Schütze
![](http://upload.wikimedia.org/wikipedia/commons/thumb/6/68/SS_Mannschaft.gif/80px-SS_Mannschaft.gif)
![](http://upload.wikimedia.org/wikipedia/commons/thumb/a/ac/DH001-Soldat.svg/80px-DH001-Soldat.svg.png)
Schütze ass dat däitscht Wuert fir Schëtz. Ursprénglech gouf et benotzt fir Bouschëtzen, am Éischte Weltkrich war et dunn deen ënneschsten Déngschtgrad an den däitsche Maschinnegewier-Unitéiten. Am Zweete Weltkrich gouf et deen Déngschtgrad och bei der Waffen-SS. Hautdesdaags ass et ëmmer nach deen ënneschtsten Déngschtgrad an den däitsche Sträitkräften, mam Nato Code OR-1.
No dräi Méint gëtt e Schütze am Reegelfall Gefreiter.
Den Déngschtgrad gëtt et tel quel ënner deem Numm bei den däitsche Ravitaillements-, Feldjeeër-, ABC-Ofwier-, Opklärungs- a Maintenancetruppen. Déi meescht Truppegattunge vun der Bundeswehr gebrauchen awer en aneren Numm fir dësen Déngschtgrad, z. B. Panzergrenadier (Panzergrenadiertruppen), Funker (Kommunikatiounstruppen), Flieger (Loftwaff) oder Matrose (Marinn).