Schischoul

Vu Wikipedia
Op d'Navigatioun wiesselen Op d'Siche wiesselen
Schischoul fir Kanner

Als Schischoul bezeechent een eng Installatioun a Schigebidder, wou ausgebilte Schinstrukteren den Touristen divers Rutschsportaarte bäibréngen.

Haaptgebitt ass d'alpint Schifueren. Hei gëtt et Kollektiv- a Privatcourse fir Kanner, Jugendlecher an Erwuessener. Wéi an der allgemenbildender Schoul gëtt et hei verschidden Klassen. D'Bezeechnung variéieren jee no Schischoul a Land. Et ginn och verschidden Schistiler ugebueden. Sou gëtt et Carving, Freestyle, Renntrainings-, Decouvertes- an nach jee no Schischoul verschidden Zorten vu Coursen.

U Beléiftheet gewuess sinn och d'Snowboardcoursen, wou änlech wéi beim alpine Schicours, divers Coursen ugebuede ginn.

Déi meescht Schischoulen bidden och Telemark, Kuerzschi an Laanglafcoursen.

Fir Ufänger gëtt et speziell getrennte Schigäert oder Idiotenhiwwelen wou d'Ufänger ouni Rippe vun erfarene Schifuerer a Rou kennen Schifuere léieren.

Déi meescht Schischoule bidden och Course fir Netschifuerer un wéi Ausflich mat Schnéiracketten, Nordic Walking an aner Coursen un.

Schitouren an gréisser alpin Projete ginn éischter vu Biergféierer, déi eng speziell Zousazausbildung hunn, organiséiert.

Et gëtt staatlech-ëffentlech a privat Schischoulen. All Schistatioun a Schihal huet meeschtens eng Schischoul.