Schülerinnen haut souwuel Bokmål wéi och Nynorsk. Béid Sprooche gi mëndlech an enger sëllegen Dialekter geschwat.

Nieft Norwegesch gëtt am Norde vum Land och nach [[Samesch]] a [[Finnesch]] vun den nationale Minoritéite geschwat.

=== Relioun ===

Norwegen huet eng Staatskierch (''D'Norske Kirke'') no evangeelesch-lutherescher Traditioun. Hir héchst Autoritéit ass de Kinnek.

== Geschicht ==

Déi eelst Spuere vun Zivilisatioun haitegen Norwege si ronn 10 300 Joer al a goufen an der Géigend vum [[Nordkap]] fonnt. Den [[Harald Hårfagre]] ("Harald mat de schéinen Hoer") bréngt et an der [[Wikinger]]zäit ([[800]]-[[1050]]) fir d'éischt Kéier fäerdeg grouss Deeler vun Norwegen an engem Kinnekräich ze vereenegen.

Norwegesch [[Wikinger]] bedreiwen an där Zäit net nëmmen Handel mat hiren europäeschen Noperen, mä bleiwen och wéinst hirem Geraafs a Gestiels a Kléischter an a Küstestied an Erënnerung. [[Island]], [[Faröerinselen|d'Faröerinselen]] a [[Grönland]] gi vun norwegesche Wikinger besidelt.

Ëm [[1030]] gëtt d'Land [[Chrëschtentum|christianiséiert]].

[[1387]] stierft d'norwegesch Kinneksgeschlecht aus, an Norwege gëtt en Deel vun der [[Kalmarer Unioun]]. D'Land ass en zimmlech onbedeitende Member nieft [[Schweden]] an deem deemools dominanten [[Dänemark]]. Norwege gëtt als net méi wéi eng dänesch Provënz ugesinn an déi offiziell Sprooch ass dänesch. D'Personalunioun mat Dänemark hält bis [[1814]] (Schweden emanzipéiert sech ënner dem [[Gustav Vasa]] an ass zanter [[1523]] net méi an der Unioun). Dänemark-Norwegen steet an de Kricher vum [[Napoleon Bonaparte|Napoleon]] als Alliéierten op der Säit vu [[Frankräich]]. Als Konsequenz dovu gëtt Dänemark am [[Fridde vu Kiel]] ([[1814]]) dozou gezwongen, Norwegen u Schweden ofzeginn.
[[Fichier:Eidsvoll 1814.jpeg|thumb|left|390px|Nationalversammlung zu Eidsvoll vun 1814]]D'Norweger probéiere vun där Iwwergankszäit ze profitéieren a gi sech de [[17. Mee 1814]] zu [[Eidsvoll]] eng [[Constitutioun]], an där se sech als onofhängeg deklaréieren. No engem kuerze Krich mat Schwede gëtt zu gudder Lescht de Kompromëss fonnt, datt Norwegen zwar en eegent Kinnekräich mat deelweis eegenen Institutioune bleiwen däerf, dat awer nëmmen am Kader vun enger Personalunioun mat Schweden. Den [[13. August]] [[1905]] stëmmt eng grouss Majoritéit vun den Norweger an engem Referendum fir d'Opléisung vun der Unioun, déi domat onbluddeg op en Enn bruecht gëtt. Neie Kinnek gëtt den dänesche Prënz Carl aus dem Haus [[Glücksburg]], dee sech [[Haakon VII. (Norwegen)|Haakon VII.]] nennt.

Am [[éischte Weltkrich]] bleift Norwegen [[Neutralitéit (International Politik)|neutral]]. [[1920]] trëtt d'Land dem [[Vëlkerbond]] (''Société des nations'') bäi.

Den [[9. Abrëll]] [[1940]] iwwerfält [[Däitschland]] déi neutral Länner Dänemark an Norwegen ([[Operatioun Weserübung]]). 
D'Norweger wiere sech 6 Woche laang, mussen awer den [[10. Juni]] [[1940]] virun der däitscher Arméi kapituléieren. 
D'Zil vun der däitscher Invasioun war et d'norwegesch Häfen ënner Kontroll ze kréien. Engersäits sollt doduerch verhënnert ginn, datt [[Vereenegt Kinnekräich|Groussbritannien]] a Kooperatioun mat Norwegen Däitschland den Zougang zum [[Nordmier]] kéint blockéieren, anerersäits war den Hafe vun [[Narvik]] eng wichteg Statioun fir den Transport vu [[Minett (Äerz)|Minett]] aus dem schweedesche [[Kiruna]] an d'''[[Däitscht Räich vun 1933 bis 1945|Drëtt Räich]]''.

D'Majoritéit vun den Norweger war géint d'Besetzung an d'Ideologie vum [[Däitscht Räich vun 1933 bis 1945|Nazidäitschland]]. D'national [[Resistenz (Politik)|Resistenz]] huet dobäi eng wichteg Roll gespillt. Dogéint ass den Numm vum bekanntsten norwegeschen [[Nationalsozialismus|Nationalsozialist]], dem [[Vidkun Quisling]], zum [[Synonymie|Synonym]] vu [[Kollaboratioun|Kollaborateur]] ginn.

Norwegen ass Member vun der [[NATO]], de [[Vereent Natiounen|Vereenten Natiounen]] an der [[EFTA]] (''Association européenne de libre-échange''), huet d'[[Schengener Ofkommes]] ënnerschriwwen an ass en Deel vum [[Europäesche Wirtschaftsraum]]. Zweemol, an de Joren [[1972]] respektiv [[1994]] hunn d'Norweger a Referendume géint de Bäitrëtt an d'[[EU]] gestëmmt.

=== Politik ===
[[Fichier:OSLO Schlass.jpg|thumb|390px|D'kinneklecht Schlass zu Oslo]]
[[Fichier:Storting Spring 2016.JPG|thumb|390px|D'Stortinget (Parlament) zu Oslo]]
D'norwegesch Constitutioun vum [[17. Mee]] [[1814]] ass vun där franséischer vum Enn vum [[18. Joerhonnert]] inspiréiert. De Prinzip vum [[Montesquieu]] vun der Gewaltentrennung gëllt och hei. D'Duerchféierung vun deem Prinzip huet allerdéngs an der Praxis e puermol zu Ausenanersetzungen tëscht der Exekutiv, déi am wesentleche vum Kinnekshaus kontrolléiert gëtt, an dem [[Storting]], dem norwegesche [[Parlament]], gefouert. D'Kinnekshaus huet nämlech probéiert seng Privilegien als Executivmuecht auszebauen, andeems d'Parlament, opgrond vun der Constitutioun, dat verhënnere wollt.

Dës Spannungen hu bis [[1884]] zougeholl, deem Joer, dat an Norwegen als dat Joer ugekuckt gëtt, wou de Parlamentarismus sech duerchgesat huet. De biergerlech-liberale Stortings-Deputéierte [[Johan Sverdrup]] huet trotz Widderstand vum Kinnek [[Oskar II. vun Norwegen|Oskar II.]] d'staatsrechtlecht Prinzip duerchgesat, no deem eng Regierung, fir kënne virun ze regéieren, d'Ënnerstëtzung vum [[Storting]], also dem Parlament brauch. No dëser Bestätegung huet de Kinnek missen de [[Sverdrup]] als neie Ministerpresident mat der Regierungsbildung chargéieren.

D'Parlament besteet aus 165 Deputéiert. All 4 Joer gëtt gewielt (bis [[1936]] all drëtt Joer). D'Parlament, ''Stortinget'' 1:1 iwwersat "Déi grouss Saach"), besteet aus zwéin Deeler, ''Odelstinget'' a ''Lagtinget''. Well den Ënnerscheed awer net ganz kloer ass, gëtt den norwegesche System allgemeng als Eekummersystem ugesinn.

Grousskoalitioune sinn an Norwegen net de Gebrauch. De Fall, datt Minoritéitsregierunge mat der Ënnerstëtzung vum Parlament regéieren, ass méi heefeg. A leschter Zäit hate Minoritéitsregierunge Problemer, soudatt och elo an Norwege fir de Prinzip vu Koalitioune plädéiert gëtt. No de leschte Walen, den [[12. September]] [[2005]] besteet d'Regierung aus enger Koalitioun vun "Arbeiderpartiet" (Sozialisten), "Sosialistisk Venstreparti" (Sozialistesch Lénkspartei) an der "Senterpartiet" (Zentrumspartei). Norwegesche Regierungschef ass de Sozialist Jens Stoltenberg.

An Norwege gouf et bis elo 6 Referendumen:

* 1905 iwwer d'Opléisung vun der Unioun mat Schweden. (Resultat:Jo)
* 1905 iwwer d'Ernennung vum Prënz Carls vun Dänemark als Kinnek Haakon VII. (Resultat: Jo)
* 1916 iwwer d'Alkoholverbuet. (Resultat: Jo)
* 1927 iwwer d'Annulatioun vun dëser Interdictioun. (Resultat: Jo)
* 1972 iwwer de Bäitrëtt zu der Europäescher Communautéit. (Resultat: Nee)
* 1994 iwwer de Bäitrëtt an d'Europäesch Unioun. (Resultat: Nee)

=== Parteien ===

Am Storting sinn zurzäit vertrueden:

* Arbeiderpartiet (Sozialdemokratesch Partei)
* Høyre (Konservativ)
* Fremskrittspartiet (Fortschrëttspartei)
* Sosialistisk Venstreparti (Sozialistesch Lénkspartei)
* Kristelig Folkeparti (Chrëschtlech Vollekspartei)
* Senterpartiet (Zentrumspartei, vertrëtt d'Interesse vun de Baueren)
* Venstre (Liberal)
* Miljøpartiet De Grønne (Déi Gréng, eng Ëmweltspartei)
* Aner kleng Parteien:
** Kystpartiet (Küstepartei, vertrëtt d'Interesse vun de Mënschen op der Küst an Nord-Norwegen)
** Arbeidernes kommunistparti (Kommunistesch Partei vun den Aarbechter)
** Norges Kommunistiske Parti (Kommunistesch Partei vun Norwegen)
** Rød Valgallianse (Rout Walallianz, gréisst kommunistesch Partei)
** Kristent Samlingsparti (Chrëschtlech Sammlungspartei, chrëschtlech, extrem-konservativ)
** Demokratene (D'Demokraten, extreem konservativ)
** Det Liberale Folkepartiet (Liberal Vollekspartei)
** Pensjonistpartiet (Rentner-Partei, Partäi fir al Leit)

=== Administrativ Ënnerdeelungen ===
 
D'Land ass an 15 Verwaltungsprovënzen ([[Fylker]]) agedeelt. Déi klengst der Fläch no ass d'Haaptstad Oslo.<ref name="fylker">{{Cite web|url=https://www.regjeringen.no/no/tema/kommuner-og-regioner/kommunestruktur/fylkesinndelingen-fra-2024/id2922222/|title=Fylkesinndelingen fra 2024  |publisher=Regjeringen|date=05.07.2022|accessdate=01.03.2024|language=no}}</ref>
[[Fichier:Fylkesinndeling2024 original.webp|thumb|left|Verwaltungsprovënzen (fylke) 2024<ref name="fylker" />]]
{| class="wikitable sortable" width=25%
!#
!Verwaltungsprovënzen 2024
!Administrativen Zentrum
|-
| align=left|3||[[Fichier:Oslo_komm.svg| 28x28px]] [[Oslo]]||[[Oslo]]
|-
| align=left|11||[[Fichier:Rogaland_våpen.svg| 28x28px]] [[Rogaland]]||[[Stavanger]]
|-
| align=left|15||[[Fichier:Møre_og_Romsdal_våpen.svg| 27x27px]] [[Møre og Romsdal]]||[[Molde]]
|-
| align=left|18||[[Fichier:Nordland_våpen.svg| 28x28px]] [[Nordland]]||[[Bodø]]
|-
| align=left|31||[[Fichier:Østfold_våpen.svg| 28x28px]] [[Østfold]]||[[Sarpsborg]]
|-
| align=left|32||[[Fichier:Akershus_våpen.svg| 28x28px]] [[Akershus]]||[[Oslo]]
|-
| align=left|33||[[Fichier:Buskerud_våpen.svg| 28x28px]] [[Buskerud]]||[[Drammen]]
|-
| align=left|34||[[Fichier:Innlandet_våpen.svg| 28x28px]] [[Innlandet]]||[[Hamar]]
|-
| align=left|39||[[Fichier:Vestfold våpen.svg| 28x28px]] [[Vestfold]]||[[Tønsberg]]
|-
| align=left|40||[[Fichier:Telemark våpen.svg| 28x28px]] [[Telemark]]||[[Skien]]
|-
| align=left|42||[[Fichier:Agder_våpen.svg| 28x28px]] [[Agder]]||[[Kristiansand]]
|-
| align=left|46||[[Fichier:Vestland_våpen.svg| 28x28px]] [[Vestland]]||[[Bergen]]
|-
| align=left|50||[[Fichier:Trøndelag våpen.svg| tlo|28x28px]] [[Trøndelag]]||[[Steinkjer]]
|-
| align=left|55||[[Fichier:Troms våpen.svg| 28x28px]] [[Troms]]||[[Tromsø]]
|-
| align=left|56||[[Fichier:Finnmark våpen.svg| 28x28px]] [[Finnmark]]||[[Vadsø]]
|}
== Kultur ==
=== Literatur ===

Norwegen huet an der leschter Hallschent vum [[19. Joerhonnert]] vun engem staarke kulturellen Opschwong profitéiert. Un him haten Auteure wéi den [[Henrik Ibsen]], de [[Bjørnstjerne Bjørnson]], den [[Alexander Kielland]], de [[Jonas Lie]], d'[[Amalie Skram]], den [[Arne Garborg]], [[Hans E. Kinck]] a [[Knut Hamsun]] e groussen Undeel.

Dräi Norweger kruten den [[Nobelpräis fir Literatur]]: de [[Bjørnstjerne Bjørnson]] (1903), [[Knut Hamsun]] (1920) an d'[[Sigrid Undset]] (1928). De [[Friddensnobelpräis]] gëtt op Beschloss vum norwegeschen Nobelkommitee zu Oslo zouerkannt.

=== Musek, Theater a Konscht ===

De bekanntsten norwegesche Komponist ass den [[Edvard Grieg]].

Déi wichtegst Theaterbüne sinn d'[[Oper vun Oslo|Oper]] an d'''Nationaltheatret'' zu Oslo, d'national Scene zu Bergen an den neien Theater an norwegescher Sprooch: ''Det norske Teater'' zu Oslo.

De bekanntste Moler ass den [[Edvard Munch]]. Seng Wierker kann een haaptsächlech am Munch-Musée zu Oslo gesinn.

== Ekonomie ==
[[Fichier:StatfjordA(Jarvin1982).jpg|thumb|left|250px|D'[[Buerinsel]] Stratford A am [[Nordmier]] (1982)]]
D'norwegesch Ekonomie baséiert op engem räiche ''Wuelfaartsstaat'' no [[Kapitalismus|kapitalisteschem]] Modell mat enger Kombinatioun vu fräiem Marché a staatleche Reguléierungen. Vital Beräicher wéi de petrocheemesche Secteur sinn a grousse Staatsbetriber organiséiert. D'Land ass räich un natierleche Ressourcen; [[Äerdueleg|Pëtrol]], [[Waasserkraaft]], [[Fësch]], [[Bësch]]er a [[Mineral]]ien. Norwegen ass ferm ofhängeg vu senger Äerduelegproduktioun an den internationale Pëtrolspräisser. [[1999]] louch den Undeel vum Äerduelegexport bei 35&nbsp;% vun den Exportrevenuen. [[Saudi-Arabien]] a [[Russland]] sinn déi eenzeg Länner déi nach méi Äerdueleg exportéieren.

E groussen Deel vum Benefice gëtt vum norwegesche Staat an en nationalen Äerduelegfong (''Statens petroleumsfond'') placéiert, deen a senger Totalitéit an d'Ausland investéiert gëtt. De Wäert vum [[Äerdueleg|Pëtrol]]sfond louch am 2. Quartal [[2005]] bei 181,5 Milliarden [[US-Dollar]].

Norwegen ass net an der [[EU]], huet awer wéinst dem Accord iwwer den [[Espace Économique Européen]] Zougang zum europäesche Marché.

== Kuckt och ==
* [[Fjorde vun Norwegen]]

== Um Spaweck ==
{{Commonscat|Norway|Norwegen}}
* [http://www.norway.info/ Offiziell Websäit vun Norwegen]
* [http://odin.dep.no/odin/english/bn.html Gouvernement]
* [http://www.norway.no/ Service Public]
* [https://web.archive.org/web/20150815120425/http://www.reuber-norwegen.de/ Däitsche Site fir Leit déi an Norwege reesen]
* [http://www.norvege-fr.com/ Franséischen Norwegen-Portal mat Touristinformatiounen]
* [https://web.archive.org/web/20060812185859/http://dnfil.lu/ Den Norske Forening i Luxembourg]- Norweger zu Lëtzebuerg

{{NATO}}
{{Referenzen}}

[[Kategorie:Norwegen| ]]