Ruth Belville

Vu Wikipedia
Wiesselen op: Navigatioun, sichen

D'Elizabeth Ruth Belville, gebuer de 5. Mäerz 1854 zu London an och do gestuerwen de 7. Dezember 1943[1], war eng britesch Entrepreneuse, där hir Déngschtleeschtung iwwer méi wéi véier Joerzéngten dora bestanen huet, déi genee Auerzäit ze verkafen.

Si hat dofir e Chronometer, dee mat der offizieller Zäit (Greenwich Mean Time) vum Royal Observatory zu Greenwich ofgeglach war, an huet deen da mat bei Abonnente geholl, déi dann hir Auer konnten no der Joffer Belville hirem Chronometer astellen. Schonn hire Papp, hat dëse Service 1836 agefouert. Nodeem hir Mamm dat nom Doud vum Papp eng Zäitche weidergefouert hat, huet d'Ruth Belville selwer et vun 1892 bis bis 1939 (wou se 85 Joer al war) bedriwwen. Si war dofir zu London als d'„Greenwich Time Lady“ bekannt.

Zum Schluss hat se nach eng 40-50 Clienten.

Literatur[änneren | Quelltext änneren]

  • David Rooney: Ruth Belville: The Greenwich Time Lady. National Maritime Museum, London 2008, ISBN 978-0-948065-97-2.
  • Stephen Battersby: The lady who sold time. In: New Scientist, No. 2540, 26. Februar 2006, S. 52–53.

Referenzen[änneren | Quelltext änneren]

  1. David Rooney: Ruth Belville: The Greenwich Time Lady, S. 31 an 163.