Phobos-Monolith
De Phobos-Monolith ass e Monolith um Mars-Mound Phobos.
De Phobos-Monolith ass en hellen Objet an der Géigend vum Stickney-Krater. Hie gëtt als "haushéije" Fiels bezeechent a wërft en opfällege Schiet.[1],[2] Hie gouf fir d'éischt vum Efrain Palermo entdeckt. D'Entdeckung gouf spéider vum Lan Fleming, engem Mataarbechter vum Johnson Space Center, bestätegt.
Vu wou de Monolith hierkënnt ass net bekannt; méiglecherweis handelt et sech ëm e Stéck Ausworfmaterial vun engem Aschlag um Marsmound.
D'Géigend ëm de Monolith gëtt als Landezon fir eng onbemannt kanadesch Raumfaartmissioun mam Numm PRIME (Phobos Reconnaissance and International Mars Exploration)[1] a Betruecht gezunn. D'PRIME-Missioun soll aus engem Orbiter an engem Lander bestoen, déi de Mound a seng Geologie mat jee véier Instrumenter ënnersiche sollen. Et ass nach kee Startdatum fir d'Missioun genannt.
De Monolith ass op de Mars Global Surveyor-Biller SPS252603 an SPS255103 vun 1998 ze gesinn. De Monolith steet a kengem Zesummenhank zu engem Monolith um Mars, deen d'NASA als Beispill fir eng marsianesch Uewerflächestruktur identifizéiert hat.[3]
Kuckt och
[änneren | Quelltext änneren]
Um Spaweck
[änneren | Quelltext änneren]| Commons: Phobos – Biller, Videoen oder Audiodateien |
- Different Perspective with the whole moon
- USGS Mars Global Surveyor MOC Image 55103 - Browse Page Monolith Zoom
- Analysis in year 2000 by of Lan Fleming of SPS252603 and SPS255103
Referenzen
[Quelltext änneren]- ↑ 1,0 1,1 Optech press release, "Canadian Mission Concept to Mysterious Mars moon Phobos to Feature Unique Rock-Dock Maneuver," May 3, 2007.
- ↑ PRIME: Phobos Reconnaissance & International Mars Exploration (PDF; 673 kB), Mars Institute website, accessed July 27, 2009.
- ↑ http://www.telegraph.co.uk/science/space/5981624/Mars-monolith-fuels-theories-of-alien-life.html A rectangular object found jutting out of Mars’s surface and caught on camera by the University of Arizona has caused speculation over the nature of the "monolith" and its origins. 9:45AM BST, August 6, 2009