Roulette
Roulette ass e Glécksspill dat a Casinoe gespillt gëtt. Et gëtt zwou Varianten: d'franséisch Roulette an d'amerikanesch Roulette.
D'Spill besteet dodran, datt eng Bëmmelche vun engem Croupier an e Rouletterad gehäit gëtt, en niddregen Zylinder mat 37 Haisercher ronderëm, dee sech an entgéintgesater Richtung dréint. D'Haisercher sinn duerchernee vun 0 bis 36 nummeréiert. De Spiller wett drop, datt d'Bëmmelchen op eng bestëmmt Zuel fält, andeems en um Spillfeld säin Asaz, Chipen oder Stongen, déi e bestëmmte Wäert hunn, op déi Zuel (oder Zuelekombinatiounen) um Spilldësch setzt.
D'Amerikanesch Roulette huet zwee Haisercher mat enger Null (0 an 00), deemno der 38 am Ganzen.
Et gëtt verschidde Méiglechkeeten, säin Asaz ze maachen: Et kann een op eng oder méi eenzel Zuele setzen. Wann déi Zuel oder eng vun deenen Zuele gewënnt da kritt een de Wäert vu sengem Chip 36-mol als Gewënn. Am anere Fall ass den Asaz verluer. Et gëtt och kombinéiert Asazméiglechkeeten, dann ass de Gewënn méi kleng:
| Numm | Plaz um Spillfeld | Stéckzuel vun den Zuelen, op déi gewett gëtt | Gewënn (x-facht vum Asaz) | Remarken |
|---|---|---|---|---|
| Plein | eng Zuel | 1 | 35 | |
| Cheval | op der Grenz vun zwou Zuelen | 2 | 17 | |
| Transversale | lénks oder riets vun 3 Zuelen | 3 | 11 | |
| Transversale simple | Kombinatioun vun Transversale a Cheval | 6 | 5 | |
| Carré | op der Grenz vu véier Zuelen | 4 | 8 | |
| Colonne | um ënneschte Bord vun enger Kolonn | 12 | 2 | Et kann een och op d'Zuelen 1-12 (12P), 13-24 (12M) oder 25-36 (12D) wetten |
| Colonne à cheval | 24 | 1/2 | ||
| Chance simple | noir oder rouge, pair oder impair, manque oder passe | 18 | 1 |